यूहन्‍ना 11:47 - थुलुङ राई

⁴⁷ मेकोतिमा ङाउ डु़म्‍लाचो़मिम नुङ फरिसीमिमका डोक्‍पु-घ्रो़म्‍दीडाम मु़चु़मिमलाई येट्‌मिडिमा र्‍वाम्‍डी, “गुइ हाम बिइमिम? हेङालोने ओराम मु़चु़का हेल्‍लो वो मेल्‍वाम्‍मा यु़मखारीमिम हापा रेम्‍बेत्तोङा लेडु़।

यूहन्‍ना 11:47 Referans Kwoze

मत्ती 26:3

मेकोतिमा यहूदीमिमकु ङाउ डु़म्‍लाचो़मिम, यहूदी ङाउमिम, कैयाफा र्‍वाक्‍मा डोक्‍पु ङाउ डु़म्‍लाचो़कु ओगानेमडा घ्रो़म्‍मिडी।

यूहन्‍ना 12:19

मेकोतिमा फरिसीमिमका उनी त्‍वाप-त्‍वापगोडा आरे र्‍वाबोमु चो़म्‍मिडी, “गुइ हाम वो बोमु मेचाप्‍सी। रेप्‍नी, खोत्‍ले मु़चु़मिम मेरामकु चङचङ लाम्‍दिम्‍ल्‍याम्‍डी।”

यूहन्‍ना 11:57

लावो कोङनिमका डार्मिडी माला सो़मिनु़। मेम्‍मा गुकु गुलाई चु़म्‍कु र्‍वाक्‍साका ङाउ डु़म्‍लाचो़मिम नुङ फरिसीमिमका र्‍वाम्‍डिम बाइडा।

यूहन्‍ना 2:11

हेल्‍लो वो मेल्‍वाम्‍मा ओराम उनी खारी खोत्‍लेडाम ङादो येशूका गालीलडाम काना देलडा रेम्‍बेम्‍डी। आरेसाका गुमीका उनी यु़म-झ्‍वाक्‍सी रेम्‍बेम्‍डी, मा उनीमा सीसिपामिमका गुमीडला थो़र लु़म्‍डी।

मत्ती 5:22

लावो गो गानीलाई र्‍वाङु, गानी कोङनिमनुङ छोक्‍चो बेन्‍नी माला देन्‍दे ल्‍वापा मु़चु़ दु़म्‍नी। कोङनिमलाई गानी ‘ओइबु’ र्‍वानी माला डोक्‍पु अदालतका गानीलाई देन्‍दे ग्‍वाक्‍पा मु़चु़ दु़म्‍नी। मेम्‍मा कोङनिमलाई गानी वाइतो बेट्‌नी माला खादीगोयु़म मुगोडा घ्रु़पा मु़चु़ दु़म्‍नी।

थु़र्मा 5:24

सो़रनेमडाम कप्‍तान नुङ ङाउ डु़म्‍लाचो़मिमका ओराम ल्‍वा थो़म्‍डिमा ङाङाया दु़म्‍मिडी। मेकोतिमा ओराम चङ्‌डा हाम दु़म र्‍वाक्‍साका मिम्‍मिडी।

थु़र्मा 5:21

ओराम थो़म्‍डिमा मेर्मिम नेमसोसोका ङा सो़रनेमगोनो हुम्‍डी, मा सीमु चो़म्‍मिडी। डोक्‍पु ङाउ डु़म्‍लाचो़ नुङ गुनुङ बाट्‌पामिम घ्रो़म्‍दीनेमडा रोम्‍डी, मा मेर्मिमका डोक्‍पु घ्रो़म्‍दी मेराम र्‍वाक्‍मा इस्राएलीमिमकु खोत्‍ले ङाउमिमकु घ्रो़म्‍दी येट्‌मिडी, मा मे थु़र्मामिमलाई झ्‍यालखानलामका रेन्‍मु र्‍वाक्‍साका मु़चु़मिम थु़र्मिडी।

लूका 22:2

ङाउ डु़म्‍लाचो़मिम नुङ यहूदीकु डु़म्‍ला सीपा पातु़म्‍रीमिमका येशूलाई हेसाका सेन्‍मु र्‍वाक्‍साका खाप रेप्‍थाल्‍मिडी, लावो मु़चु़मिमडाम मेर्मिम ङिम्‍थाल्‍मिडी।

मर्कूस 14:1

मेरामकु नलेम चङडा सेल्‍सिमु-नेम नुङ लङखाम मान्‍थिम सो़बेम पेपा नेम बाइडा। मेम्‍लोका ङाउ डु़म्‍लाचो़मिम नुङ यहूदीमिमकु डु़म्‍ला सीपा पातु़म्‍रीमिमका येशूलाई हेसाका चु़म्‍मुमा सेन्‍मु र्‍वाक्‍पा खाप रेम्‍बाल्‍मिडी।

यूहन्‍ना 6:2

मेम्‍मा छो़म सेर्पा मु़चु़ येशूकु चङचङ लम्‍डी, हेङालोने गुमीका नो़पा मु़चु़लाई सबेट्‌मिडिम हेल्‍लो वो मेल्‍वाम्‍मा खारी मेर्मिमका ल्‍वाम्‍डिम बाइडा।

यूहन्‍ना 7:32

सेर्पा मु़चु़का सु़पील्‍वाका ओराम ल्‍वा जेम्‍डिम बाम्‍डिम फरिसीमिमका थो़म्‍डी। मेम्‍मा फरिसी नुङ ङाउ डु़म्‍लाचो़मिमका येशूलाई चु़म्‍मु लागि सो़रनेम लपा मु़चु़मिमलाई थु़र्मिडी।

यूहन्‍ना 7:45

सो़रनेम लपा मु़चु़मिम येशूलाई मेचु़म्‍साकाङा ख्‍लोम्‍सीम्‍डिमा फरिसी नुङ ङाउ डु़म्‍लाचो़मिमका हिलाबेम्‍डी, “मेरामलाई गानी हेङा मेरेट्‌निवाम?”