यूहन्‍ना 11:43 - थुलुङ राई

⁴³ गुमीका आरे र्‍वामु दु़म्‍मिडिमा डोक्‍पु लो़लामका येम्‍डी, “लाजरस, पाखा लुका।”

यूहन्‍ना 11:43 Referans Kwoze

थु़र्मा 9:40

मेर्मिम खोत्‍लेलाई पाखानो ख्‍लुक्‍तु़मिमा पत्रुसका क्रचु़खुम बु़डु़, मा सो़म्‍दी बु़डु़। मेकोतिमा मे सिपा रो़मथो़ ख्‍लोसिड्‌डामा र्‍वाक्‍ता, “तबीता, बका!” मा तबीताका उ मिक्‍सी ह्‌वाक्‍तु़। मेम्‍मा मेरामका पत्रुसलाई ल्‍वास्‍तु़मा बक्‍तामा गन्‍डा।

थु़र्मा 9:34

पत्रुसका मेरामनुङ र्‍वाक्‍ता, “ए एनियास, येशू ख्रीष्‍टका गानालाई सबेनामी। बका, मा इमा प्‍लान फका।” मेकोतिलोङा मेराम हुबक्‍ता।

थु़र्मा 3:12

मेराम ल्‍वास्‍तु़मा पत्रुसका मेर्मिमनुङ र्‍वाक्‍ता, “ए इस्राएलडाम मु़चु़नी, ओराम लाम्‍दिइडाम ल्‍वान्‍निमा हेङा गानी ङाङाया दु़म्‍निमा गुचुकुथो़ रेम्‍थानिमिम? गुचुकु आचीमा यु़मका नुङ माम्‍चु़नीकु सो़रलोले जो़होमका बेच्‍चोकोमका ओराम मु़चु़ लाम्‍दिइडाम र्‍वाक्‍पा मिम्‍थानिमिम?

थु़र्मा 3:6

मेकोतिमा पत्रुसका र्‍वाक्‍ता, “सो़ना, मतो गोनुङ मिबु, लावो हाम गोनुङ बु, मेराम ङा ग्‍वानी। नासरतडाम येशू ख्रीष्‍टकु नङडा लाम्‍दिया!”

मर्कूस 4:41

मेर्मिम छो़म ङिम्‍डी, मा उनी त्‍वाप-त्‍वापडाङा र्‍वाबोमु चो़म्‍मिडी, “हेप्‍माम डे गुमी ने! गुमीका र्‍वामिम ने ब्‍लोजु़ नुङ दिरिदिनका वो थो़मी रेछा!”

यूहन्‍ना 11:42

गो र्‍वाङुमिम ल्‍वा गानी हेल्‍लो लोवो थो़नी र्‍वाक्‍पा गो चक्‍पु। लावो आसिन्‍डा येम्‍तासिक्‍पा मु़चु़मिमकाम लागि गो र्‍वाङ्‌डोम। मेम्‍साका गानी गोलाई थु़र्ङिडिनिम र्‍वाक्‍पा ओर्मिमका थो़र बोमिनु़।”

यूहन्‍ना 11:44

मे सिडाम मु़चु़ उमा ल्‍वा-खेल नुङ ङाली साङखिमका बन्‍थाट्‌माङा पाखा लुक्‍ता। येशूका मेर्मिमलाई र्‍वाम्‍डी, “मेरामकु साङखिम फ्रोन्‍साट्‌नी, मा गुलाई लमु ग्‍वाक्‍नी।”

यूहन्‍ना 12:1

सेल्‍सिक्‍पा नेममिम चाडकु रुलेम ङादो येशू बेथानिया देलडा रोम्‍डी। येशूका सिमुलामका फम्‍डिम लाजरस मेसिन्‍डा बाइथाल्‍ला।

यूहन्‍ना 12:9

मेकोतिलोङा येशू मेसिन्‍डा बुमी र्‍वाक्‍पा सेर्पा यहूदीका थो़म्‍डिमा रोम्‍डी। येशू बाम्‍डिमका कोङङा रोम्‍डिम मेएँ, लावो गुमीका सिमुलाम फम्‍डिम लाजरसलाई वो रेप्‍डा रोम्‍डिम बाइडा।