यूहन्‍ना 11:51 - थुलुङ राई

⁵¹ ओराम ल्‍वा गुका उमा त्‍वाकु नका र्‍वाक्‍ताम मेएँ, गु मेथचेम डोक्‍पु ङाउ डु़म्‍लाचो़ दु़स्‍तामका यहूदीमिमकाम लागि येशू सिमु बासी र्‍वाक्‍साका माम्‍चु़नीलाम-जेस्‍ताम बाइडा।

यूहन्‍ना 11:51 Referans Kwoze

२ कोरिन्‍थी 5:21

माम्‍चु़नीका ख्रीष्‍टडा गुइलाई उनी त्‍वाकु ङादोडा जो़पा न-गोकाम दु़म्‍बेन्‍मु लागि हेल्‍लो वो छु़ल मेबेपा ख्रीष्‍टलाई इकीमा छु़ल कुर्बेट्‌मिडी।

गलाती 3:13

येशू ख्रीष्‍टका थि सोक्‍साका डु़म्‍लागोडाम वाइतोलामका गुइलाई फ्‍वाक्‍साड्‌डामी, मा इकीमा खोमडा गुमी वाइतो बेन्‍ला सो़सिम्‍डी। हेङालोने माम्‍चु़नीकु सिजेमडा र्‍याक्‍मा बु, “सु़ सङडा चेसी मेराम वाइतो बेन्‍ला सो़सिड्‌डाम दु़म।”

१ कोरिन्थी 13:2

गोनुङ माम्‍चु़नीलाम जेपा राप्‍लावा बु, खोत्‍ले थक्‍मा ल्‍वा नुङ नेप्‍ची थेसिथेन्‍मु चापु, मा पोप्‍चङ हेम्मु चापा थो़र बु लावो आगोनो रिखाम मिबु माला गो हाम वो मेएँ।

यूहन्‍ना 10:15

आमा पापका गोलाई छेङिमी, मा पापलाई गो छेपुमिम होङ्‍ङा भेन्‍दामिमकाम लागि आ त्‍वापलाई सासेट्‌पु।

मत्ती 20:28

मिनीचो़ चापे-डुपे बेला सो़सिप्‍डा मेएँ, चापे-डुपे बेप्‍डा नुङ उमा त्‍वाकु साम फ्‍यामुमा हापा मु़चु़मिमकु थि सोक्‍साका सेल्मु लागि योक्‍ताम सो़।”

१ पत्रुस 3:18

इकीमा छु़लमिमकाम लागि ख्रीष्‍ट सिम्‍डी। कोखेप गुमी सिम्‍डिम बाइडा, आथा ने सिमु मेबासी। गुमीका हेल्‍लो वो छु़ल मेबेमिवा लावो गानीलाई माम्‍चु़नीकाडा रेन्‍मु छु़लचो़मिमकाम लागि गुमी सिम्‍डी। मिरो़मडा सिसाका गुमीका दु़खा ल्‍वाम्‍डी, लावो पेलडा गुमी नु़साका बम्‍गेम्‍डी।

१ पत्रुस 2:24

गुमीका इकी छु़लमिम उनीमा मिरो़मडा क्रूसडला कुर्मिडी। उनीमा पारमिमका गानी सन्‍निम बु। मेम्‍साका छु़ल मेबिइनु़ मा माम्‍चु़नीकु न-गो होम्‍साका नु़इनु़।

यूहन्‍ना 11:49

मेर्मिमगोडाम कैयाफा र्‍वाक्‍मा मेथचेम डोक्‍पु ङाउ डु़म्‍लाचो़ बाइडा। गुका र्‍वाक्‍ता, “गानी हाम वो मेचनी।

यूहन्‍ना 18:13

मेम्‍मा गुमीलाई ङादो हन्‍नासकाडा लम्‍डी, गु मेथचेम डोक्‍पु ङाउ डु़म्‍लाचो़ कैयाफाकु नाइमेकु पाप बाइडा।

१ यूहन्‍ना 2:2

इकीमा छु़लकाम लागि गुमी सासेन्‍सिम्‍डी, इकीमा छु़लकाम लागि कोङङा मेएँ खोत्‍ले सु़म्‍दिसेरकु छु़लकाम लागि गुमी सासेन्‍सिम्‍डी।