यूहन्‍ना 1:48 - थुलुङ राई

⁴⁸ नथानेलका येशूनुङ हिलाबु़डु़, “गानी गोलाई हेसाका येट्‌ङिडिनी?” येशूका मेरामलाई र्‍वाम्‍डी, “फिलिपका गानालाई येन्‍मु ङादो बैससीकु धक्‍सा फारगोयु़ बान्‍नाम ल्‍वान्‍नी।”

यूहन्‍ना 1:48 Referans Kwoze

यूहन्‍ना 2:25

मु़चु़ आच्‍छाङा हेप्‍माम दु़म्‍मी र्‍वाक्‍साका सु़का वो गुमीनुङ सो़मुम बुमु बासिक्‍पा मेबायावा। हेङालोने मु़चु़मिमकु न हेप्‍माम बु र्‍वाक्‍साका गुमीका चम्‍डिम बाइडा।

मत्ती 6:6

लावो गानी सो़म्‍दी बोनिलो नेमकु गोनोम बाखोपनो हुनी। लाम्‍चोको चनिमा सु़का वो ल्‍वामु मेचाप्‍मिमिम माम्‍चु़नी इनी पापलाई सो़म्‍दीडा देप्‍नी। मेम्‍मा मेल्‍वाहोमका बोनिमिम खारी ल्‍वापा माम्‍चु़नी इनी पापका गानीलाई पुरस्‍कार ग्‍वानी।

१ कोरिन्थी 14:25

मेरामकु नगोडाम थसिक्‍पा ल्‍वामिम पाखा लुमी मा गुका खुम्‍बु बेसाका माम्‍चु़नीकु सो़रलोले बु़ मा र्‍वा, “माम्‍चु़नी आच्‍छाङा गानीगोडा बुमी।”

१ कोरिन्थी 4:5

मेम्‍मिमका ङाचो़ येशू योमु ङादो हाम वो निया मेबेनी। गुमीका ङा तुकुम्चिमडा थक्‍मा ल्‍वा ओलडा रेन्मी, मा मु़चु़मिमकु न नुङ गो वो रेम्‍बोमी। मेम्‍लो मु़चु़मिमका माम्‍चु़नीलाम त्‍वा त्‍वाहोम डोक्‍पु बेला सो़म्‍सिमी।

मत्ती 10:3

फिलिप नुङ बारथोलोमाइ, थोमा नुङ कर फक्‍पा मत्ती, अल्‍फयसकु तारापाचो़ याकूब, थेदियस,

यूहन्‍ना 1:44

फिलिप वो अन्‍द्रियास नुङ पत्रुसकु देल बेथसेदाडामङा बाइडा।

यूहन्‍ना 6:5

येशूका खोत्‍लेथो़ रेप्‍मिडिलो छो़म सेर्पा मु़चु़ गुमीथो़ बिक्‍तोङा बेपा ल्‍वाम्‍डी। मेम्‍मा फिलिपलाई र्‍वाम्‍डी, “ओर्मिमकाम लागि पोमु सो़बेम बालामका गुइ भ्रेइमिम?”

यूहन्‍ना 6:7

फिलिपका गुमीनुङ र्‍वाक्‍ता, “खोत्‍लेका कि-कि ख्रेन्‍मु कोङङा लोवो न सङ मतोकु सिक्‍काका वो मे सो़बेम भ्रेमु मेझाम।”

यूहन्‍ना 12:21

गालीलडाम बेथसेदाडा बाट्‌पा फिलिपकाडा मेर्मिम रोम्‍डिमा आरे र्‍वाम्‍डिम-र्‍वाम्‍डिमङा बेम्‍डी, “ङाचो़, येशूलाई क्रो़म्‍मु आकीमा न बु।”

यूहन्‍ना 14:8

फिलिपका र्‍वाक्‍ता, “ङाचो़, गुकुलाई पाप रेम्‍बेट्‌किनी। मेकोति माला नु़।”