25 उ त्वाकाम लागि नु़पा मु़चु़का त्वारो़म मेल्वासु़। ओराम सु़म्दिसेरडा उ त्वाकाम लागि नु़मु मेद्वाक्पाका त्वारो़म ल्वासु़।
उहेमका उ त्वाकु साम जु़ल्मु माल्लु़, मेरामका त्वारो़म मेल्वासु़। उहेमका गु गोनुङ लाम्दिडामका उ साम फ्याक्सु़, मेरामका त्वारो़म ल्वासु़।
उहेम मु़चु़का उ साम जु़ल्मु न बु़ मेरामका त्वारो़म मेल्वासु़। लोवो उहेम मु़चु़का आमा लागि उ साम फ्याक्सु़ मेरामका त्वारो़म ल्वासु़।
हेङालोने उहेमका उमा साम जु़ल्मु न बु़, मेरामका मे मेल्वासु़, लावो जो़पा-सेला नुङ आमा नङकु दुथाम उमा त्वाकु साम ङा वो फ्याक्पाका मेराम ल्वासु़।
हेङालोने उहेम मु़चु़का उ त्वाकु साम जु़ल्मु मालु़, मेरामका त्वारो़म मेल्वासु़। लावो उहेम मु़चु़का आमा लागि उ साम फ्याक्सु़, मेरामका त्वारो़म ल्वासु़।
“कोङनिम मु़चु़ आमा सीसिपा दु़म्मु न बु़ माला, मेराम मु़चु़का वो उ त्वाकु माम-पाप, उ नाइमे, उ चो़च्चो़मिम, उ वा-ल्वाकमिम, मा उ त्वापडाम वो हापा गोलाई रिखाम बोमु बासी। मेएँ माला मेराम मु़चु़ आमा सीसिपा मेदु़म।
भेन्दाचो़कु सिसिका नुङ मेर्मिमका सो़म्डिम सिजेमका मेराम मुनाङडला घ्ल्वाम्डिम बु। मेर्मिम सिमुङा बासिक्पा लोवो सिमु मेङिपा बाम्डी।
मेम्मा उहेमका आमा लागि उ त्वाकु नेम, वा-ल्वाक लोवो, रिचो़ लोवो, माम-पाप लावो, चो़च्चो़मिम लोवो, ये-द लोवो डिड्डु़म बु, मेरामका को सङङा (१००) हापा ल्वासु़। मेम्मा हेल्लो वो मेसिपा त्वारो़म ल्वापा दु़म।
लावो गो आमा मिरो़म त्वाकाम लागि हाम होङ्ङा वो मेलु़ङु। गो आकोति कोङङा मालुमिम बु– येशू ख्रीष्टका गोलाई ग्वाङ्डिमिम माम्चु़नीकु दिदामकु दुथाममिम जो़पा-सेलाकु खारी गो मेङेसिसाका बोम्सोमु चापुनु़।
लावो पावलका र्वाक्ता, “गानी हेङा आरेसाका ख्राम्नीमा आमा न चनिमिम? गो ङाचो़ येशूकाम लागि यरूशलेमडा बन्ला सो़म्सिमु कोङङा मेएँ, सिमु ङा वो हाम होङ्ङा मेलु़ङु।”
थो़रकाङा मेसेममिमका सिपा उनी मु़चु़मिम सिमुलाम बग्गेट्मिडिम डार्मिडी। वाङमिमका ने सिमुलाम बग्गेसाका मेरामडाम जो़पा त्वारो़म ल्वामु लागि थो़म्बोक बिपा दु़खा इम्मिडी मा वाङ दु़म्मु मेबिम्सिप्मिवा।