यूहन्‍ना 12:36 - थुलुङ राई

³⁶ गानीनुङ ओल बुलोङा मेरामडला थो़रलु़नी। मेम्‍मा गानी ओलडा बाट्‌पा मु़चु़ होप्‍माम दु़म्‍नी।” येशूका ओर्मिम ल्‍वा र्‍वामु दु़म्‍मिडिमा मेलामका लम्‍डिमा मेर्मिमडाम थसिक्‍साका बाम्‍डी।

यूहन्‍ना 12:36 Referans Kwoze

एफिसी 5:8

ङादो गानी तुकुम्‍चिमगोडा बान्‍नी, लावो आथा ने ङाचो़ येशूलाममिम ओलडा रोक्‍निम बु। मेम्मिमका आथाडा आनो गानी ओलचो़ होम्‍साका बानी दोनी।

१ थेसलोनिकी 5:5

हेङालोने गानी खोत्‍ले ओलडाम नुङ नेम्‍फुम मु़चु़ सो़। सिन्‍थाम नुङ तुकुम्‍चिमडाम मु़चु़ गुइ मेएँ।

यूहन्‍ना 8:59

मेम्‍मिमका मेर्मिमका येशूलाई लुङका ओम्‍मु लागि लुङ डो़म्‍डी, लावो गुमी थसिक्‍साका सो़रनेमलामका पाखा लुम्‍डी।

लूका 16:8

“मेकोतिमा मे खाप्‍ची रेपा मु़चु़का मिम्‍साका बु़डु़म खारी ल्‍वास्‍तु़मा खाप्‍चीचो़का उ नङ कोक्‍साड्‌डु़। मेम्‍साकाङा माम्‍चु़नीकु मु़चु़मिमडाम वो सु़म्‍दिसेरडाम मु़चु़मिमका वाङमिम मु़चु़नुङ छो़म मिम्‍साका खारी बोमी।

यूहन्‍ना 11:54

मेम्‍मिमका यहूदीमिमकु ङादोडा ल्‍वाहोमका येशू मेबामिवा। मेम्‍मेबेसाका, गुमी र्‍याङगो-र्‍याङगो फार्डाम एफ्राइम र्‍वाक्‍मा देलडा लम्‍डी। मेम्‍मा उनी सीसिपामिमनुङ मेसिन्‍डा बाम्‍डी।

यूहन्‍ना 1:7

खोत्‍लेका मेराम ल्‍वा थो़साका थो़रलु़मिनु़ र्‍वाक्‍साका ओलकु दुथाम मु़चु़मिमनुङ सो़प्‍डा गु रोक्‍ता।

१ थेसलोनिकी 5:8

लावो गुइ ने नेम्‍फुम मु़चु़ सो़, मेम्‍मिमका त्‍वापलाई जो़होमका जु़ली, येशूडा थो़रलु़मुम बुमु मा वाङमिमलाई रिखाम बोमुम बुमु लागि बोपा-थार्पा धक्‍चीख्रेम फम्‍सिमु बासी। मेम्‍मा येशूका सेल्‍सामी र्‍वाक्‍पा नाका बोपा-थार्पा खुचु़खुम खुम्‍सिमु बासी।

यूहन्‍ना 3:21

लावो उहेमका माम्‍चु़नीका र्‍वामिमिम होङङा बु़, मेराम ओलडा रो, मा माम्‍चु़नीलाम गुका मेराम खारी बु़डु़म र्‍वाक्‍साका जो़होमका दो़।”

मत्ती 21:17

मेकोतिमा गुमीका मेर्मिमलाई डिन्‍जो़ल्‍मिडिम बेथानिया र्‍वाक्‍मा देलथो़ ख्‍लोम्‍सिम्‍डी, मा सिन्‍था मेसिन्‍डा बाम्‍डी।

मत्ती 5:14

“गानी सु़म्‍दिसेरडाम ओल होप्‍माम सो़। पोप्‍चङडला बनेबेम्‍मा शहर सु़का वो थमु मेचाम्‍मी।

यूहन्‍ना 8:12

आथावो येशूका मु़चु़मिमनुङ ल्‍वाबेम्‍डी, मा र्‍वाम्‍डी, “सु़म्‍दिसेरडाम मु़चु़मिमकु ओल गोङा सो़। आमा चङचङ लाम्‍दिपा मु़चु़ हेल्‍लो वो तुकुम्‍चिमडा मेलाम्‍दी, लावो मेरामका त्‍वारो़म ग्‍वाक्‍पा ओल ल्‍वासु़।”

यूहन्‍ना 12:37

येशूका मे मु़चु़मिमकु ङादोडा हापा यु़म-खारीमिम बेम्‍डी, लावो मेर्मिमका गुमीडला थो़र मेबेमिवा।

यूहन्‍ना 12:46

गो ओराम सु़म्‍दिसेरडा ओल दु़म्‍साका योङ्‌डोम बु, मा गोडला थो़रबेपा मु़चु़ सु़ वो तुकुम्‍चिमडा मेदु़म्‍नु़।