यूहन्‍ना 10:18 - थुलुङ राई

¹⁸ सु़का वो गोलाम आमा साम रमु मेचाप्‍सु़। गो आमा त्‍वाकु नका आ त्‍वापलाई सासेट्‌पु। हेङालोने आ त्‍वापलाई सासेट्‌पा नुङ आथावो बम्‍गेमु आमा मुलु़गोडा बु। आमा पापका आरे बोमु गोलाई बेबेट्‌ङिडिमिम बु।”

यूहन्‍ना 10:18 Referans Kwoze

हिब्रू 2:9

लावो गुइ येशूलाई ल्‍वासी, गुमी घरिकोङकाम लागि पाह्रीचो़मिमडाम याक्‍के दु़म्‍मिडी। मेम्‍मा माम्‍चु़नीकु दिदामका खोत्‍लेकाम लागि गुमीलाई सिप्‍डा थु़र्मिडी। येशूकाङा सिमु दु़खा इम्‍मिडिमका माम्‍चु़नीलामका यु़म झ्‍वाक्‍सी नुङ डोक्‍पु बेसीकु मुकुट ल्‍वाम्‍डी।

तीतस 2:14

खोत्‍ले मेजो़पा ल्‍वाडाम फ्‍वामु नुङ सेपा दु़म्‍साका जो़पा खारी बोमु छो़म माल्‍पा उनी त्‍वाकु मु़चु़मिम दु़म्‍बेन्‍मु लागि येशू ख्रीष्‍ट सेन्‍ला सो़म्‍सिम्‍डी।

यूहन्‍ना 10:17

आमा पापका गोलाई रिखाम बोङिमी हेङालोने गो त्‍वापलाई सासेट्‌पु, मा चङडा आथावो नु़मु चापु।

यूहन्‍ना 14:31

लावो पापलाई गो रिखाम बेउ, मा पापका हाम बेबेन्‍ङिमी मेरामङा गो बेउ र्‍वाक्‍पा सु़म्‍दिसेरडाम मु़चु़मिमका चमिनु़। दो, ओलामका लक्‍सी।”

यूहन्‍ना 6:38

गो आमा न होङङा बेप्‍डा मेएँ, माम्‍चु़नीका न बोमिमिम होम्‍साका खारी बेप्‍डा पाह्रीलामका योङडोम।

यूहन्‍ना 15:10

गानी गो र्‍वाङ्‌डोम थो़नी माला आमा रिखामडा गानी बुनी, हेसाका गो वो आमा पापका र्‍वाम्‍डिम थो़उतो, मा उनीमा रिखामडा बुङु।

यूहन्‍ना 10:11

जो़पा रेपा-क्रिपा गो। जो़पा रेपा-क्रिपाका उमा भेन्‍दामिमकाम लागि उ त्‍वापलाई सासेडु़।

थु़र्मा 3:15

मा त्‍वारो़म ग्‍वाक्‍पा ङाचो़लाई गानी सेट्‌नी, लावो गुमीलाई माम्‍चु़नीका सिमुलाम फम्‍डी, मा गुकु मेराम आकी मिक्‍सीका ङा ल्‍वात्तोकोम बु।

थु़र्मा 2:24

लावो गुमीलाई माम्‍चु़नीका सिमुकु दु़खालामका फ्‍वाक्‍साका फम्‍खेम्‍डी। हेङालोने सिमुका गुमीलाई बन्‍थामु मेचाप्‍सु़वा।

यूहन्‍ना 5:30

“गो आ त्‍वाकाङा ने हाम वो बोमु मेचापु। हेप्‍माम गो थो़उ, मेम्‍साकाङा निया बेउ। गो बेउमिम निया जो़पा दु़म, हेङालोने गो आ त्‍वाकु न होङङा मेएँ, गोलाई थु़र्पा पापकु न होङङा खारी बोमु न बेउ।

थु़र्मा 2:32

ओराम येशूलाई ङा माम्‍चु़नीका सिमुलाम फम्‍डी, मेराम गुकु खोत्‍लेका ल्‍वात्तोकोम बु।

यूहन्‍ना 19:11

येशूका र्‍वाम्‍डी, “माम्‍चु़नीका गानीलाई ग्‍वाक्‍निमका कोङङा गोडला इनीमा साखाम बुमिम। मेम्‍मिमका इनीमा ल्‍वाडा गोलाई ग्‍वाक्‍पाका छो़म डोक्‍पु छु़ल बु़डु़म बु।”

यूहन्‍ना 10:15

आमा पापका गोलाई छेङिमी, मा पापलाई गो छेपुमिम होङ्‍ङा भेन्‍दामिमकाम लागि आ त्‍वापलाई सासेट्‌पु।

यूहन्‍ना 5:26

त्‍वारो़म ग्‍वाक्‍पा यु़म पापकाडा बुमिम होम्‍साका त्‍वारो़म ग्‍वाक्‍पा यु़म पापका उनीमा तारापाचो़लाई ग्‍वाम्‍डिम बु।