यूहन्‍ना 10:1 - थुलुङ राई

¹ “आच्‍छाङा गो गानीलाई र्‍वाङु, उहेम मु़चु़ भेन्‍दाकु गोठागोनो लाम्‍चोकोलाम मेहु, लावो कोङमीलामङा हु मेराम मु़चु़ ने खुचु़वा नुङ मु़चु़लाई रोट्‌पा मु़चु़ सो़।

यूहन्‍ना 10:1 Referans Kwoze

मत्ती 7:15

“उडलाम भेन्‍दा होङङा बेपा लावो ङिमलु़पा बडिमिम होप्‍माम माम्‍चु़नीलाम-जेपा लिसिक्‍पामिमडाम चङचङया बानी वो!

रोमी 16:18

हेङालोने मेर्मिमका ने ङाचो़कु खारी बेपा मेएँ लावो त्‍वाकु ख्‍वाचेपकाम लागि कोङङा बोमी सो़। मेर्मिम ने ड-ड जो़पा लिसीमिमा भ्रपा जेमी मा जो़पा न-गोकाम मु़चु़मिमलाई गोलामका वायम डमी।

१ यूहन्‍ना 4:1

द्‌वादीबुङ ङोप्‍सो़नी, पेललामका जेङुमिम र्‍वाक्‍पा खोत्‍ले मु़चु़लाई थो़र मेलु़नी। मेर्मिमनुङ बाट्‌पा पेल माम्‍चु़नीलाममिम डे मेएँ डे र्‍वाक्‍पा रेम्‍मु मेर्मिमलाई छाम्‍निमी। हेङालोने माम्‍चु़नीलाम-जेपा लिसिक्‍पा हापा मु़चु़मिम ओराम सु़म्‍दिसेरडा लुम्‍डिम बु।

हिब्रू 5:4

सु़का वो त्‍वाका न बेसाका डोक्‍पु डु़म्‍लाचो़ दु़म्‍मु मेचाप्‍सु़। लावो हारूनलाई होम्‍साका गुलाई खारी बेप्‍डा माम्‍चु़नीका येट्‌मिडिम दु़म्‍मु बासी।

२ पत्रुस 2:3

रारी बेपा दु़म्‍साका मेर्मिम सीपाका लिमा ल्‍वा बनेबेसाका गानीलाम खउलुङ रमी। मेर्मिमका देन्‍दे ल्‍वामी र्‍वाक्‍साका ङादोङा मुलु़ दु़स्‍ताम बु मा मेर्मिम पुयु़लुमी र्‍वाक्‍पा ल्‍वा बुहोङङा बु।

२ पत्रुस 2:1

लावो इस्राएलीमिमगोडा लिमा ल्‍वा सीपा मु़चु़मिम बाम्‍डिम होङङा गानीगोडा वो माम्‍चु़नीलाम-जेपा लिसिक्‍पामिम बुमी। मेर्मिमका ताङताहेरथो़ लक्‍पा लिमा सीसिमिम मेचहोमका सीमी, मेर्मिमकाम लागि थि सोक्‍साक्‍पा डोक्‍पु ङाचो़ ख्रीष्‍टलाई वो मेरमी मा दालाङा मेर्मिम पुयु़लुबेन्‍ला सो़म्‍सिमी।

१ पत्रुस 1:10

गानी ल्‍वामु खाम्‍निमिम दिदामकु दुथाम जेपा माम्‍चु़नीलाम-जेपामिमका ओराम सेल्‍सीलाई जो़होमका माल्‍मिडी-ख्‍लोम्‍डी मा थेसिथेन्‍मु माल्‍मिडी।

रोमी 10:15

थो़बेट्‍पा मु़चु़ मेथु़र्थु़म हेसाका थो़बेन्‍मुमी? माम्‍चु़नीकु सिजेमडा र्‍याक्‍मा बु, “जो़पा-सेला थो़बेट्‍पामिमकु खेल हाङको जो़पा!”

यूहन्‍ना 3:3

येशूका मेरामलाई र्‍वाम्‍डी, “आच्‍छाङा गो गानालाई र्‍वाङु, लाले दु़म्‍साका मेगक्‍थु़मसम्‍म सु़का वो माम्‍चु़नीकु किब्‍दी ल्‍वामु मेचाप्‍सु़।”

तीतस 1:11

मेर्मिमलाई भोम्‍मुमि बासी, हेङालोने सीसि मेनु़पा लिमा ल्‍वा सीसाका मेर्मिमका हापा मु़चु़मिमलाई थो़रलु़सीलामका ताङताहेरथो़ ख्‍लोम्‍डिम बु। मेर्मिमका खउलुङकाम लागि कोङङा मेम बोमी।

यूहन्‍ना 10:7

मेम्‍मिमका येशूका आथावो मेर्मिमलाई र्‍वाम्‍डी, “आच्‍छाङा गो गानीलाई र्‍वाङु, भेन्‍दामिमकु हुखोप लाम्‍चोको गोङा सो़।