यूहन्‍ना 11:48 - थुलुङ राई

⁴⁸ ओरामलाई आरे बोमु ग्‍वाक्‍ती माला खोत्‍लेका गुडला थो़रबोमी। मेम्‍मा रोमी सिपाहीमिमका रोमिमा इकीमा सो़रनेम नुङ नेब्‍दी निफिङा छो़रो़प बोमी।”

यूहन्‍ना 11:48 Referans Kwoze

थु़र्मा 5:28

“येशूकु नङडा हाम वो मेसीनिमी र्‍वाक्‍साका गुकु गानीनुङ र्‍वाक्‍तोकोम मेएँ? लावो इनी सीसिका ने खोत्‍ले यरूशलेम ङा लिबेट्‌नी, मा मे येशूलाई गानी सेट्‌निम र्‍वाक्‍साका आकीमा बुइडला उन्‍मु माल्‍नी।”

लूका 11:52

“गानी मोशाकु डु़म्‍ला छो़म थेट्‌पामिम ने हाउरेमा, हेङालोने माम्‍चु़नीलाई छेपा नेप्‍ची गानी ल्‍वान्‍नी। गानी माम्‍चु़नीलाई आच्‍छाङाका मेछेनी। मेम्‍मा माम्‍चु़नीलाई छेमु न बेपामिमलाई वो छेमु मेग्‍वानी।”

लूका 8:12

लाम्‍दीडा झुक्‍पा भ्रल मेर्मिमङा सो़, उहेमका सिजेम थो़मी, लावो नगोडा थो़मिमिम सिजेमलामका थो़र मेलु़मिनु़मा मेसेल्‍सिमिनु़ र्‍वाक्‍साका शैतान रोमा मेर्मिमकु नगोडाम सिजेम रोडु़मा लल्‍याडु़।

मत्ती 27:25

खोत्‍ले मु़चु़का र्‍वाम्‍डी, “गुलाई सेट्‌माकु मुमा-तामा गुकु नुङ आकी चो़-चु़सु़डला बुसिनु़।”

मत्ती 22:7

मे हपकाम छो़म उ छोक्‍चो बक्‍ता। मेम्‍मा उ सिपाहीमिम थु़र्स्‍तु़मिमा डु़ल्‍चो़ सेट्‌पामिमलाई सेन्‍बेड्‌डु़मी, मा मेर्मिमकु शहरङा ख्‍याबेड्‌डु़मी।

यूहन्‍ना 1:7

खोत्‍लेका मेराम ल्‍वा थो़साका थो़रलु़मिनु़ र्‍वाक्‍साका ओलकु दुथाम मु़चु़मिमनुङ सो़प्‍डा गु रोक्‍ता।

मत्ती 22:9

लामख्रामिमबाडे लक्‍निमा गानी डार्निमिम खोत्‍ले मु़चु़लाई ग्रुला पेप्‍डा येट्‌नी।’

मत्ती 24:15

“सेपा खोमडा पुयु़लुबेट्‌पा मेसेपा ल्वा येम्तासिमुकु दुथाम माम्‍चु़नीलाम-जेपा दानिएलका र्‍वाक्‍ताम ल्‍वा गानी ल्‍वानिलो (ओराम र्‍वाक्‍माकु दुथाम डाट्‌पा मु़चु़का थेसिथेट्‌नु़),