यूहन्‍ना 10:10 - थुलुङ राई

¹⁰ “खुचु़वा ने खुप्‍डा, सेड्‌डा नुङ पुयु़ लुबेड्‌डा कोङङा रो। लावो गो ने मेर्मिमका त्‍वारो़म ल्‍वामिनु़, मा मे त्‍वारो़म हापा ल्‍वामिनु़ र्‍वाक्‍साका योङडो।

यूहन्‍ना 10:10 Referans Kwoze

लूका 19:10

हेङालोने दाम्‍पा मु़चु़मिमलाई माल्‍मु नुङ सेल्‍मु लागि मिनीचो़ योक्‍ताम सो़।”

यूहन्‍ना 6:51

त्‍वारो़म ग्‍वाक्‍पा पाह्रीलामका योक्‍पा सो़बेम गोङा सो़। कोङनिमका ओराम सो़बेम पु़ माला मेराम हेल्‍लो लोवो नु़होम बु। ओराम सो़बेम ने आमा मिरो़म सो़, सु़म्‍दिसेरडाम मु़चु़मिमका त्‍वारो़म ल्‍वामु लागि मेराम ग्‍वाक्‍पुमी।”

यूहन्‍ना 12:47

“कोङनिमका आमा सिजेम थो़सु़ लावो मेराम होङ्‍ङा मेबु़ माला गो मेरामकु निया मेबेउ। हेङालोने गो सु़म्‍दिसेरकु निया बेप्‍डा योङ्‌डोम मेएँ, लावो सु़म्‍दिसेर सेल्‍मु लागि योङ्‌डोम।

यूहन्‍ना 6:33

हेङालोने माम्‍चु़नीकु सो़बेम गुङा सो़, मेराम पाह्रीलाम यो, मा सु़म्‍दिसेरडाम मु़चु़मिमलाई त्‍वारो़म ग्‍वाकु़मी।”

यूहन्‍ना 3:17

सु़म्‍दिसेरडाम मु़चु़मिमलाई मुमा बेन्‍मु र्‍वाक्‍साका माम्‍चु़नीका उनीमा तारापाचो़लाई थु़र्मीडिम मेएँ, लावो सु़म्‍दिसेरडाम मु़चु़मिम गुमीलामका सेल्‍सिमिनु़ र्‍वाक्‍साका थु़र्मिडी।

१ तिमोथी 1:15

छु़लचो़मिम सेल्‍ला ख्रीष्‍ट येशू सु़म्‍दिसेरडा योम्‍डी र्‍वाक्‍पा ल्‍वा आच्‍छाङा र्‍वाक्‍साका रमु बासी सो़, मा छु़लचो़मिमगोडाम गो छो़म डोक्‍पु छु़लचो़।

यूहन्‍ना 10:1

“आच्‍छाङा गो गानीलाई र्‍वाङु, उहेम मु़चु़ भेन्‍दाकु गोठागोनो लाम्‍चोकोलाम मेहु, लावो कोङमीलामङा हु मेराम मु़चु़ ने खुचु़वा नुङ मु़चु़लाई रोट्‌पा मु़चु़ सो़।

मत्ती 20:28

मिनीचो़ चापे-डुपे बेला सो़सिप्‍डा मेएँ, चापे-डुपे बेप्‍डा नुङ उमा त्‍वाकु साम फ्‍यामुमा हापा मु़चु़मिमकु थि सोक्‍साका सेल्मु लागि योक्‍ताम सो़।”

हिब्रू 7:25

मेम्‍मिमका गुमीडा थो़रलु़साका माम्‍चु़नीडा रोक्‍पामिमलाई गुमीका ओम्‍लो नुङ हेल्‍लो लोवो सेल्‍मी। हेङालोने मेर्मिमकाम लागि माम्‍चु़नीनुङ सो़म्‍दी बोम्‍सामु लागि हेल्‍लो लोवो गुमी दु़म्‍मी।

२ पत्रुस 1:11

मेम्‍मा इकी ङाचो़ नुङ गुइलाई सेल्‍पा येशू ख्रीष्‍टकाम हेल्‍लो लोवो दु़म्‍पाम बाट्‌पा किब्‍दीगोनो हुमु गानीलाई छो़म हुनाखाना दु़म।

हिब्रू 6:17

माम्‍चु़नीका ङादो याचे जेम्डिम ल्‍वा हेल्‍लो मेफान्‍सी र्‍वाक्‍साका मेराम ल्‍वा डार्पामिमलाई जो़होमका रेम्‍बेट्‍पा उनीमा न बाइडा। मेम्‍मिमका गुमीका कसम पेम्‍डी।

मत्ती 23:13

“गानी डु़म्‍ला सीपा पातु़म्‍रीमिम नुङ फरिसीमिम ने हाउरेमा, मिनी मिक्‍सीलामडा जो़पा लिसिक्‍पा गानी, माम्‍चु़नीकु किब्‍दीगोनो मु़चु़मिम हुपा लाम्‍चोको गानी चक्‍निम बु। गानी इनी त्‍वाप वो मेहुनी, मा हुमु माल्‍पामिमलाई वो भोम्‍नी।

रोमी 2:21

आरेसाका गानी वाङमिमलाई सीपा इनी त्‍वाप ने मेसीसिक्‍पा? वाङमिमलाई खुसि मेनु़ र्‍वाक्‍पा मा त्‍वाकाङा खुपा?

मत्ती 18:10

“चङचङया बानी, ओ याक्‍केमिमगोडाम कोलेलाई वो हाम ना हामकाम मेमिम्‍नी। हेङालोने गो गानीलाई र्‍वाङु, मेर्मिमकु पाह्रीचो़मिम पाह्रीलाम आमा पापकु ङादोडा हेल्‍लो लोवो पाह्रीला बुमिम बुमी।

मर्कूस 11:17

मेकोतिमा गुमीका सीत्तोङा र्‍वाम्‍डी, “हाम आरेप्‍माम र्‍याक्‍मा मिबु मा, ‘आमा नेम खोत्‍ले मिनीसामामिमका सो़म्‍दी बेखोप नेम र्‍वाक्‍साका छेमी।’ लावो गानी ने खुचु़वामिम बाखोप बुड्‌खुम डे बनेन्‍निम बु।”

यूहन्‍ना 12:6

गुका आरे र्‍वाक्‍ताम ने उनी हाम वो मेबाट्‌पा मु़चु़मिमलाई ख्‍लो़पा नका र्‍वाक्‍ताम मेएँ गु खुचु़वा बाइडामका र्‍वाक्‍ताम। खउलुङकु फाजी गुका कुर्थाल्‍लु़मा मेलामका खुयु़थाल्‍लु़।

मत्ती 21:13

गुमीका मेर्मिमलाई र्‍वाम्‍डी, “माम्‍चु़नीकु सिजेमडा र्‍याक्‍मा बु, ‘आमा सो़रनेम सो़म्‍दी बेखोप नेम दु़म, लावो गानी ने ओरामलाई खुचु़वामिमकु घ्रो़म्‍खोप बुडखुम बनेबेन्‍निम बु’।”

यूहन्‍ना 5:40

मेम्‍मा वो ओराम त्‍वारो़म ल्‍वामु लागि आमाडा रोमु मेद्‌वानी।

यूहन्‍ना 10:11

जो़पा रेपा-क्रिपा गो। जो़पा रेपा-क्रिपाका उमा भेन्‍दामिमकाम लागि उ त्‍वापलाई सासेडु़।

मत्ती 18:11

[हेङालोने मिनीचो़ ने दाम्‍पा मु़चु़मिम ङा सेल्‍मु लागि योक्‍ताम सो़।]