यूहन्‍ना 11:11 - थुलुङ राई

¹¹ मेकोतिमा येशूका र्‍वाम्‍डी, “इकीमा ङोप्‍सो़ लाजरस अम्‍चेड्‌डाम बु, लावो गुलाई ङोसिबेड्‌डा गो मेसिन्‍डा लङु।”

यूहन्‍ना 11:11 Referans Kwoze

यूहन्‍ना 11:13

येशूका लाजरस अम्‍चेड्‌डाम कोङङा र्‍वाम्‍डिम र्‍वाक्‍पा मेर्मिमका मिम्‍मिडी, लावो येशूका लाजरस सिडा र्‍वाम्‍डिम बाइडा।

१ थेसलोनिकी 5:10

ख्रीष्‍ट योमिलो सिपा बुइ लोवो नु़पा बुइ लोवो गुमीनुङङा गुइ हेल्‍लो लोवो दु़म्‍सिनु़ र्‍वाक्‍साका इकीमा लागि ख्रीष्‍ट सिम्‍डी।

१ कोरिन्थी 15:51

थो़नी, गो कोले थक्‍मा ल्‍वा सो़उ, गुइ खोत्‍ले ने मेसिइ, लावो गुइ इकी मिरो़म वाङ दु़म्मा ख्‍लोसिडी।

थु़र्मा 7:60

मेकोतिलो ङा गुका क्रचु़खुम बु़ल्‍याड्‌डु़मा डोक्‍पु लो़लामका येस्‍ता, “येशू, ओर्मिमका हाम बेम्‍डी, मेरामकु देन्‍दे मेग्‍वाक्‍निमी।” आकोति र्‍वाक्‍तामा उ साम लस्‍ता।

मत्ती 27:52

सु़लु़ममिम ह्‌वाम्‍सिम्‍डी, मा माम्‍चु़नीकु हापा मु़चु़मिम सिम्‍डिम, सिमुलाम बम्‍गेम्‍डी।

एफिसी 5:14

मेम्‍मा बान्‍ते ओल झ्‍वा, मेरामका खोत्‍ले ल्‍वा दो़बेडु़। मेम्‍मिमका आरे र्‍वाक्‍मा बु, “अम्‍चेट्‌पामिम ङोन्‍सिट्‌नी, मा सिमुलाम बग्‍गेट्‍नी, मा ख्रीष्‍टका उनीमा ओल गानीडला झ्‍वाबेन्‍मी।”

मर्कूस 5:39

येशू गोनो हुम्‍डिमा मेर्मिमलाई र्‍वाम्‍डी, “हेङा गानी ख्राम्‍नी, येनी-दुनिमिम? ओराम चो़च्‍चो़ ने सिडाम मिबु, अम्‍चेड्‌डाम कोङङा बु।”

मत्ती 9:24

गुमीका मेर्मिमलाई र्‍वाम्‍डी, “पाखा लक्‍नी। ओराम चो़च्‍चो़ सिडाम मिबु, अम्‍चेड्‌डाम कोङङा।” लावो मेर्मिमका गुमीलाई रिम्‍साम्‍डी।

याकूब 2:23

ओराम ल्‍वा माम्‍चु़नीकु सिजेमडा होम्‍साका रोक्‍थिड्‌डा, “अब्राहामका माम्‍चु़नीडा थो़र बु़डु़, मा मेराम थो़रलामकाङा माम्‍चु़नीका गुलाई जो़पा मिम्‍मिडी।” मेम्‍मिमका अब्राहाम माम्‍चु़नीकु ङोप्‍सो़ दु़स्‍ता।

१ कोरिन्थी 15:34

न छ्‌याक्‍नी मा छु़ल बोमु डिट्‌नी। गो इनी क्रो़मलु़बेन्‍मु लागि र्‍वाङु, गानीगोडा याङका माम्‍चु़नी छेट्‌मिडिमङा मिबु।

१ कोरिन्थी 15:18

मेम्‍मा ख्रीष्‍टडा थो़रलु़साका सिपा मु़चु़मिम वो पुयु़लुम्‍डी।

यूहन्‍ना 11:3

मेम्‍मा मे रिचो़चिपका येशूकाडा आरे र्‍वाक्‍पा सेला थु़र्ची, “ङाचो़, इनीमा द्‌वादीबुङ मु़चु़ नो़पा बु।”

यूहन्‍ना 3:29

लारेमा लारेपाकामङा सो़। लारेपाकु फार्डा उ ङोप्‍सो़ येम्‍सी, मा उमा ल्‍वा थो़साका छो़म भ्रसिद्‌वा। मेम्‍माङा गो छो़म भ्रसिक्‍पा बुङु।

यूहन्‍ना 11:10

लावो सिन्‍था लाम्‍दिपा मु़चु़का ने खेल तुकु़, हेङालोने मेराम मु़चु़नुङ ओल मेदु़म।”

यूहन्‍ना 11:12

उनी सीसिपामिमका र्‍वाम्‍डी, “ङाचो़, अम्‍स्‍ताम माला नु़ल्‍या।”