यूहन्‍ना 1:7 - थुलुङ राई

⁷ खोत्‍लेका मेराम ल्‍वा थो़साका थो़रलु़मिनु़ र्‍वाक्‍साका ओलकु दुथाम मु़चु़मिमनुङ सो़प्‍डा गु रोक्‍ता।

यूहन्‍ना 1:7 Referans Kwoze

थु़र्मा 19:4

पावलका र्‍वाक्‍ता, “यूहन्‍नाका ग्‍वाक्‍तु़मिम कु-रु़दु़म ने छु़लमिम न-गोलाम मिम्‍सिक्‍साका माम्‍चु़नीडा ख्‍लोक्‍पा रु़दु़म बाइडा। यूहन्‍नाका मु़चु़मिमलाई उ त्‍वापडाम चङडा रोक्‍पाडा थो़र लु़नी बु़डु़मिम येशूडा सो़।”

यूहन्‍ना 1:36

गुका येशू मेमभाल लक्‍तोङा बेम्‍डिम ल्‍वास्‍तु़मा र्‍वाक्‍ता, “रेप्‍नी, मु़चु़मिमकु छु़ल हेपा भेन्‍दाकु चो़ होप्‍माम माम्‍चु़नीकु चो़।”

यूहन्‍ना 1:12

लावो गुमीलाई हुनाखाना बेपा, मा गुमीडला थो़र लु़पामिम खोत्‍लेलाई गुमीका माम्‍चु़नीकु चो़मिम दु़म्‍पा साखाम ग्‍वाम्‍डिमी।

यूहन्‍ना 1:9

खोत्‍ले मु़चु़लाई ओल ग्‍वाक्‍पा आच्‍छाङाकाम ओल सु़म्‍दिसेरडा योक्‍तोङा बेम्‍डी।

यूहन्‍ना 1:15

कु-रु़दु़म ग्‍वाक्‍पा यूहन्‍नाका उनीमा दुथाम सो़त्तो डोक्‍पु लो़लामका र्‍वाक्‍ता, “‘गोडाम चङडा रोक्‍तोङा बेपा मु़चु़ गोडाम डोक्‍पु बुमी, हेङालोने गुमी गोडाम ङादो आथामङा बाम्‍डी’ र्‍वाङडोम मेराम गुमीङा सो़।”

२ पत्रुस 3:9

ङाचो़का याचे जेम्‍डिमडा गुमी छु़मी र्‍वाक्‍पा याङ-याङकु थेसिथेसी होङङा ङाचो़ मेछु़मी। सु़ वो पुयु़मेलुमिनु़, लावो खोत्‍लेका मेजो़पा खारी बोमु डिन्‍मिनु़मा गुमीडा ख्‍लोम्‍सिमिनु़ र्‍वाक्‍साका गुमीका गानीलाई इम्‍साका लम्‍थामी।

तीतस 2:11

हेङालोने खोत्‍ले मु़चु़मिम सेल्‍मुमि लागि माम्‍चु़नीका उनी दिदाम रेम्‍बेम्‍डिम बु।

एफिसी 3:9

मेम्‍मा खोत्‍लेम थोक प्रङपा माम्‍चु़नीका सु़म्‍दिमोलो आथामङा थक्‍मिडिम ल्‍वा हाम र्‍वाक्‍साका खोत्‍लेनुङ सो़मु लागि गोलाई छेट्‌ङिडिमी।

१ तिमोथी 2:4

माम्‍चु़नीका खोत्‍ले मु़चु़मिम सेल्‍सिमिनु़, मा आच्‍छाङाकाम ल्‍वा थेसिथेन्‍मिनु़ र्‍वाक्‍पा न बोमी।

यूहन्‍ना 1:19

यरूशलेमडाम डोक्‍पु यहूदीमिमका कु-रु़दु़म ग्‍वाक्‍पा यूहन्‍नालाई “सु़ गाना?” र्‍वाक्‍साका हिलाबेप्‍डा डु़म्‍लाचो़मिम नुङ लेवीमिमलाई थु़र्मिडी। मेम्‍लो यूहन्‍नाका ओराम सो़यु़डु़म बाइडा।

गलाती 3:26

थो़रलामका गानी खोत्‍ले येशू ख्रीष्‍टडा माम्‍चु़नीकु चो़-चु़सु़ दु़म्‍निम बु,