यूहन्‍ना 10:20 - थुलुङ राई

²⁰ मेर्मिमगोडाम हापाका आरे र्‍वाम्‍डी, “ओरामलाई मुनाङका हुप्‍डु़म बु, मा उ न मान्‍थिम दु़स्‍ताम बु। हेङा मेरामकु ल्‍वा थो़नी?”

यूहन्‍ना 10:20 Referans Kwoze

यूहन्‍ना 7:20

सेर्पा मु़चु़का र्‍वाम्‍डी, “गानालाई मुनाङका हुप्‍नाम बु। गानालाई सु़का सेन्‍मु माल्‍तोङा बु़?”

मर्कूस 3:21

उनी नेमडामका ओराम थो़म्‍डिमा, येशूलाई माल्‍ला रोम्‍डी, हेङालोने मु़चु़मिमका “गुमी उनी न मान्‍थिम बुमी” र्‍वाम्‍डिम बाइडा।

यूहन्‍ना 8:52

यहूदीमिमका गुमीलाई र्‍वाम्‍डी, “गानालाई मुनाङका हुप्‍नामङा बु र्‍वाक्‍साका गुकु चक्‍तोको। अब्राहाम सिडा, मा माम्‍चु़नीलाम-जेपामिम वो सिम्‍डी, लावो गाना र्‍वाना, कोङनिम मु़चु़ आमा सिजेम होम्‍साका दोस्‍ता माला मेराम हेल्‍लो वो मेसि।

थु़र्मा 26:24

पावलका आरेसाका उमा त्‍वाकु दुथाममिम ल्‍वा र्‍वाक्‍तो लेड्‌डु़लो ङा किब्‍दी साखामचो़ फेस्‍तसका डोक्‍पु लो़लामका र्‍वाक्‍ता, “पावल गाना इ न मान्‍थिम दु़म्‍नाम बु। हापा ल्‍वामिम सीन्‍सिट्‌नामका गाना इ न मान्‍थिम दु़म्‍नाम बु।”

मत्ती 10:25

सीसिपा, सीपा होप्‍माम नुङ डु़ल्‍चो़, नेमहप होप्‍मामङा दु़म्मु माला न-गो तिम्सिट्‍नी। मेर्मिमका नेमहप होप्‍माम गोलाई मुनाङमिमकु हप र्‍वामी माला आमा नेमडाम होप्‍माम गानीलाई हाङको मेजो़पा र्‍वामी।

मत्ती 9:34

लावो फरिसीमिमका र्‍वाम्‍डी, “ओरामका मुनाङमिमकु डोक्‍पुलामका मुनाङ कोलु़मी।”

मत्ती 11:18

“मेम्‍साकाङा यूहन्‍ना रोक्‍ता, मा वाङमिम मु़चु़का होङङा मेपु़वा, अङ्‍गूरकु बिलाम मेडुङु़वा। मेम्‍मा मु़चु़मिमका ‘गुलाई मुनाङका हुप्‍डु़म बु’ र्‍वाम्‍डी।