यूहन्‍ना 11:42 - थुलुङ राई

⁴² गो र्‍वाङुमिम ल्‍वा गानी हेल्‍लो लोवो थो़नी र्‍वाक्‍पा गो चक्‍पु। लावो आसिन्‍डा येम्‍तासिक्‍पा मु़चु़मिमकाम लागि गो र्‍वाङ्‌डोम। मेम्‍साका गानी गोलाई थु़र्ङिडिनिम र्‍वाक्‍पा ओर्मिमका थो़र बोमिनु़।”

यूहन्‍ना 11:42 Referans Kwoze

यूहन्‍ना 3:17

सु़म्‍दिसेरडाम मु़चु़मिमलाई मुमा बेन्‍मु र्‍वाक्‍साका माम्‍चु़नीका उनीमा तारापाचो़लाई थु़र्मीडिम मेएँ, लावो सु़म्‍दिसेरडाम मु़चु़मिम गुमीलामका सेल्‍सिमिनु़ र्‍वाक्‍साका थु़र्मिडी।

यूहन्‍ना 17:21

मेम्‍साका मेर्मिम खोत्‍ले कोङसो़ दु़म्‍मिनु़, पाआ, हेसाका गानी गोगोडा बुनी, मा गो गानीडा बुङु। मेर्मिम इकीमाडा दु़म्‍मिनु़, मेम्‍साका गानी गोलाई थु़र्ङिडिनिम र्‍वाक्‍पा सु़म्‍दिसेरका थो़र बु़नु़।

१ यूहन्‍ना 4:14

गुकु ल्‍वात्तोकोम बु मा मेराम सो़कु, सु़म्‍दिसेरलाई सेल्‍मु लागि पापका उनीमा तारापाचो़ थु़र्मिडी।

हिब्रू 7:25

मेम्‍मिमका गुमीडा थो़रलु़साका माम्‍चु़नीडा रोक्‍पामिमलाई गुमीका ओम्‍लो नुङ हेल्‍लो लोवो सेल्‍मी। हेङालोने मेर्मिमकाम लागि माम्‍चु़नीनुङ सो़म्‍दी बोम्‍सामु लागि हेल्‍लो लोवो गुमी दु़म्‍मी।

हिब्रू 5:7

येशू सु़म्‍दिडा बाम्‍डिलो ख्राप्‍तो येत्तो प्‍ल आल्‍साका त्‍वाप सिमुलाम सेल्‍मु चापा माम्‍चु़नी नुङ छो़म र्‍वाम्‍डी मा सो़म्‍दी बेम्‍डी। मेम्‍मा माम्‍चु़नीका उनीमा सो़म्‍दी थो़म्‍डी, हेङालोने येशू याक्‍के दु़म्‍साका माम्‍चु़नीलाई डोक्‍पु मिम्‍मिडिम बाइडा।

रोमी 8:3

छु़लनुङमा मु़चु़कु बादीखामका डु़म्‍ला होम्‍साका दोसाका बोमु मेचापा ल्‍वा माम्‍चु़नी उनी त्‍वाकाङा बेम्‍डी। माम्‍चु़नीका उनीमा त्‍वाकु तारापाचो़लाई छु़लचो़ मु़चु़ होप्‍माम दु़म्‍बेसाका थु़र्मिडी, मेम्‍मा मु़चु़मिमकु छु़ल हेम्‍मु लागि उनीमा तारापाचो़कु मिरो़म सासेसाका देन्‍दे ग्‍वाम्‍डी।

यूहन्‍ना 20:31

येशूङा माम्‍चु़नीकु तारापाचो़ ख्रीष्‍ट, मा थो़र बेसाका उनीमा नङडा गानी त्‍वारो़म ल्‍वामु चाम्‍निनु़ र्‍वाक्‍साका ओर्मिम ल्‍वा र्‍यास्‍ताम।

यूहन्‍ना 17:25

“जो़पा खारी बेपा पाप, सु़म्‍दिसेरडाम मु़चु़मिमका गानीलाई मेछेनी, लावो गो गानीलाई छेनिनी। मेम्‍मा गानी गोलाई थु़र्ङिडिनिम र्‍वाक्‍पा मेर्मिमका चमी।

यूहन्‍ना 17:8

हेङालोने गानी ग्‍वाङ्‌डिनिम सिजेम मेर्मिमलाई गो ग्‍वाक्‍तोमिम बु, मा मेर्मिमका मेराम रम्‍डिम बु। गानीलाम योङडोम र्‍वाक्‍पा आच्‍छाङा मेर्मिमका चम्‍डी, मा गानी गोलाई थु़र्ङिडिनिम र्‍वाक्‍साका मेर्मिमका थो़र बेम्‍डिम बु।

यूहन्‍ना 11:22

लावो ओम्‍लो वो गो चक्‍पु गानी माम्‍चु़नीनुङ हाम बिनी गुमीका ग्‍वानिमी।”

मत्ती 26:53

ख्‍लो़ला सो़म्‍सिमुकाम लागि गो आमा पापनुङ र्‍वामु चापु, मा गुमीका को-न (१२) पल्‍टनडाम वो हापा पाह्रीचो़मिम थु़र्थामी र्‍वाक्‍पा हाम गाना मेचना?

गलाती 4:4

लावो माम्‍चु़नीका मुलु़ बेम्‍डिम जो़पा थारी रोक्‍फाड्‍डालो गुमीका उनीमा त्‍वाकु तारापाचो़ थु़र्मिडी। गुमी कोले मेसेमलाम यहूदी डु़म्‍लागोडा गम्‍डिम बाइडा।

यूहन्‍ना 11:31

यहूदीमिमका मरियमलाई उमा नेमडा न बसाक्‍तोङा बेम्‍डी। गु बक्‍तामा पाखा लुक्‍ल्‍याड्‌डाम ल्‍वाम्‍डिमा मेर्मिम उमा चङचङ लम्‍डी। गु सु़लु़मडा ख्राप्‍डा लमिम र्‍वाक्‍पा मेर्मिमका मिम्‍सिम्‍डिम बाइडा।

यूहन्‍ना 8:42

येशूका मेर्मिमलाई र्‍वाम्‍डी, “माम्‍चु़नी इनीमा पाप बामिवाम माला ने गानी गोलाई रिखाम बेङिनिवा, हेङालोने माम्‍चु़नीलामका गो इनीमाडा रोङ्‌डो। गो आमा त्‍वाकु नका रोङ्‌डोम मेएँ, लावो गुमीका गोलाई थु़र्ङिडिमिम।

यूहन्‍ना 8:29

गोलाई थु़र्पा गुमी गोनुङ बुमी। गुमीका गोलाई त्‍वापङा पार्जो़ल्‍ङिडिमिम मिबु, गुमीलाई गेर्सीबेट्‌पा खारी गो हेल्‍लो लोवो बेउ।”

यूहन्‍ना 8:16

गो निया बेउतो माला जो़होमका निया बेउ, हेङालोने गो आमा त्‍वाका कोङङा मेराम मेबेउ। गोलाई थु़र्पा पाप गोनुङ बुमी।

यूहन्‍ना 11:43

गुमीका आरे र्‍वामु दु़म्‍मिडिमा डोक्‍पु लो़लामका येम्‍डी, “लाजरस, पाखा लुका।”

यूहन्‍ना 12:11

हेङालोने लाजरस सिमुलामका बग्‍गेड्‌डामका यहूदीमिमगोडाम हापा मु़चु़मिम फ्‍वाम्‍सिम्‍डिमा येशूडा थो़र बेम्‍डिम बाइडा।

यूहन्‍ना 12:17

गुमीका लाजरसलाई सु़लु़मलामका येट्‌मिडिमा सिमुलाम फक्‍मिडिलो गुमीनुङ बाट्‌पा मु़चु़मिमका ओराम ल्‍वाकु दुथाम सो़म्‍डिम बाम्‍डी।