यूहन्‍ना 11:21 - थुलुङ राई

²¹ मार्थाका येशूलाई र्‍वाक्‍ता, “ङाचो़, गानी आसिङा बानिवाम माला ने आमा रिपाप मेसियावा।

यूहन्‍ना 11:21 Referans Kwoze

यूहन्‍ना 11:32

मरियम येशू बाट्‌पा फार्डा रोक्‍थिड्‌डामा गुमीलाई ल्‍वास्‍तु़। मेम्‍मा उनीमा खेल चु़म्‍डु़मा र्‍वाक्‍ता, “ङाचो़, गानी आसिङा बानिवाम माला आमा रिपाप मेसियावा।”

मत्ती 9:18

येशूका मेर्मिमनुङ ओराम ल्‍वा र्‍वाक्‍तोङा लेट्‌मिडिलो घ्रो़म्‍दीनेमडाम ङाउ रोक्‍ता, मा येशूकु ङादोडा क्रचु़खुम बेत्तो आरे बु़डु़, “ङाचो़, आमा जाउमोचो़ मालोङा सिडा, लावो गानी रोक्‍नीमा गुडला ल्‍वा जु़ल्‍नी माला गानी गुलाई आथावो नु़बेन्‍मु चाम्‍नी।”

यूहन्‍ना 11:37

लावो मेर्मिमगोडाम कोङ-कोङका र्‍वाम्‍डी, “मिक्‍सीका मेल्‍वापा मु़चु़कु मिक्‍सी होर्साक्‍पाका ओराम मु़चु़लाई हेङा सिमु ग्‍वाम्‍डिम?”

यूहन्‍ना 11:2

ओराम मरियमकाङा चङडा येशूकु खेलडा हापा थिकाम भ्रपा मुर्नेम्‍पा तेलका क्‍लक्‍तु़मा उमा सेमका बक्‍साड्‌डु़म बाइडा। उमा रिपाप लाजरस नो़पा बाइडा।

यूहन्‍ना 11:3

मेम्‍मा मे रिचो़चिपका येशूकाडा आरे र्‍वाक्‍पा सेला थु़र्ची, “ङाचो़, इनीमा द्‌वादीबुङ मु़चु़ नो़पा बु।”