यूहन्‍ना 11:54 - थुलुङ राई

⁵⁴ मेम्‍मिमका यहूदीमिमकु ङादोडा ल्‍वाहोमका येशू मेबामिवा। मेम्‍मेबेसाका, गुमी र्‍याङगो-र्‍याङगो फार्डाम एफ्राइम र्‍वाक्‍मा देलडा लम्‍डी। मेम्‍मा उनी सीसिपामिमनुङ मेसिन्‍डा बाम्‍डी।

यूहन्‍ना 11:54 Referans Kwoze

यूहन्‍ना 7:1

ओराम चङडा, येशू गालील क्षेत्रबाडे खोत्‍लेथो़ खिर्सिम्‍डी। गुमीका यहूदिया क्षेत्रडाम वाङथो़ङा बाट्‌पा न बेम्‍डी। हेङालोने मेसिन्‍डा यहूदीमिमका गुमीलाई सेन्‍मु माल्‍तोङा लेट्‌मिडी।

यूहन्‍ना 7:4

जो़पा नङ फोन्‍सिमु द्‌वाक्‍पा सु़का वो मेल्‍वाखोपडा खारी मेबु़। गानी ओर्मिम खारी बोनी माला सु़म्‍दिसेरडाम मु़चु़काडा इनी त्‍वापङा रेम्‍बेन्‍सिट्‌नी।”

यूहन्‍ना 18:20

येशूका र्‍वाम्‍डी, “सु़म्‍दिसेरडा खोत्‍लेकु ङादोडा गो जेङडोम बु। यहूदीमिम खोम्‍सिमिमिम घ्रो़म्‍दीनेममिम नुङ सो़रनेमबाडे गो हेल्‍लो लोवो सीत्तोमी। थसिक्‍साका गो हाम वो र्‍वाङडोम मिबु।

यूहन्‍ना 10:40

मेकोतिमा येशू यर्दन ब्‍लोकु होम्‍बुनोम, ङादो यूहन्‍नाका कु-रु़दु़म ग्‍वाक्‍थाल्‍लु़म बायडा लम्‍डी। मेम्‍मा गुमी मेसिन्‍डा बाम्‍डी।

यूहन्‍ना 7:13

लावो यहूदीमिमकु ङिमका सु़का वो उनीमा दुथाम खोत्‍लेकु ङादोडा हाम वो मेर्‍वाम्‍वा।

यूहन्‍ना 7:10

लावो येशूकु ल्‍वाकमिम चाड मानेबेप्‍डा लम्‍डिम चङडा सु़का वो मेल्‍वापा बेसाका गुमी वो लम्‍डी।