यूहन्‍ना 12:32 - थुलुङ राई

³² लावो गो सुबुलामका कोङसिङुमा खोत्‍ले मु़चु़लाई आमाडा रेट्‌पुमी।”

यूहन्‍ना 12:32 Referans Kwoze

यूहन्‍ना 8:28

मेम्‍मिमका येशूका र्‍वाम्‍डी, “मिनीचो़लाई गानी क्रूसडला कोनी, मेम्‍मा गो गुमीङा र्‍वाङ्‌डोम गानी चनी। गो आमा त्‍वाकु साखामडा हाम वो मेबेउ, लावो पापका हाम सीट्‌ङिडिमी मेराम कोङङा जेङु।

यूहन्‍ना 3:14

र्‍याङगो-र्‍याङगोडा मोशाका थामडला ब्‍लो कोस्‍तु़म होम्‍साकाङा मिनीचो़ वो कोम्‍सिमु बासी,

१ पत्रुस 2:24

गुमीका इकी छु़लमिम उनीमा मिरो़मडा क्रूसडला कुर्मिडी। उनीमा पारमिमका गानी सन्‍निम बु। मेम्‍साका छु़ल मेबिइनु़ मा माम्‍चु़नीकु न-गो होम्‍साका नु़इनु़।

यूहन्‍ना 6:44

गोलाई थु़र्पा पापका आमाथो़ मेक्रिथु़मसम्‍म सु़ वो आमाडा रोमु मेचाप्‍सु़, मा गो मेरामलाई हुक्‍पा थारीनेम नु़बेट्‌पु।

१ यूहन्‍ना 2:2

इकीमा छु़लकाम लागि गुमी सासेन्‍सिम्‍डी, इकीमा छु़लकाम लागि कोङङा मेएँ खोत्‍ले सु़म्‍दिसेरकु छु़लकाम लागि गुमी सासेन्‍सिम्‍डी।

१ तिमोथी 2:6

खोत्‍ले मु़चु़मिमका देन्‍दे ल्‍वामुडाम फ्‍वामुकु थि सोमु लागि येशू ख्रीष्‍ट उनी त्‍वापङा सासेन्‍सिम्‍डी। खोत्‍ले मु़चु़ सेल्‍सिमिनु़ र्‍वाक्‍पा न बेपा माम्‍चु़नीका येशू ख्रीष्‍ट क्रूसडा चेसिक्‍साका सिमु ग्‍वाम्‍डिम ल्‍वाका रेम्‍बु़। मेराम माम्‍चु़नीका र्‍वाम्‍डिम थारीका दु़स्‍ता।

हिब्रू 2:9

लावो गुइ येशूलाई ल्‍वासी, गुमी घरिकोङकाम लागि पाह्रीचो़मिमडाम याक्‍के दु़म्‍मिडी। मेम्‍मा माम्‍चु़नीकु दिदामका खोत्‍लेकाम लागि गुमीलाई सिप्‍डा थु़र्मिडी। येशूकाङा सिमु दु़खा इम्‍मिडिमका माम्‍चु़नीलामका यु़म झ्‍वाक्‍सी नुङ डोक्‍पु बेसीकु मुकुट ल्‍वाम्‍डी।

गलाती 3:13

येशू ख्रीष्‍टका थि सोक्‍साका डु़म्‍लागोडाम वाइतोलामका गुइलाई फ्‍वाक्‍साड्‌डामी, मा इकीमा खोमडा गुमी वाइतो बेन्‍ला सो़सिम्‍डी। हेङालोने माम्‍चु़नीकु सिजेमडा र्‍याक्‍मा बु, “सु़ सङडा चेसी मेराम वाइतो बेन्‍ला सो़सिड्‌डाम दु़म।”

यूहन्‍ना 1:7

खोत्‍लेका मेराम ल्‍वा थो़साका थो़रलु़मिनु़ र्‍वाक्‍साका ओलकु दुथाम मु़चु़मिमनुङ सो़प्‍डा गु रोक्‍ता।

रेम्‍बेट्‌मिडिम ल्‍वा 5:9

मेर्मिमका आरे र्‍वाक्‍तो कोले लाले काम्‍सो बेम्‍डी: “दिल्‍साका जु़ल्‍मा खाजेम रमु नुङ ओरामकु छापमिम होर्मुका घ्रेट्‌पा गानी, हेङालोने गानीलाई सेट्‌निमी मा खोत्‍ले दोचो़लाम, ल्‍वा जेपालाम, मु़चु़मिमलाम नुङ नेब्‍दीलामका माम्‍चु़नीकाम लागि इनीमा सिसिका मु़चु़मिम भ्रेन्‍निमी।

१ पत्रुस 3:18

इकीमा छु़लमिमकाम लागि ख्रीष्‍ट सिम्‍डी। कोखेप गुमी सिम्‍डिम बाइडा, आथा ने सिमु मेबासी। गुमीका हेल्‍लो वो छु़ल मेबेमिवा लावो गानीलाई माम्‍चु़नीकाडा रेन्‍मु छु़लचो़मिमकाम लागि गुमी सिम्‍डी। मिरो़मडा सिसाका गुमीका दु़खा ल्‍वाम्‍डी, लावो पेलडा गुमी नु़साका बम्‍गेम्‍डी।

यूहन्‍ना 19:17

गुमीका उनी त्‍वाकु क्रूस त्‍वाकाङा कुर्साका बुइसेर र्‍वाक्‍मा बायथो़ लम्‍डी, मेरामलाई हिब्रू ल्‍वाडा गल्‍गथा र्‍वामी।

यूहन्‍ना 12:34

मे सेर्पा मु़चु़मिमका र्‍वाम्‍डी, “ख्रीष्‍ट हेल्‍लो लोवो दु़म्‍मी र्‍वाक्‍साका गुकु डु़म्‍लालाम थो़त्तोकोम बु। मिनीचो़ कोम्‍सिमु बासी र्‍वाक्‍साका गानी हेसाका र्‍वामु चाम्‍नी? ओराम मिनीचो़ र्‍वाक्‍मा सु़?”

यूहन्‍ना 18:32

गुमी हेसाका सिमु बासी र्‍वाक्‍साका येशूका र्‍वाम्‍डिम ल्‍वा रोम्‍थिमु लागि आरे दु़स्‍ताम बाइडा।