यूहन्‍ना 10:12 - थुलुङ राई

¹² लावो खउलुङ ग्‍वाक्‍साका जु़ल्‍मा मु़चु़ ने त्‍वाकु भेन्‍दामिम बाट्‌पा रेपा-क्रिपा मु़चु़ होप्‍माम मेएँ। मेरामका बडि रोक्‍पा ल्‍वासु़लो भेन्‍दामिमलाई पार्जो़लु़मा स्‍वा। मेम्‍मा बडिका भेन्‍दामिमलाई ङाघ्रकु़मी, मा फोरु़मी।

यूहन्‍ना 10:12 Referans Kwoze

२ पत्रुस 2:3

रारी बेपा दु़म्‍साका मेर्मिम सीपाका लिमा ल्‍वा बनेबेसाका गानीलाम खउलुङ रमी। मेर्मिमका देन्‍दे ल्‍वामी र्‍वाक्‍साका ङादोङा मुलु़ दु़स्‍ताम बु मा मेर्मिम पुयु़लुमी र्‍वाक्‍पा ल्‍वा बुहोङङा बु।

तीतस 1:7

हेङालोने एल्‍डर ने माम्‍चु़नीकाम खारी बेपामिमका मुमा बेन्‍ला मेसो़सिक्‍पा दु़म्‍मु बासी। उ त्‍वाकु न होङङा बेपा, दाला छोक्‍चो बक्‍पा, डु़का सेट्‌पा, क्‍वाल्‍बा बेपा, खउलुङ ल्‍वामु लागि हाम लोवो बेपा दु़म्‍सिमेनु़।

२ तिमोथी 4:10

हेङालोने डेमासका ओराम सु़म्‍दिसेरलाई रिखाम बु़डु़मा गोलाई डिसाका थेसलोनिके शहरडा लस्‍ताम बु। क्रेसेन्‍स गलातिया क्षेत्रडा लस्‍ताम बु, मा तीतस ने दलमातिया क्षेत्रडा लस्‍ताम बु।

१ तिमोथी 3:8

मेम्‍साकाङा डिकनमिम वो खोत्‍लेका जो़पा मिम्‍मु घ्रेट्‌पा दु़म्‍मु बासी। नले ल्‍वा मेबेपा, डु़का मेसेट्‌पा, मा खाप्‍चीकु रारी मेबेपा दु़म्‍मु बासी।

१ तिमोथी 3:3

डु़का मेसेट्‌पा, छोक्‍चो मेबेपा, याक्‍के दु़म्‍पा, क्‍वाल्‍बा मेबेपा, मा खाप्‍चीकु रारी मेबेपा,

थु़र्मा 20:29

हेङालोने गो डिन्‍जो़ल्‍निनिमा लङुमिम चङडा ङिमलु़पा बडि होप्‍माम मु़चु़मिम गानीगोडा रोमी, मा मेर्मिमका खोत्‍ले थो़रलु़पामिमलाई पुयु़लुमु माल्‍मी होङ्‍ङा गो लु़ङडोम बु।

१ पत्रुस 5:2

माम्‍चु़नीका गानीलाई रेम्‍बेबेट्‌निमिम उनी थो़र लु़पामिमलाई रेप्‍नी। न मेबिसिक्‍साका मेएँ लावो माम्‍चु़नीका न बोमिमिम होङङा त्‍वाकु नकाङा बेनी। रारी बेसाका मेएँ लावो चापे-डुपे छो़म बेबेद्‌वाक्‍पा नका रेपा मु़चु़ दु़म्‍नी।

यूहन्‍ना 10:3

लाम्‍चोको लपा मु़चु़का रेपा-क्रिपा मु़चु़काम लागि लाम्‍चोको होल्‍साडु़, मा भेन्‍दामिमका उमा लो़लाम थो़मी। गुका उमा भेन्‍दामिमलाई नङलामका येडु़मी, मा पाखाथो़ क्रियु़मी।

मत्ती 10:16

“रेप्‍नी, गो गानीलाई बडिमिमकु थेतेडा भेन्‍दामिमलाई होङङा थु़र्तोङा लेनिनी। मेम्‍मिमका गानी ब्‍लो होप्‍माम चङको चङको बाट्‌पा नुङ तुकतुकुर होप्‍माम मुमा मान्थिम जो़पा दु़म्‍नी।

मत्ती 7:15

“उडलाम भेन्‍दा होङङा बेपा लावो ङिमलु़पा बडिमिम होप्‍माम माम्‍चु़नीलाम-जेपा लिसिक्‍पामिमडाम चङचङया बानी वो!

यूहन्‍ना 10:2

लावो लाम्‍चोकोलामका गोनो हुपा मु़चु़ ने भेन्‍दामिमकु रेपा-क्रिपा मु़चु़ सो़।

यूहन्‍ना 10:13

मेराम मु़चु़ स्‍वा, हेङालोने मेराम मु़चु़ ने खउलुङ ग्‍वाक्‍साका जु़ल्‍मा, मेरामका भेन्‍दामिमलाई जो़होमका मेरेप्‍डु़मी।