31 यहूदीमिमका येशूलाई आथावो लुङका ओमु लुङ डो़म्डी।
मेम्मिमका मेर्मिमका येशूलाई लुङका ओम्मु लागि लुङ डो़म्डी, लावो गुमी थसिक्साका सो़रनेमलामका पाखा लुम्डी।
मेम्मिमका यहूदी ङाउमिमका येशूलाई सेन्मु छो़म माल्मिडी। हेङालोने गुमीका ङेम्सिमुनेम बेसिमेनु़पा खारी बेम्डिम कोङङा मेएँ, लावो त्वापङा माम्चु़नीनुङ कोहोप्माम बेसिसाका माम्चु़नीलाई उनी त्वाकु पाप वो र्वाम्डिम बाइडा।
सीसिपामिमका गुमीलाई र्वाम्डी, “सीपा, बास्ता-नेहोनेमङा यहूदीमिमका गानीलाई लुङका ओमु माल्निमिम बाइडा, मा वो गानी मेसिन्डाङा लमु माल्तो बोनी?”
इनीमा ङाउ-खुउमिमका दु़खा मेग्वाक्मिवाम माम्चु़नीलाम-जेपा सु़ बुमी मा? माम्चु़नीकु नङका साट्मा मेराम उनी डु़ल्चो़ रोक्तोङा बोमी र्वाक्साका सेला थो़बेट्पा माम्चु़नीलाम-जेपामिमलाई वो मेर्मिमका सेट्मिडी। गानी ने माम्चु़नीकु डु़ल्चो़कु कोर्थो़लाम बक्निमा सेट्नी।
आरेसाका ओराम सुबुडा सेट्निम मेख्लो़ट्पा मु़चु़मिम– हाबिलडाम आरेम सो़रनेम नुङ सासेन्खोपकु थेतेडा गानी सेट्निम बेरेक्याहकु तारापाचो़ जकरियासम्मकाम– मेर्मिम खोत्लेकाम सिसिकु मुमा बेन्ला सो़न्सिनी।
“लावो बोम्था बेपा मु़चु़मिमका उ डु़ल्चो़मिमलाई चु़म्मिडी, मा कोलेलाई डेप्मिडी, कोलेलाई सेट्मिडी, मा कोलेलाई लुङका याक्साका सेट्मिडी।
फरिसीमिम मेलामका लम्डिमा हेसाका येशूलाई सेट्पा, मेराम ल्वा बोमु चो़म्मिडी।
यरूशलेमडाम डोक्पु यहूदीमिमका कु-रु़दु़म ग्वाक्पा यूहन्नालाई “सु़ गाना?” र्वाक्साका हिलाबेप्डा डु़म्लाचो़मिम नुङ लेवीमिमलाई थु़र्मिडी। मेम्लो यूहन्नाका ओराम सो़यु़डु़म बाइडा।
यहूदीमिम उनी होनो-आथो़लाम खोम्सिम्डिमा हिलाबेम्डी, “हाम्सिसम्म गुकुलाई इनीमा दुथाम सो़मुडाम थनिमिम? गानी ख्रीष्टङा माला गुकुनुङ जो़होमका सो़नी।”
लावो येशूका मेर्मिमनुङ र्वाम्डी, “हापा यु़मखारीमिम आमा पापलाम गो गानीलाई रेम्बेट्निनी। मेर्मिमगोडाम उहेम खारीकाम लागि गानी गोलाई लुङका ओम्ङिनिमिम?”
