यूहन्‍ना 1:49 - थुलुङ राई

⁴⁹ नथानेलका र्‍वाक्‍ता, “सीपा, गानी माम्‍चु़नीकु तारापाचो़, गानी इस्राएलडाम हप।”

यूहन्‍ना 1:49 Referans Kwoze

यूहन्‍ना 1:34

गो ल्‍वाउतोम बु, मा सो़त्तोङा लेट्‌पु माम्‍चु़नीकु तारापाचो़ गुमीङा सो़।”

लूका 19:38

“मिप्रङमाकु नङडा योक्‍पा हप आलाकाम सो़। माम्‍चु़नी नुङ मु़चु़कु न-गो भ्रसिनु़ मा पाह्रीला माम्‍चु़नीकु यु़म-झ्‍वानु़।”

मत्ती 27:42

मेर्मिमका र्‍वाम्‍डी, “ओरामका वाङमिमलाई सेल्‍लु़मी, लावो उ त्‍वापलाई ने सेल्‍मु मेचाप्‍सु़। गु इस्राएलडाम हप। ओम्‍लोङा क्रूसलामका लुक्‍साका योनु़, मा गुइ ओरामडला थो़रबिइ।

मत्ती 21:5

“सियोनकु जाउमोचो़लाई र्‍वाक्‍नी, रेप्‍डा, इमा हप इमाडा बिक्‍तोङा बोमी, याक्‍के दु़म्‍साका गधाडला हुसाका, गधाकु चो़डलामका हुसाका बिक्‍तोङा बोमी।”

मत्ती 2:2

“यहूदीमिमकु मालो गक्‍पा हप बान्‍ते बुमी? गुमी गम्‍डिम र्‍वाक्‍पा पूर्वनो धामुला सोरलुङ ल्‍वासाका चक्‍तोको। मेम्‍मिमका गुमीलाई डोक्‍पु मिम्‍साका सेव साड्‌डा रोक्‍तोकोम।”

यूहन्‍ना 1:38

येशूका चङथो़ रेप्‍मिडिलो मेर्चिप उनी चङचङ बिक्‍तोङा लेट्‌पा ल्‍वाम्‍डिमा मेर्चिपलाई हिलाबेम्‍डी, “हाम माल्‍चिमिम गाची?” मेर्चिपका गुमीनुङ र्‍वाक्‍ची, “रब्‍बी, गानी बान्‍ते बुन्‍थाल्‍नी?” (रब्‍बी र्‍वाक्‍मा “सीपा मु़चु़” सो़।)

मत्ती 27:11

मेकोतिमा येशूलाई रोमी किब्‍दी साखामचो़ पिलातसकु ङादोडा येम्‍सिबेट्‌मिडी। किब्‍दी साखामचो़का गुमीलाई हिलाबु़डु़, “हाम गाना यहूदीमिमकु हप?” येशूका र्‍वाम्‍डी, “गानी र्‍वानिमिम होङङा सो़।”

मत्ती 14:33

कुबी-बोक्‍साडला बाट्‌पा सीसिपामिमका गुमीलाई डोक्‍पु मिम्‍साका सेव साट्‌मिडिमा र्‍वाम्‍डी, “गानी आच्‍छाङा माम्‍चु़नीकु तारापाचो़।”

यूहन्‍ना 18:37

पिलातसका र्‍वाक्‍ता, “मेएँ माला हाम गाना हपङा?” येशूका र्‍वाम्‍डी, “गो हप र्‍वाक्‍साका गानी जो़पाङा र्‍वानिम बुनी। ओरामकाम लागिङा गो गङ्‌डोम, मा आच्‍छाङाम ल्‍वा सो़मु लागि गो सु़म्‍दिसेरडा योङडोम। आच्‍छाङाकाम ल्‍वाथो़ सु़-सु़ बुमी, मेर्मिमका आमा ल्‍वा थो़मी।”

यूहन्‍ना 1:18

सु़का वो माम्‍चु़नीलाई हेल्‍लो वो ल्‍वास्‍तु़म मिबु। पापनुङ बाट्‌पा माम्‍चु़नी होप्‍मामङा तारापाचो़का माम्‍चु़नीलाई रेम्‍बेसाड्‌डामिम बु।

मत्ती 4:3

मेकोतिमा न छाम्‍पा शैतान उनीमाडा रोक्‍तामा र्‍वाक्‍ता, “गानी माम्‍चु़नीकु तारापाचो़ माला ओर्मिम लुङ सो़बेम दु़म्‍सा बेनी।”

मत्ती 23:7

बजारबाडे डोक्‍पु बेसाका सेव सान्‍ला सो़म्‍सिमु नुङ ‘सीपा’ र्‍वाला सो़म्‍सिमु मेर्मिमका द्‌वामी।

मत्ती 23:8

“लावो गानीलाई सु़का वो ‘सीपा’ मेर्‍वानु़, हेङालोने गानीलाई सीपा ने कोलेङा बुमी, मा गानी खोत्‍ले वा-ल्‍वाक सो़।

मर्कूस 15:32

ओराम आच्‍छाङा इस्राएलकु हप ख्रीष्‍ट ङा माला क्रूसलामका लुयोनु़। मेकोतिमा मेराम ल्‍वासाका गुइ थो़र लु़इ।” गुमीनुङ ङा क्रूसडा चेट्‌माचिपका वो मेम ङा र्‍वाक्‍चिमा गुमीलाई नानावोली बेच्‍चिमी।

लूका 1:35

पाह्रीचो़का गुनुङ र्‍वाक्‍ता, “माम्‍चु़नी-पेल गानाडला योमी, मा खोत्‍लेडाम घ्‍ल्‍वापा माम्‍चु़नीकु यु़म गानागोडा दु़म। मेम्‍मिमका मे गक्‍पा चो़च्‍चो़ सेपा दु़म्‍मी, मा गुमीलाई माम्‍चु़नीकु तारापाचो़ र्‍वामी।

यूहन्‍ना 1:50

येशूका गुलाई र्‍वाम्‍डी, “गो गानालाई बैससीकु धक्‍सा फारगोयु़ ल्‍वान्‍नी र्‍वाङडोम ल्‍वाडाङा थो़र लु़ना? गाना ओरामडाम वो हापा डोक्‍पुतो ल्‍वामिम ल्‍वाना।”

यूहन्‍ना 4:31

मेराम थारीकाङा उनी सीसिपामिमका गुमीलाई आरे र्‍वाम्‍डिम-र्‍वाम्‍डिमङा बेम्‍डी, “सीपा, हाम-हुम पेनीका।”