यूहन्‍ना 11:1 - थुलुङ राई

¹ लाजरस नङकाम कोले मु़चु़ नो़पा बाइडा। गु मरियम नुङ मार्था उमा रिचो़चिपनुङ बेथानिया देलडा बाइथाल्‍ला।

यूहन्‍ना 11:1 Referans Kwoze

यूहन्‍ना 12:17

गुमीका लाजरसलाई सु़लु़मलामका येट्‌मिडिमा सिमुलाम फक्‍मिडिलो गुमीनुङ बाट्‌पा मु़चु़मिमका ओराम ल्‍वाकु दुथाम सो़म्‍डिम बाम्‍डी।

यूहन्‍ना 12:9

मेकोतिलोङा येशू मेसिन्‍डा बुमी र्‍वाक्‍पा सेर्पा यहूदीका थो़म्‍डिमा रोम्‍डी। येशू बाम्‍डिमका कोङङा रोम्‍डिम मेएँ, लावो गुमीका सिमुलाम फम्‍डिम लाजरसलाई वो रेप्‍डा रोम्‍डिम बाइडा।

यूहन्‍ना 11:11

मेकोतिमा येशूका र्‍वाम्‍डी, “इकीमा ङोप्‍सो़ लाजरस अम्‍चेड्‌डाम बु, लावो गुलाई ङोसिबेड्‌डा गो मेसिन्‍डा लङु।”

मत्ती 21:17

मेकोतिमा गुमीका मेर्मिमलाई डिन्‍जो़ल्‍मिडिम बेथानिया र्‍वाक्‍मा देलथो़ ख्‍लोम्‍सिम्‍डी, मा सिन्‍था मेसिन्‍डा बाम्‍डी।

थु़र्मा 9:37

पत्रुस लुड्‍डाडा बाइडाम थारीका तबीता नो़डामा सिडा। मेकोतिमा मु़चु़मिमका सिपा उ रो़म क्‍लु़म्‍मु लागि सो़ल्‍मिडिमा नेमडलाम कोले बाखोपडा जु़ल्‍मिडी।

यूहन्‍ना 11:3

मेम्‍मा मे रिचो़चिपका येशूकाडा आरे र्‍वाक्‍पा सेला थु़र्ची, “ङाचो़, इनीमा द्‌वादीबुङ मु़चु़ नो़पा बु।”

मर्कूस 11:1

येशू नुङ उनी सीसिपाममिम यरूशलेम फार्डाम जैतून पोप्‍चङकु होनोलाममिम बेथफागे नुङ बेथानिया र्‍वाक्‍मा देलडा रोम्‍फाम्‍डी। मेकोतिमा गुमीका उनी सीसिपामिमगोडाम नलेलाई आरे र्‍वाम्‍डिमा थु़र्मिडी,

यूहन्‍ना 11:18

यरूशलेम शहरलामका बेथानिया देल सु किलोमिटर कोकोडा बाइडा।

यूहन्‍ना 11:19

मार्था नुङ मरियमकु रिपाप सिडामका हापा यहूदीमिम उचीमा न बसाड्‌डा रोम्‍डिम बाइडा।