यूहन्‍ना 10:27 - थुलुङ राई

²⁷ “आमा भेन्‍दामिमका आमा लो़लाम थो़मी, मेर्मिमलाई गो छेपुमी। मेम्‍मा मेर्मिम आमा चङचङ लाम्‍दिमी।

यूहन्‍ना 10:27 Referans Kwoze

यूहन्‍ना 10:16

“आमा वाङमिम भेन्‍दामिम वो बुमी, मेर्मिम ओराम गोठाडाम मेएँ। मेर्मिमलाई वो गो रेन्‍मु बासिक्‍पा बु। मेर्मिमका आमा लो़लाम थो़मी, मा मेर्मिम कोलेङा बगाल दु़म्‍मी। मेम्‍मा कोलेङा रेपा-क्रिपा दु़म।

यूहन्‍ना 10:14

“गो जो़पा रेपा-क्रिपा। भेन्‍दामिमलाई गो छेपुमी, मा आमा भेन्‍दामिमका गोलाई छेङिमी।

रेम्‍बेट्‌मिडिम ल्‍वा 3:20

थो़सा, गो लाम्‍चोकोडा येम्‍सिङुमा हेला बेउ। कोङनिमका आमा लो़लाम थो़सु़मा लाम्‍चोको होलु़ माला गो मेगोनो बिङु मा गुनुङ पोचुकु-डुचुकु मा गुका गोनुङ पु़।

१ कोरिन्थी 8:3

लावो कोङनिमका माम्‍चु़नीलाई रिखाम बु़ माला मेरामलाई माम्‍चु़नीका छेमी।

हिब्रू 3:7

मेम्‍मिमका माम्‍चु़नी-पेलका आरे र्‍वामी, “आनेप गानी माम्‍चु़नीकु लो़लाम थो़न्‍नि माला,

यूहन्‍ना 5:25

आच्‍छाङा गो गानीलाई र्‍वाङु, मेराम थारी रोक्‍तोङा लेडु़, मा मेराम थारी ओम्‍लोङा सो़। सिपा मु़चु़मिमका माम्‍चु़नीकु तारापाचो़काम लो़लाम थो़मी, मा सु़का थो़मी मेर्मिम नु़मी।

यूहन्‍ना 8:12

आथावो येशूका मु़चु़मिमनुङ ल्‍वाबेम्‍डी, मा र्‍वाम्‍डी, “सु़म्‍दिसेरडाम मु़चु़मिमकु ओल गोङा सो़। आमा चङचङ लाम्‍दिपा मु़चु़ हेल्‍लो वो तुकुम्‍चिमडा मेलाम्‍दी, लावो मेरामका त्‍वारो़म ग्‍वाक्‍पा ओल ल्‍वासु़।”

गलाती 4:9

लावो आथा ने गानी माम्‍चु़नीलाई छेट्‌निम बु, आरेसाका वो र्‍वाकी, माम्‍चु़नीलाम गानी छेला सो़सिट्‌निम बु। लावो हेसाका गानी हाम ना हामकाम यु़म मेबाट्‌पा ल्‍वाकु सीसिथो़ आथावो ख्‍लोन्‍सीनी मा मेरामकु डु़ल्‍चो़ दु़म्‍मु न बोनी?

यूहन्‍ना 10:8

गोडाम ङादो रोक्‍पा खोत्‍ले मु़चु़ खुचु़वा नुङ मु़चु़लाई रोट्‌पा मु़चु़ बाम्‍डी। लावो भेन्‍दामिमका मेर्मिमकु ल्‍वा मेथो़मिवा।

यूहन्‍ना 12:26

उहेमका आमा चापेडुपे बु़, मेराम आमा चङचङ लाम्‍दिमु बासी, मा गो बान्‍ते बुङु, आमा डु़ल्‍चो़ वो मेसिङा दु़म। आमा चापेडुपे बेपा मु़चु़लाई आमा पापका डोक्‍पु बोमी।

यूहन्‍ना 8:43

गो र्‍वाङुमिम हेङा गानी थेसिमेथेनी? हेङालोने गो जेङुमिम ल्‍वा वो गानी थो़मु मेचाम्‍नी।

लूका 9:23

गुमीका खोत्‍ले मु़चु़लाई र्‍वाम्‍डी, “कोङनिमका गोनुङ लाम्‍दिमु न बु़ माला मेरामका ङादो उ त्‍वाप कोङङा नु़ङुनु़ र्‍वाक्‍पा न मेबु़नु़, मा हेल्‍लो लोवो उ त्‍वाकु क्रूस कुर्नु़मा आमा चङचङ लाम्‍दिनु़।

मत्ती 17:5

गु जेत्तोङा बु़डु़लो झ्‍वाक्‍पा खासेका मेर्मिमलाई हुप्‍डु़मी, मा मे खासेलामका कोले लो़लामका आरे र्‍वाक्‍ता, “ओराम गो छो़म द्‌वाक्‍पुमिम आमा तारापाचो़, ओरामडाम छो़म गेर्सिद्‌वाक्‍पा बुङु। ओरामका र्‍वामिम थो़नी।”

२ तिमोथी 2:19

लावो माम्‍चु़नीकु सिजेम हेल्‍लो वो मेदोपा लुङडला गट्‌मा जग होप्‍माम बु, मा मेसिन्‍डा ओराम मिक्‍छे बु, “ङाचो़का त्‍वाकु मु़चु़मिमलाई छेमी, मा माम्‍चु़नीकु नङ रपामिम खोत्‍ले मेजो़पा खारी बोमुडाम वाङ बुमिनु़।”

यूहन्‍ना 21:22

येशूका पत्रुसलाई र्‍वाम्‍डी, “गो मेख्‍लोसिक्‍थु़मसम्‍म गु सामनुङमा बुनु़म बुनु़ र्‍वाक्‍पा आमा न बु, गानालाई हाम दु़स्‍ता? आमा चङचङ लाम्‍दिया।”

लूका 13:27

“लावो गुका र्‍वा, ‘गो गानीलाई र्‍वाङु, गानी बालामका रोक्‍निम गो मेचक्‍पु। रु़चो़नी, आमा फार्डा मेरोक्‍नी।’

मर्कूस 8:34

मेकोतिमा गुमीका उनीमा सीसिपामिम नुङ मेर्मिमनुङ बाट्‌पा सेर्पा मु़चु़मिमलाई उनीमाथो़ येट्‌मिडिमा र्‍वाम्‍डी, “उहेमका गोनुङ लाम्‍दिमु न बु़, मेरामका उमा न होम्‍साका मेएँ, आमा न होम्‍साका बु़नु़, मा उमा त्‍वाकु क्रूस कुर्नु़ मा गोनुङ लाम्‍दिनु़।

मत्ती 25:12

“लावो लारेपाका र्‍वाक्‍ता, ‘आच्‍छाङा गो गानीलाई र्‍वाङु, गानीलाई गो मेछेनिनी।’

मत्ती 16:24

मेकोतिमा येशूका उनी सीसिपामिमलाई र्‍वाम्‍डी, “कोङनिमका आमा चङचङ लाम्‍दिमु न बु़ माला मेरामका उमा नसिहोम बोमु डिसाका त्‍वाकु क्रूस कुर्नु़मा आमा चङचङ लाम्‍दिनु़।

मत्ती 7:23

गो मेर्मिमलाई र्‍वाङु, ‘गो गानीलाई हेल्‍लो वो छेट्‌निनिमङा मिबु। माम्‍चु़नीकु न होम्‍साका खारी मेबेपा मु़चु़नी, आमा फार्डा मेबानी।’

रेम्‍बेट्‌मिडिम ल्‍वा 14:4

मेर्मिम मु़चु़ मेसेममिमनुङ मेअम्‍मिवाम बाइडा हेङालोने मेर्मिमका उनी त्‍वापलाई सेपा दु़म्‍बेन्‍थाट्‌मिडिम बाइडा। भेन्‍दाचो़ बान्‍थो़ लम्‍डी मेनो-मेनो उनी चङचङ मेर्मिम लम्‍डी। माम्‍चु़नी नुङ भेन्‍दाचो़लाई ग्‍वामु लागि ङादो सिट्‍पा मामिम होङङा मु़चु़मिमकु थेतेलामका थि सोक्‍साका मेर्मिमलाई वाङ बेम्‍डिम बाइडा।

थु़र्मा 3:23

लावो मेराम माम्‍चु़नीलाम-जेपाका र्‍वामिमिम मेथो़पा ने माम्‍चु़नीकु मु़चु़मिमलामका वाङ दु़म्‍साका पुयु़लुमी।’

मर्कूस 10:21

येशूका मेरामलाई रेप्‍मिडिमा नाम-नामचो़ लु़त्तोङा र्‍वाम्‍डी, “गाना आथावो कोले खारी बोमु बासी। लक्‍सामा गानानुङ हा-हाम बु, मेर्मिम खोत्‍ले भ्रेडा, मा उनी हाम वो मेबाट्‌पामिमलाई ग्‍वाकामी। मेकोतिमा गाना पाह्रीला खाप्‍ची ल्‍वाना, मा बिकामा गोनुङ लाम्‍दिया।”