यूहन्‍ना 1:45 - थुलुङ राई

⁴⁵ फिलिपका नथानेललाई डार्डु़मा र्‍वाक्‍ता, “मोशाकु डु़म्‍लाडा नुङ माम्‍चु़नीलाम-जेपामिमका कोले मु़चु़कु दुथाम र्‍वाम्‍डिम मेराम मु़चु़लाई गुकु डार्तोको। गुमी नासरतडाम योसेफकु तारापाचो़ येशू।”

यूहन्‍ना 1:45 Referans Kwoze

लूका 24:27

मेकोतिमा येशूका मोशा नुङ माम्‍चु़नीलाम-जेपामिमका खोत्‍ले माम्‍चु़नीकु सिजेमडा येशूकु दुथाम र्‍याम्‍डिम खोत्‍ले ल्‍वा मेर्चिपलाई थेसिथेन्‍बेट्‌मिडी।

मत्ती 2:23

मा नासरत र्‍वाक्‍मा देलडा बाइडा। माम्‍चु़नीलाम-जेपामिमका आरेसाका र्‍वाम्‍डिम रोक्‍थिड्‌डा: “गुमीलाई नासरी र्‍वामी।”

लूका 24:44

गुमीका मेर्मिमलाई र्‍वाम्‍डी, “गो ङादो गानीनुङ बाङडोलो मोशाकु डु़म्‍लाडा, माम्‍चु़नीलाम-जेपामिमकु खाजेमडा नुङ कोमु काम्‍सोकु खाजेमडा आमा दुथाम र्‍वाक्‍मा खोत्‍ले ल्‍वा रोम्‍थिमुङा बासी” र्‍वाङ्‌डोमा सो़उतोम बाइडा।

लूका 4:22

खोत्‍लेका उनीमा नङ कोम्‍डी, मा गुमीका जेम्‍डिम न-थो़मनुङमा सिजेम थो़म्‍डिमा ङाङाया दु़म्‍मिडी, मा मेर्मिमका र्‍वाम्‍डी, “हेसाका गुका आरे र्‍वामिम? गु ने योसेफकु चो़ मेएँ मा?”

यूहन्‍ना 18:7

आथावो गुमीका मेर्मिमनुङ हिलाबेम्‍डी, “गानी सु़ माल्‍निमिम?” मेर्मिमका र्‍वाम्‍डी, “नासरतडाम येशू।”

मर्कूस 6:3

ओराम ने मे मरियमकु चो़ याकूब, योसेफ, यहूदा, नुङ सिमोनमिमकु वा, मे सङ बनेबेपाङा मेएँ मा? ओरामकु रिचो़मिम गुइनुङ ङा बुमिम मेएँ?” र्‍वाम्‍डिमा गुमीलाई नाप्‍छु़ट्‌मिडी।

मत्ती 21:11

सेर्पा मु़चु़का र्‍वाम्‍डी, “गुमी गालीलडाम नासरत देललामका बिम्‍डिम माम्‍चु़नीलाम-जेपा येशू।”

थु़र्मा 22:8

मेकोतिमा गो र्‍वाङ्‌डो, ‘ङाचो़, गानी सु़?’ “मेकोतिमा गुमीका गोनुङ र्‍वाम्‍डी, ‘गो नासरतडाम येशू, आमा थो़म गाना तेर्तोङालेनामिम बु।’

थु़र्मा 10:38

माम्‍चु़नीका नासरतडाम येशूलाई उनीमा पेल नुङ यु़मका थुट्‌मिडी। गुमी जो़पा खारी बेत्तो नुङ मुनाङका हुपामिमलामका मुनाङ ख्‍लुक्‍तो लाम्‍दिम्‍डी, हेङालोने माम्‍चु़नी गुमीनुङ बाम्‍डी।

यूहन्‍ना 21:2

सिमोन पत्रुस, दिदुमस र्‍वाक्‍मा थोमा, गालीलडाम काना देलडा बाट्‌पा नथानेल, जब्‍दियाकु नले तारापाचो़चिप, मा नले सीसिपाचिप कोदेप बाम्‍डी।

लूका 2:4

योसेफ दाऊदकु चो़-चु़सु़लाममिम बाइडा। मेम्‍मिमका गु गालीलडाम नासरत देललामका गेले यहूदियाकु बेथलेहेमडा लस्‍ता। मेसिन्‍डा माके दाऊद हपकु नेम बाइडा।

मर्कूस 14:67

मेकोतिमा पत्रुसका मु झु़त्तोङा बु़डु़म ल्‍वास्‍तु़मा मे मेसेमका जो़होमका उ ङालीडा रेप्‍तोङा र्‍वाक्‍ता, “गाना वो नासरतडाम येशूनुङ बान्‍नाम मेएँ डे?”

मत्ती 13:55

हाम गु ने सङ बनेबेपाकु तारापाचो़ मेएँ मा? हाम उ मामकु नङ मरियम, मा उ ल्‍वाकमिम याकूब, योसेफ, सिमोन नुङ यहूदा मेएँ मा?

थु़र्मा 26:9

“नासरतडाम येशूडा थो़रलु़पामिमलाई छो़म उनीमा थो़मतेर्सामुमिबासी र्‍वाक्‍पा गो वो मिम्‍तोम बाइडा।

थु़र्मा 3:6

मेकोतिमा पत्रुसका र्‍वाक्‍ता, “सो़ना, मतो गोनुङ मिबु, लावो हाम गोनुङ बु, मेराम ङा ग्‍वानी। नासरतडाम येशू ख्रीष्‍टकु नङडा लाम्‍दिया!”

थु़र्मा 2:22

“इस्राएलडाम मु़चु़नी थो़नी, माम्‍चु़नीका नासरतडाम येशूलामका यु़मखारीमिम, हेल्‍लो वो मेल्‍वाम्‍मा खारीमिम मा छेखोपमिमलाम इनीमा थेतेडा बेम्‍डिम गानी चनिमिम ङा बु। ओर्मिम खारीलामका गुमीलाई इनीमाडा माम्‍चु़नीका थु़र्मिडिम र्‍वाक्‍पा रेम्‍बेम्‍डिम बु।

यूहन्‍ना 19:19

पिलातसका कोङ छेखोप येशूकु बुइकुडला केप्‍डु़म बाइडा। मेसिन्‍डा: “नासरतडाम येशू यहूदीमिमकु हप” र्‍याक्‍मा बाइडा।

यूहन्‍ना 18:5

मेर्मिमका र्‍वाम्‍डी, “नासरतडाम येशू।” येशूका मेर्मिमलाई र्‍वाम्‍डी, “गुङा गो।” गुमीलाई भ्रेट्‌पा यहूदा वो मेर्मिमनुङङा येम्‍तासिट्‌पा बाइडा।

यूहन्‍ना 6:42

मेर्मिमका र्‍वाम्‍डी, “हाम ओराम योसेफकु तारापाचो़ येशू मेएँ? ओरामकु माम नुङ पाप गुइ मेछेडी? हेसाका ओरामका ‘गो पाह्रीलाम योङडोम’ र्‍वामु चाप्‍सु़?”

लूका 3:23

माम्‍चु़नीका मु़चु़मिमकु ङादोडा बेबेट्‌मिडिम खारी येशूका बोमु चो़म्‍मिडिलो गुमी सु धु़म (३०) थकाम बाम्‍डी। मु़चु़मिमका गुमीलाई योसेफकु तारापाचो़ र्‍वाक्‍पा मिम्‍थाल्‍मिडी। योसेफ, एलीकु तारापाचो़ बाइडा,

मत्ती 10:3

फिलिप नुङ बारथोलोमाइ, थोमा नुङ कर फक्‍पा मत्ती, अल्‍फयसकु तारापाचो़ याकूब, थेदियस,

लूका 2:48

गुमीलाई ल्‍वाच्‍चिमा उनीमा माम-पाप ङाङाया दु़म्‍ची, मा उनी मामका गुमीनुङ र्‍वाक्‍ता, “आमा तारापाचो़, गाना आरेप्‍माम हाम बेन्‍नाम? रेप्‍डा, इमा पाप नुङ गुचुकु इमा लागि मिम्‍ताम-सो़र्ताम बेसाका छु़रु़प-छु़रु़प लु़त्तो गानालाई माल्‍चोको।”

यूहन्‍ना 1:44

फिलिप वो अन्‍द्रियास नुङ पत्रुसकु देल बेथसेदाडामङा बाइडा।

यूहन्‍ना 6:5

येशूका खोत्‍लेथो़ रेप्‍मिडिलो छो़म सेर्पा मु़चु़ गुमीथो़ बिक्‍तोङा बेपा ल्‍वाम्‍डी। मेम्‍मा फिलिपलाई र्‍वाम्‍डी, “ओर्मिमकाम लागि पोमु सो़बेम बालामका गुइ भ्रेइमिम?”

यूहन्‍ना 6:7

फिलिपका गुमीनुङ र्‍वाक्‍ता, “खोत्‍लेका कि-कि ख्रेन्‍मु कोङङा लोवो न सङ मतोकु सिक्‍काका वो मे सो़बेम भ्रेमु मेझाम।”

यूहन्‍ना 12:21

गालीलडाम बेथसेदाडा बाट्‌पा फिलिपकाडा मेर्मिम रोम्‍डिमा आरे र्‍वाम्‍डिम-र्‍वाम्‍डिमङा बेम्‍डी, “ङाचो़, येशूलाई क्रो़म्‍मु आकीमा न बु।”

यूहन्‍ना 14:8

फिलिपका र्‍वाक्‍ता, “ङाचो़, गुकुलाई पाप रेम्‍बेट्‌किनी। मेकोति माला नु़।”

लूका 18:37

मे मु़चु़मिमका मेरामलाई र्‍वाम्‍डी, “नासरतडाम येशू ओभालङा लक्‍तोङा लेन्‍मी।”