यूहन्‍ना 1:50 - थुलुङ राई

⁵⁰ येशूका गुलाई र्‍वाम्‍डी, “गो गानालाई बैससीकु धक्‍सा फारगोयु़ ल्‍वान्‍नी र्‍वाङडोम ल्‍वाडाङा थो़र लु़ना? गाना ओरामडाम वो हापा डोक्‍पुतो ल्‍वामिम ल्‍वाना।”

यूहन्‍ना 1:50 Referans Kwoze

यूहन्‍ना 11:40

मेम्‍मा येशूका गुलाई र्‍वाम्‍डी, “गाना थो़रलु़न्‍ना माला माम्‍चु़नीकु यु़म-झ्‍वाक्‍सी ल्‍वाना र्‍वाक्‍साका हाम गो गानालाई र्‍वाङ्‌डोम मेएँ?”

यूहन्‍ना 20:29

येशूका मेरामलाई र्‍वाम्‍डी, “गाना गोलाई ल्‍वाङ्‌डिमका गोडला थो़रलु़न्‍नाम। उहेमका गोलाई मेल्‍वासाका थो़रलु़मी मेर्मिम आलाकाम सो़।”

लूका 1:45

गाना आलाकाम सो़, हेङालोने मिप्रङमाका गानालाई र्‍वाम्‍डिम ल्‍वा रोथी र्‍वाक्‍साका थो़र लु़न्‍नाम बु।”

मत्ती 25:29

उहेमनुङ बु, मेरामका आथावो ल्‍वासु़, मा मेराम लिट्‌पा दु़म। लावो उहेमनुङ मिबु, मेरामनुङ बाट्‌पा वो रोन्‍ला सो़सी।

लूका 7:9

ओराम ल्‍वा थो़म्‍डिमा येशू ङाङाया दु़म्‍मिडी। मेकोतिमा उनी चङचङ बिक्‍तोङा बेपा सेर्पा मु़चु़मिमथो़ ख्‍लोसिम्‍डिमा र्‍वाम्‍डी, “गो गानीलाई र्‍वाङु, इस्राएलीमिमगोडा आरेप्‍माम छो़म थो़रलु़पा सु़ वो गो मेडारुवा।”

मत्ती 13:12

हेङालोने उहेमका माम्‍चु़नीकु किब्‍दीकु दुथाम थेसिथेन्‍मु न बु़, माम्‍चु़नीका गुलाई थेसिथेन्‍बेन्‍मी, मा उमा नेप्‍ची बर्बेन्‍सामी। लावो उहेमका थेसिथेन्‍मु न मेबु़, मेरामका कि-कि थेसिथेडु़मिम वो थेसिङा मेथेट्‌पा माम्‍चु़नीका दु़म्‍बेन्‍मी।

मत्ती 21:19

लाम्‍दी फार्डा गुमीका कोले बैससीकु धक्‍सा ल्‍वाम्‍डी। मेरामकु मा बु डे र्‍वाक्‍साका गुमी मेसिन्‍डा लम्‍डी, लावो उ ब्‍लाम कोङङा बाइडा। मेकोतिमा गुमीका मे धक्‍सालाई र्‍वाम्‍डी, “आथाडा आनो हेल्‍लो वो इमा मा मेसिट्‌नु़।” मेम्मा बैससीकु धक्‍सा साट्‌ल्‍याड्‌डा।

यूहन्‍ना 1:49

नथानेलका र्‍वाक्‍ता, “सीपा, गानी माम्‍चु़नीकु तारापाचो़, गानी इस्राएलडाम हप।”

यूहन्‍ना 1:51

गुमीका मेरामलाई र्‍वाम्‍डी, “आच्‍छाङा गो गानालाई र्‍वाङु, पाह्री ह्‌वासिमिम, मा माम्‍चु़नीकु पाह्रीचो़मिम मिनीचो़डला योक्‍तो लक्‍तो बोमिमिम गाना ल्‍वाना।”