यूहन्‍ना 10:6 - थुलुङ राई

⁶ येशूका मेर्मिमनुङ ओराम सीसि-सो़म्‍दी र्‍वाम्‍डी, लावो गुमीका र्‍वाम्‍डिम ल्‍वा मेर्मिमका थेसिमेथेट्‌मिवा।

यूहन्‍ना 10:6 Referans Kwoze

यूहन्‍ना 16:25

“ओर्मिम ल्‍वा गो गानीलाई सीसि-सो़म्‍दीलामका र्‍वाङडोम बु। थारी रोक्‍तोङा लेडु़, ओराम सीसि-सो़म्‍दीडा गो गानीलाई मेर्‍वाङु, लावो आमा पापकु दुथाम गो गानीलाई जो़होमका सो़उ।

मत्ती 13:51

येशूका उनी सीसिपामिमलाई हिलाबेम्‍डी, “हाम गानी ओर्मिम खोत्‍ले ल्‍वा थेसिथेट्‌नी?” मेर्मिमका र्‍वाम्डी, “थेसिथेत्तोको।”

१ यूहन्‍ना 5:20

माम्‍चु़नीकु तारापाचो़ योम्‍डिम बुमी, मा आच्‍छाङाकाम माम्‍चु़नीलाई गुइ छेडिनु़ र्‍वाक्‍साका गुमीका गुइलाई न ग्‍वाक्‍साड्‌डामिम बु र्‍वाक्‍पा गुइ चडिम बु। गुइ माम्‍चु़नीडा बुइ हेङालोने उनीमा तारापाचो़ येशू ख्रीष्‍टडा गुइ बुइमिम बु। गुमी कोङङा आच्‍छाङाकाम माम्‍चु़नी मा हेल्‍लो वो मेसिपा त्‍वारो़म गुमीङा।

१ कोरिन्थी 2:14

माम्‍चु़नी-पेल मान्‍थिम मु़चु़का माम्‍चु़नीकु पेललाम रोक्‍पा ल्‍वामिम मेरङु़। मेर्मिम ल्‍वा मेरामकाम लागि हाम ना हामकाम दु़म, मा मेर्मिम ल्‍वा मेरामका थेसिथेन्‍मु मेचाप्‍सु़, हेङालोने मेर्मिम ल्‍वा माम्‍चु़नी-पेललाम कोङङा थेसिथेन्‍मु झाम।

यूहन्‍ना 8:43

गो र्‍वाङुमिम हेङा गानी थेसिमेथेनी? हेङालोने गो जेङुमिम ल्‍वा वो गानी थो़मु मेचाम्‍नी।

यूहन्‍ना 8:27

गुमीका उनीमा पापकु दुथाम र्‍वाम्‍डिम र्‍वाक्‍साका मेर्मिमका थेसिमेथेट्‌मिवा।

यूहन्‍ना 7:36

गुका, ‘गानी गोलाई माल्‍ङिनी लावो मेल्‍वाङिनी, मा गो बान्‍ते दु़म्‍ङु, गानी रोमु मेचाम्‍नी’ आरे र्‍वाक्‍ताम हाम र्‍वाक्‍ताम?”

यूहन्‍ना 6:60

येशूकु सीसिपामिम हापाका र्‍वाम्‍डी, “ओराम सीसि थेसिथेन्‍मु हापा मेझापा बु। सु़का ओराम थो़मु चाप्‍सु़?”

यूहन्‍ना 6:52

मेकोतिमा यहूदीमिम उनी त्‍वाप-त्‍वापडा फमु चो़म्‍मिडी, “ओराम मु़चु़का गुइलाई हेसाका उ मिरो़म पोमु ग्‍वामु चाप्‍सा?”

मत्ती 13:34

येशूका मेर्मिमलाई खोत्‍ले ल्‍वा सीसि-सो़म्‍दीलामका र्‍वाम्‍डी। सीसि-सो़म्‍दी मान्‍थि गुमीका हाम वो मेर्‍वाम्‍वा।

मर्कूस 4:34

येशूका सीसि-सो़म्‍दी मान्‍थि मेर्मिमलाई हाम वो मेसिन्‍थाल्‍मिवा, लावो उनी सीसिपामिमलाई ने उनी त्‍वापङा दु़म्‍मिडिम थारीका मेरामका र्‍वामु मालु़मिम ल्‍वा जो़होमका थेसिथेन्‍बेन्‍थाल्‍मिडी।

यूहन्‍ना 16:29

मेकोतिमा उनी सीसिपामिमका र्‍वाम्‍डी, “ओम्‍लो गानी सीसि-सो़म्‍दीलामका मेएँ जो़होमका जेनिम बुनी।

२ पत्रुस 2:22

ओराम उखान होम्‍साका मेर्मिमलाई आच्‍छाङा दु़स्‍ता: “ख्‍लेबा उ फोङकुथो़ङा ख्‍लोसिमा ल” मा “सो़ल्‍मा ब्वाकु खोमी ख्‍लोसिमा हिलोडाङा लमा पुलिएली बु़।”