यूहन्‍ना 10:32 - थुलुङ राई

³² लावो येशूका मेर्मिमनुङ र्‍वाम्‍डी, “हापा यु़मखारीमिम आमा पापलाम गो गानीलाई रेम्‍बेट्‌निनी। मेर्मिमगोडाम उहेम खारीकाम लागि गानी गोलाई लुङका ओम्‍ङिनिमिम?”

यूहन्‍ना 10:32 Referans Kwoze

१ यूहन्‍ना 3:12

कयिन होप्‍माम मेदु़म्‍नी, गु शैतानकाम बाइडा, मा उमा ल्‍वाक सेड्‌डु़। गुका हेङा उमा ल्‍वाक सेड्‌डु़? हेङालोने कयिनका हाम बु़डु़ मेराम रु़चो़काम बाइडा मा उमा ल्‍वाकका बु़डु़म ने जो़पा न-गोनुङमाकाम बाइडा।

थु़र्मा 10:38

माम्‍चु़नीका नासरतडाम येशूलाई उनीमा पेल नुङ यु़मका थुट्‌मिडी। गुमी जो़पा खारी बेत्तो नुङ मुनाङका हुपामिमलामका मुनाङ ख्‍लुक्‍तो लाम्‍दिम्‍डी, हेङालोने माम्‍चु़नी गुमीनुङ बाम्‍डी।

थु़र्मा 2:22

“इस्राएलडाम मु़चु़नी थो़नी, माम्‍चु़नीका नासरतडाम येशूलामका यु़मखारीमिम, हेल्‍लो वो मेल्‍वाम्‍मा खारीमिम मा छेखोपमिमलाम इनीमा थेतेडा बेम्‍डिम गानी चनिमिम ङा बु। ओर्मिम खारीलामका गुमीलाई इनीमाडा माम्‍चु़नीका थु़र्मिडिम र्‍वाक्‍पा रेम्‍बेम्‍डिम बु।

यूहन्‍ना 10:37

आमा पापका बोमिमिम होप्‍माम खारी गो मेबेउ माला गोलाई थो़र मेबेङिनी।

यूहन्‍ना 5:36

“लावो यूहन्‍नाका सो़यु़डु़मडाम वो डोक्‍पु ल्‍वामिम गोनुङ बु। खारी बोम्‍सोमु आमा पापका गोलाई ग्‍वाङ्‌डिमिम बु। मेराम गो बेत्तोङा लेट्‌पु। पापका गोलाई थु़र्ङिडिमिम र्‍वाक्‍पा मेरामकाङा सो़यु़।

मत्ती 11:5

मिक्‍सीका मेल्‍वापामिमका मिक्‍सीका ल्‍वाम्‍डिम, मा खेल सोक्‍पामिम लाम्‍दिम्‍डिम बु। जोन बेट्‌पामिम सम्‍डिम बु। नोफ्‍लाका मेथो़पामिमका थो़मी, सिपा मु़चु़मिम सिमुलाम बम्‍गेम्‍डिम बु, मा उनी हाम वो मेबाट्‌पामिमका माम्‍चु़नीकु जो़पा-सेला थो़त्तोङा लेन्‍मी।

यूहन्‍ना 10:25

येशूका मेर्मिमलाई र्‍वाम्‍डी, “गो गानीनुङ र्‍वाङ्‌डोम बु, लावो गानी थो़र मेलु़नी। आमा पापकु नङडा बेउमिम हेल्‍लो वो मेल्‍वाम्‍मा खारीकाङा आमा दुथाम सो़यु़।

यूहन्‍ना 10:31

यहूदीमिमका येशूलाई आथावो लुङका ओमु लुङ डो़म्‍डी।

यूहन्‍ना 10:33

यहूदीमिमका र्‍वाम्‍डी, “जो़पा खारीकाम लागि गुकु गानालाई लुङका मेओम्‍कु, लावो माम्‍चु़नीलाई डक्‍साका जेन्‍नामका, हेङालोने गाना मु़चु़ दु़म्‍साका वो इ त्‍वापलाई माम्‍चु़नी र्‍वाक्‍ना।”