यूहन्‍ना 11:25 - थुलुङ राई

²⁵ येशूका गुलाई र्‍वाम्‍डी, “सिमुलाम बग्‍गेसी नुङ त्‍वारो़म गोङा। गोडला थो़रबेपा मु़चु़ सिडा माला वो सिमुलामका बगे।

यूहन्‍ना 11:25 Referans Kwoze

१ थेसलोनिकी 4:14

येशू सिम्‍डी मा आथावो बम्‍गेम्‍डी र्‍वाक्‍पा गुइ थो़रलु़इ। मेम्‍मिमका येशूडा थो़रलु़साका सिपा मु़चु़लाई माम्‍चु़नीका फमिमा येशूनुङ रेन्‍मी र्‍वाक्‍पा थो़रलु़इमिम बु।

यूहन्‍ना 3:36

उहेमका माम्‍चु़नीकु तारापाचो़डला थो़र बु़, मेरामनुङ मेसिपा त्‍वारो़म दु़म। उहेमका तारापाचो़का र्‍वामिमिम मेथो़सु़, मेरामका मेसिपा त्‍वारो़म मेल्‍वासु़। लावो माम्‍चु़नीकु देन्‍दे मेरामडला दु़महोम बु।”

यूहन्‍ना 1:4

गुमीडा त्‍वारो़म बाइडा, मा मेराम त्‍वारो़म मु़चु़मिमकु ओल बाइडा।

यूहन्‍ना 5:21

पापका सिपा मु़चु़मिमलाई फमिमा मेर्मिमलाई मेसिपा त्‍वारो़म ग्‍वामी। मेम्‍साकाङा तारापाचो़का उहेमलाई उ ग्‍वाग्‍वाद्‌वा मेरामलाई मेसिपा त्‍वारो़म ग्‍वाकु़।

यूहन्‍ना 6:44

गोलाई थु़र्पा पापका आमाथो़ मेक्रिथु़मसम्‍म सु़ वो आमाडा रोमु मेचाप्‍सु़, मा गो मेरामलाई हुक्‍पा थारीनेम नु़बेट्‌पु।

रोमी 8:2

हेङालोने ख्रीष्‍ट येशूलाम त्‍वारो़म ल्‍वापा, माम्‍चु़नी-पेलकु डु़म्‍लाका छु़ल नुङ सिमुलाम रेट्‍पा डु़म्‍लाडाम गोलाई सेल्‍ङिडिमिम बु।

यूहन्‍ना 6:35

येशूका मेर्मिमनुङ र्‍वाम्‍डी, “मेसिपा त्‍वारो़म ग्‍वाक्‍पा सो़बेम गोङा सो़। उहेम मु़चु़ आमाडा रो मेराम मु़चु़ हेल्‍लो वो क्रु़म मेसि, मा गोडला थो़रलु़पा मु़चु़ हेल्‍लो वो कोरा मेसि।

रेम्‍बेट्‌मिडिम ल्‍वा 21:4

गुमीका मेर्मिम खोत्‍लेकाम मिक्‍सीडाम प्‍ल बम्‍सामी। मेर्मिम आथा ने मेसिमी, मेख्राम्‍मी मेदुमी मा उनी थो़म्‍बोक ख्‍वाक्‍पा दु़खा मेदु़म, हेङालोने ङादोम ल्‍वामिम दाम्‍स्‍ल्‍याड्‌डाम बु।”

फिलिप्‍पी 3:10

ख्रीष्‍टलाई नुङ सिमुलाम गुमीलाई फक्‍पा यु़मलाई गो जो़होमका छेमु न बु। गुमीका ल्‍वाम्‍डिम होङङा दु़खा ल्‍वामु मा उनी साम लक्‍सीडा गुमी होङङा दु़म्‍मु न बु,

रेम्‍बेट्‌मिडिम ल्‍वा 20:5

सिपा वाङमिम ने को धु़म सङ थ मेहुक्‍थु़मसम्‍म सिमुलाम मेबक्‍मिवा। ओराम ङादोम सिमुलाम बक्‍सी सो़।

थु़र्मा 3:15

मा त्‍वारो़म ग्‍वाक्‍पा ङाचो़लाई गानी सेट्‌नी, लावो गुमीलाई माम्‍चु़नीका सिमुलाम फम्‍डी, मा गुकु मेराम आकी मिक्‍सीका ङा ल्‍वात्तोकोम बु।

यूहन्‍ना 14:6

येशूका र्‍वाम्‍डी, “लाम्‍दी, आच्‍छाङा नुङ त्‍वारो़म गोङा सो़। गोडाम वाङमिम सु़लामका वो पापकाडा रोमु मेचाम्‍मी।

यूहन्‍ना 5:26

त्‍वारो़म ग्‍वाक्‍पा यु़म पापकाडा बुमिम होम्‍साका त्‍वारो़म ग्‍वाक्‍पा यु़म पापका उनीमा तारापाचो़लाई ग्‍वाम्‍डिम बु।

रेम्‍बेट्‌मिडिम ल्‍वा 22:17

माम्‍चु़नी पेल नुङ लारेमाका आरे र्‍वामी, “योक्‍नी।” मेम्‍मा उहेमका थो़सु़ मेरामका “योक्‍नी” र्‍वानु़। सु़ कोरा सिपा बु, मेराम रोनु़, मा सु़का न बु़, त्‍वारो़म ग्‍वाक्‍पा कु मेरामका मेडेङा डुङ्‌नु़।

यूहन्‍ना 14:19

घरिकोङडाम्‍मा सु़म्‍दिसेरडाम मु़चु़मिमका गोलाई मेल्‍वाङिमी, लावो गानी ने गोलाई ल्‍वाङिनी। गो नु़ङुमिमका गानी वो नु़नी।

फिलिप्‍पी 1:23

गो ने हाम बोमु-बोमु दु़म्‍ङोडोम बु: गो ने भ्‍र्‍वाम्‍सिमुमा ख्रीष्‍टनुङ दु़म्‍मु आमा न बु। मेम बोमु ने आमा लागि छो़म जो़पा दु़म,

रेम्‍बेट्‌मिडिम ल्‍वा 22:1

मेकोतिमा बिल्‍लौर लुङ कोतिम छ्‌याङलो-छ्‌याङलोम त्‍वारो़म ग्‍वाक्‍पा कुकु ब्‍लोकु पाह्रीचो़का गोलाई रेम्‍बेट्‌ङिडी। मेराम ब्‍लोकु माम्‍चु़नी नुङ भेन्‍दाचो़कु साखाम थो़खोप खोमलामका लुक्‍योक्‍साका

२ कोरिन्‍थी 4:14

गुकु चकु, इकीमा ङाचो़ येशूलाई सिमुलाम फक्‍पा माम्‍चु़नीकाङा गुइलाई वो येशूनुङ फक्‍सामी। मेम्‍मा गानी नुङ गुकुलाई उनी त्‍वाकाडा लक्‍सामी।

रोमी 4:17

माम्‍चु़नीकु सिजेमडा आरेसाका र्‍याक्‍मा बु, “गो गानालाई हापा सामामिमकु पाप दु़म्‍बेट्‌निम बु।” सिपामिमका त्‍वारो़म ल्‍वापा मा मेबाट्‍पा थोकलामका वो बाट्‍पा दु़म्‍बेन्‍मु लागि येट्‍पा माम्‍चु़नीडा अब्राहामका थो़र बु़डु़म बाइडा।

लूका 23:43

येशूका मेरामलाई र्‍वाम्‍डी, “आच्‍छाङा गो गानालाई र्‍वाङु, आनेप ङा गाना गोनुङ पाह्रीला दु़म्‍ना।”

१ कोरिन्थी 15:29

सिमुलाम मु़चु़मिम मेबम्‍गेमी माला सिपा मु़चु़मिमकाम लागि कु-रु़दु़म रम्‍माका हाम जो़पा दु़म मा? सिपा मु़चु़मिम मेबमी माला हेङा मु़चु़मिमका मेर्मिमकाम लागि कु-रु़दु़म रमी मा?

१ कोरिन्थी 15:18

मेम्‍मा ख्रीष्‍टडा थो़रलु़साका सिपा मु़चु़मिम वो पुयु़लुम्‍डी।

यूहन्‍ना 3:16

“हेङालोने माम्‍चु़नीका सु़म्‍दिसेरडाम मु़चु़मिमलाई छो़म रिखाम बेम्‍डी, मा गुमीका कोलेङा उनी तारापाचो़ ग्‍वाम्‍डी। मेम्‍साका सु़का गुमीडला थो़र बु़, गु पुयु़ मेल, लावो मेसिपा त्‍वारो़म ल्‍वासु़।

रेम्‍बेट्‌मिडिम ल्‍वा 1:18

नु़पा ने गोङा सो़, गो सिङ्‌डोम बाइडा, लावो रेप्‍नी, गो हेल्‍लो लोवो नु़ङुम बुङु। मेम्‍मा सिमुलाम नुङ सिपा मु़चु़मिम बाखोप खादी ल्‍वाडा बेपा चाबीमिम गोनुङ बु।