यूहन्‍ना 12:23 - थुलुङ राई

²³ येशूका र्‍वाम्‍डी, “मिनीचो़कु यु़म-झ्‍वासिक्‍पा थारी रोक्‍फाड्‌डाम बु।

यूहन्‍ना 12:23 Referans Kwoze

मर्कूस 14:41

गुमी सुकखेपडा रोम्‍डिमा मेर्मिमनुङ र्‍वाम्‍डी, “हाम गानी आथावो अम्‍चेट्‌पा ङा बुनी, मा ङेन्‍सिनिम बुनी? आकोतिङा दु़म्‍नु़, हेङालोने मिनीचो़लाई छु़लचो़मिमकु ल्‍वाडा भ्रेट्‍पा थारी रोम्‍फामु दु़म्‍स्‍तु़म बु।

मत्ती 25:31

“मिनीचो़ खोत्‍ले पाह्रीचो़मिमनुङ उ यु़म-झ्‍वाक्‍सीडा यो, मा हप दु़ममा डोक्‍पु उ गन्‍खोपडा गन।

यूहन्‍ना 12:16

येशूकु सीसिपामिमका ओर्मिम ल्‍वा ङादो थेसिमेथेट्‌मिवा। लावो येशूकु यु़म-झ्‍वाक्‍सीडाम चङ्‌डा मेर्मिमका ओर्मिम खोत्‍ले ल्‍वामिम उनीमा दुथाम र्‍याक्‍मा बाइडा। मेम्‍मा मे मु़चु़मिमका उनीमा लागि ओर्मिम खोत्‍ले बेम्‍डिम रेछा र्‍वाक्‍साका थेसिथेट्‌मिडी।

मत्ती 26:45

मेकोतिमा गुमी उनी सीसिपामिमकाडा ख्‍लोम्‍सीम्‍डिमा र्‍वाम्‍डी, “गानी आथावो अम्‍ल्‍याक्‍पाङा बुनी, मा ङेन्‍सिनिम बुनी? रेप्‍नी, मिनीचो़ छु़लचो़मिमकु ल्‍वाड्‌डा ग्‍वाला सो़सिक्‍पा थारी रोक्‍फाड्‌डाम बु।

मर्कूस 14:35

मेकोतिमा गुमी किचो़ होनोक्‍थो़ लम्‍डिमा क्‍वायु़ खुम्‍बु बेम्‍थाम्‍डिमा नु़ माला ओराम थारी गोडला मेरोनु़ र्‍वाक्‍तो सो़म्‍दी बेम्‍डी।

यूहन्‍ना 7:39

गुमीका ओराम ल्‍वा माम्‍चु़नी-पेलकु दुथाम सो़म्‍डिम बाइडा। मे माम्‍चु़नी-पेल गुमीडा थो़र लु़पा मु़चु़मिमका ल्‍वामु खाप्‍मिमिम बाइडा। ओम्‍लोसम्‍म वो माम्‍चु़नीका मेर्मिमडला पेल थु़र्मीडिम मेबायावा, हेङालोने आथावो येशूकु यु़म मेझ्‍वासिक्‍थेङा बाइडा।

यूहन्‍ना 12:27

“आमा न-गो छो़म मेभ्रसिक्‍पा बु, मा गो हाम र्‍वामु? ‘ए पाआ, ओराम थारीका गोलाई सेल्‍ङिनी’ र्‍वामु? मेएँ, दु़खा ल्‍वामुकाम लागिङा ओराम थारीडा गो रोङ्‌डोम।

यूहन्‍ना 13:1

सेल्‍सिमुनेमकु चाड ङादो गुमीका ओराम सु़म्‍दिसेर डिसाका पापकाडा लक्‍पा उनी थारी रोक्‍फाड्‌डा र्‍वाक्‍साका येशूका चम्‍डी। गुमीका सु़म्‍दिसेरडा बाट्‌पा उनी सीसिपामिम खोत्‍लेलाई रिखाम बेत्तो मेर्मिमलाई चङ्‌डासम्‍म छो़म रिखाम बेम्‍डी।