यूहन्‍ना 11:40 - थुलुङ राई

⁴⁰ मेम्‍मा येशूका गुलाई र्‍वाम्‍डी, “गाना थो़रलु़न्‍ना माला माम्‍चु़नीकु यु़म-झ्‍वाक्‍सी ल्‍वाना र्‍वाक्‍साका हाम गो गानालाई र्‍वाङ्‌डोम मेएँ?”

यूहन्‍ना 11:40 Referans Kwoze

यूहन्‍ना 11:4

ओराम ल्‍वा थो़म्‍डिमा येशूका र्‍वाम्‍डी, “ओराम नो़सी सिमुलामडा रेथिक्‍पा मेएँ। ओराम ने माम्‍चु़नीकु यु़म झ्‍वाम्‍सिमुकाम लागि सो़, मेम्‍साका ओरामलामका माम्‍चु़नीकु तारापाचो़काम यु़म झ्‍वासी।”

यूहन्‍ना 1:14

सिजेम मु़चु़ दु़म्‍मिडी, मा गुकुगोडा बाम्‍डी। गुकु उनीमा यु़म-झ्‍वाक्‍सी ल्‍वात्तोको। मेराम यु़म-झ्‍वाक्‍सी पापकामलाम योक्‍पा कोलेङा तारापाचो़काम होप्‍माम छो़म दिदामनुङमा नुङ आच्‍छाङाकाम बाइडा।

२ कोरिन्‍थी 3:18

ङाचो़कु यु़म-झ्‍वाक्‍सी गुइलामका रेम्‍बेसिनु़ र्‍वाक्‍साका इकीमा कल हुपा पार्सिड्‍डाम बु। ङाचो़, गुमी ङा पेल सो़, गुमीलाम रोक्‍पा यु़म-झ्‍वाक्‍सीका गुइलाई वो गुमी होप्‍माम ङा दु़म्‍बेसा मा गुइ आथावो हापा यु़म-झ्‍वासिक्‍पा दु़म्‍तो लक्‍सी।

२ कोरिन्‍थी 4:6

“तुकुम्‍चिमलाम ओल झ्‍वानु़” र्‍वाक्‍पा माम्‍चु़नी ङा आकीमा नडा उनीमा ओल झ्वाबेसाका माम्‍चु़नीकु यु़म-झ्‍वाक्‍सीकाम नेप्ची गुकुलाई थेसिथेन्‍बेत्तिकी। आच्छाङा ओराम ओल येशू ख्रीष्‍टकु ङालीडा झ्‍वा।

यूहन्‍ना 9:3

येशूका र्‍वाम्‍डी, “ओराम मु़चु़कु छु़लका वो मेएँ, मा उ माम-पापकु छु़लका वो मेएँ, लावो माम्‍चु़नीकु खारी ओराम मु़चु़काडा रेम्‍बोमु लागि आरेप्‍माम दु़स्‍ताम सो़।

यूहन्‍ना 12:41

यशैयाका येशूकु यु़म-झ्‍वाक्‍सी ल्‍वास्‍तु़मका उनीमा दुथाम ओराम सो़यु़डु़म बाइडा।

मत्ती 17:20

गुमीका मेर्मिमलाई र्‍वाम्‍डी, “इनी थो़र याक्‍के बुमिमका। आच्‍छाङा गो गानीलाई र्‍वाङु, रायाकु मा हेप्‍माम याक्‍के वो थो़र गानीनुङ बु माला ओराम पोप्‍चङलाई ‘ओलामका हेम्‍ल्‍यासिडा’ र्‍वानी माला मेराम हेम्‍ल्‍यासी। गानी बोमु मेचाम्‍निमिम हाम वो मिबु।

मर्कूस 9:23

येशूका मेरामलाई र्‍वाम्‍डी, “गाना हेङा चाम्‍नी माला र्‍वानामिम? थो़रलु़पाका बोमु मेचाप्‍सु़मिम ने हाम वो मिबु।”

रोमी 6:4

गुइ वो गुमीनुङङा कु-रु़दु़मलाम सिसाका क्‍लु़म्‍सिड्‍डी, लोवो यु़मनुङमा माम्‍चु़नीका उनीमा यु़म-झ्‍वाक्‍सीलाम येशू ख्रीष्‍टलाई सिमुलाम फम्‍खेट्‌मिडी। मेम्‍साकाङा गुइ वो ख्रीष्‍टनुङङा लाले त्‍वारो़मडा लाम्‍दीइ।