यूहन्‍ना 12:42 - थुलुङ राई

⁴² यहूदी ङाउमिम हापाका वो मेराम थारीका येशूडा थो़रबेम्‍डी। लावो घ्रो़म्‍दीनेमलामका कोल्‍सामी र्‍वाक्‍साका फरिसीमिमडाम ङिमुका थो़रबेम्‍डिम मेसो़मिवा।

यूहन्‍ना 12:42 Referans Kwoze

यूहन्‍ना 9:22

मेरामकु माम-पाप यहूदीमिमडाम ङिच्‍चिमका आरे र्‍वाक्‍चिम बाइडा। हेङालोने कोङनिमका येशूलाई ख्रीष्‍ट र्‍वाक्‍ता माला मेरामलाई घ्रो़म्‍दीनेमलामका ख्‍लुम्‍सोमु बासी र्‍वाक्‍साका यहूदीमिमका ङादोङा मुलु़ बेम्‍डिम बाइडा।

यूहन्‍ना 7:13

लावो यहूदीमिमकु ङिमका सु़का वो उनीमा दुथाम खोत्‍लेकु ङादोडा हाम वो मेर्‍वाम्‍वा।

मत्ती 10:32

“मु़चु़मिमकु ङादोडा उहेमका गोलाई रङी, पाह्रीला आमा पापकु ङादोडा मेरामलाई वो गो आमा सीसिपा र्‍वाङु।

१ यूहन्‍ना 4:15

कोङ मु़चु़का येशू माम्‍चु़नीकु तारापाचो़ र्‍वाक्‍साका थो़र बु़ माला माम्‍चु़नी मेराम मु़चु़नुङ दु़म्‍मी मा मेराम मु़चु़ माम्‍चु़नीडा दु़म।

१ यूहन्‍ना 4:2

आरेसाका माम्‍चु़नी-पेललाई गानी छेमु चाम्‍नी: मु़चु़ होङङा येशू ख्रीष्‍ट ओराम सु़म्‍दिसेरडा योम्‍डी र्‍वाक्‍साका उहेम मु़चु़का र्‍वा मेराम मु़चु़काडा बाट्‌पा माम्‍चु़नी-पेल सो़।

रोमी 10:10

हेङालोने गुइ नगोलामका थो़रलु़साका ङा माम्‍चु़नीकु ङादोडा जो़पा न-गोकाम दु़म्‍सी। मेम्‍मा गुइ थो़रलु़इडिम ल्‍वा त्‍वाकु सिकाङा सो़साका सेल्‍सिडी।

थु़र्मा 5:41

माम्‍चु़नीका मेर्मिमलाई येशूकु नङडा नाप्‍छु़न्‍ला सो़म्‍सिमु घ्रेट्‌पा दु़म्‍बेट्‌मिडी र्‍वाक्‍तो गेर्सिक्‍तो मेर्मिम मे डोक्‍पु घ्रो़म्‍दीलामका लुम्‍डिमा लम्‍डी।

यूहन्‍ना 19:38

मेकोतिमा चङ्‌डा, अरिमाथिया देलडाम योसेफका पिलातसकाडा येशूकु सिपा मिरो़म बियु़डु़। यहूदीकु ङिमुका योसेफ मेचहोमका येशूकु कोले सीसिपा बाइडा। पिलातसका लमु ग्‍वाक्‍तु़मा गु रोक्‍तामा उनीमा सिपा मिरो़म लडु़।

यूहन्‍ना 16:2

मेर्मिमका गानीलाई घ्रो़म्‍दीनेममिमलामका पाखा कोल्‍निमी। लावो आरेप्‍माम थारी रोक्‍तोङा लेडु़, कोङनिम उहेमका गानीलाई सेनी मेर्मिमका माम्‍चु़नीकु लाले-पाङके बेत्तोङा लेट्‌पु र्‍वाक्‍पा मिम्‍मी।

यूहन्‍ना 12:11

हेङालोने लाजरस सिमुलामका बग्‍गेड्‌डामका यहूदीमिमगोडाम हापा मु़चु़मिम फ्‍वाम्‍सिम्‍डिमा येशूडा थो़र बेम्‍डिम बाइडा।

यूहन्‍ना 11:45

मरियमलाई क्रो़म्‍डा रोक्‍पा यहूदीमिम हापाका येशूका बेम्‍डिम ओराम खारी ल्‍वाम्‍डिमा गुमीडला थो़रबेम्‍डी।

यूहन्‍ना 9:34

मेर्मिमका मेराम मु़चु़लाई र्‍वाम्‍डी, “गाना ने गक्‍नालोङा छु़लका देम्‍पा बान्‍ना! हाम गुकुलाई सीमु माल्‍की?” मेम्‍मा मेर्मिमका गुलाई घ्रो़म्‍दीनेमलामका पाखा कोल्‍सोम्‍डी।

यूहन्‍ना 3:2

सिन्‍था गु येशूकाडा रोक्‍तामा र्‍वाक्‍ता, “सीपा, गानी माम्‍चु़नीलाम योक्‍पा सीपा मु़चु़ र्‍वाक्‍साका गुकु चकु। हेङालोने माम्‍चु़नी मेर्मिमनुङ मेदु़म्‍मिवा माला गानी बेन्‍निम हेल्‍लो वो मेल्‍वाम्‍मा छेखोपमिम सु़का वो बोमु मेचाम्‍मी।”

लूका 12:8

“गो गानीलाई र्‍वाङु, गो आमा सीसिपा र्‍वाक्‍साका गानी मु़चु़मिमलाई र्‍वानी माला माम्‍चु़नीकु पाह्रीचो़मिमकु ङादोडा मिनीचो़का वो गानीलाई उ सीसिपामिम र्‍वा।

लूका 6:22

मिनीचो़डला थो़र लु़न्‍निमका मु़चु़मिमका मेद्‌वानिमी, सामालामका ख्‍लुनिमी, मा रिन्‍सानिमी, मेम्‍मा मेजो़पा मिम्‍मिमा गानीलाई डक्‍साका जेमी माला गानी आलाकाम सो़।

लूका 23:13

मेकोतिमा पिलातसका ङाउ डु़म्‍लाचो़मिम, यहूदीमिमकु ङाउ, मा मु़चु़मिमलाई खोप्‍डु़मी।

यूहन्‍ना 7:31

आथावो सेर्पा मु़चु़मिमगोडाम हापा मु़चु़मिमका गुमीडला थो़रलु़म्‍डी। मेम्‍मा मेर्मिमका र्‍वाम्‍डी, “ख्रीष्‍ट योमिलो ओराम मु़चु़का बु़डु़मडाम वो हाम हापा डोक्‍पु यु़मखारीमिम बोमी मा?”