13 मेम्मा मु़चु़मिमका खजुरकु ग्रेम झेट्मिडिमा येत्तो गुमीलाई क्रो़म्डा लम्डी, “होसन्ना! मिप्रङमाकु नङडा योक्पा आलाकाम इस्राएलडाम हप।”
मेम्मा मेर्मिमका माम्चु़नीकु खारी बेपा मोशाकु काम्सो नुङ भेन्दाचो़कु काम्सो आरे र्वाक्तो बेत्तोङा बेम्डी: “मिप्रङमा माम्चु़नी खोत्लेडलाम यु़मनुङमा, इनीमा खारीमिम डोक्पु नुङ ङाङायाम बुमी। सु़म्दिसेरडाम खोत्ले मु़चु़मिमकु हप, इनीमा खारीमिम जो़पा नुङ आच्छाङाकाम बुमी।
ओराम चङडा ङार्मुङा मेझापा सेर्पा मु़चु़मिम ल्वाउतोमी। मेर्मिम ने खोत्ले नेब्दीलाम, ल्वा जेपालाम, खोत्ले सामा नुङ दोचो़डाम मु़चु़मिम हप गन्खोप नुङ भेन्दाचो़कु ङादोडा येम्तासिट्पा बाम्डी। मेर्मिमका बुबुयाम ब्लाङमा फम्तासिम्डी मा उनीमा ल्वाडा खजुरकु ग्रेममिम जेन्थाम्डी।
नथानेलका र्वाक्ता, “सीपा, गानी माम्चु़नीकु तारापाचो़, गानी इस्राएलडाम हप।”
हेङालोने गो गानीलाई र्वाङु, ‘मिप्रङमाकु नङडा रोक्पा जिनुङमा सो़’ मेर्वानिमिमसम्म गानी गोलाई मेल्वाङिनी।”
लावो मेर्मिमका डोक्पु लो़लामका येत्तो र्वाम्डी, “ओरामलाई लक्नी, ओरामलाई क्रूसडा चेट्नी।” पिलातसका हिलाबु़डु़, “हाम गो इनीमा हपलाई क्रूसडा चेन्मु?” ङाउ डु़म्लाचो़मिमका र्वाम्डी, “कैसर कोङङा आकीमा हप।”
उनीमा ब्लाङमाडा नुङ उनीमा फिलाडा ओराम उनीमा नङ र्याक्मा बाइडा: “हपमिमकु हप नुङ ङाचो़मिमकु ङाचो़।”
“ए सियोनकु जाउमोचो़, मेङिसा। रेप्डा, इमा हप गधाकु चो़डला हुसाका बिक्तोङा बोमी।”
मेर्मिमका र्वाम्डी, “ओरामका वाङमिमलाई सेल्लु़मी, लावो उ त्वापलाई ने सेल्मु मेचाप्सु़। गु इस्राएलडाम हप। ओम्लोङा क्रूसलामका लुक्साका योनु़, मा गुइ ओरामडला थो़रबिइ।
येशूका कोले गधाकु चो़ डार्मिडिमा मेडला हुम्डी। माम्चु़नीकु सिजेमडा आरेसाका र्याक्मा होङ्ङा दु़स्ता: