यूहन्‍ना 1:43 - थुलुङ राई

⁴³ उ दिकाम येशूका गालील क्षेत्रथो़ लक्‍पा मुलु़ बेम्‍डी। गुमीका फिलिपलाई डार्मिडिमा र्‍वाम्‍डी, “आमा चङचङ लाम्‍दिया।”

यूहन्‍ना 1:43 Referans Kwoze

यूहन्‍ना 14:8

फिलिपका र्‍वाक्‍ता, “ङाचो़, गुकुलाई पाप रेम्‍बेट्‌किनी। मेकोति माला नु़।”

मत्ती 9:9

येशू मे शहरलामका लक्‍तोङा बेम्‍डिलो मत्ती नङकाम कोले मु़चु़ कर फखोपडा गन्‍तासिट्‌पा ल्‍वाम्‍डी। मेम्‍मा गुमीका मेरामलाई र्‍वाम्‍डी, “गोनुङ लाम्‍दिया।” मेकोतिमा मेराम बक्‍तामा गुमीनुङ लाम्‍दिडा।

यूहन्‍ना 12:21

गालीलडाम बेथसेदाडा बाट्‌पा फिलिपकाडा मेर्मिम रोम्‍डिमा आरे र्‍वाम्‍डिम-र्‍वाम्‍डिमङा बेम्‍डी, “ङाचो़, येशूलाई क्रो़म्‍मु आकीमा न बु।”

१ यूहन्‍ना 4:19

गुइ रिखाम बेबी, हेङालोने ङादो माम्‍चु़नीका गुइलाई रिखाम बेसाड्‌डामी।

यूहन्‍ना 6:5

येशूका खोत्‍लेथो़ रेप्‍मिडिलो छो़म सेर्पा मु़चु़ गुमीथो़ बिक्‍तोङा बेपा ल्‍वाम्‍डी। मेम्‍मा फिलिपलाई र्‍वाम्‍डी, “ओर्मिमकाम लागि पोमु सो़बेम बालामका गुइ भ्रेइमिम?”

फिलिप्‍पी 3:12

ओर्मिम खोत्‍ले गो ल्‍वामु दु़म्‍तोम बु डे, जो़पा दु़म्‍मु दु़म्‍ङोडोम बु र्‍वाक्‍साका ने मेएँ, लावो मेर्मिम ल्‍वा जेन्‍मु लागि आमा सो हन, उहेम ल्‍वाकाम लागि ख्रीष्‍ट येशूका गोलाई जेट्‌ङिडिमी।

यूहन्‍ना 1:28

यूहन्‍नाका कु-रु़दु़म ग्‍वाक्‍तोङा बु़डु़मिम मे यर्दन ब्‍लोकुडाम होनोहोम्बु बेथानिया देलडा ओराम ल्‍वा सो़यु़डु़म बाइडा।

लूका 19:10

हेङालोने दाम्‍पा मु़चु़मिमलाई माल्‍मु नुङ सेल्‍मु लागि मिनीचो़ योक्‍ताम सो़।”

मत्ती 10:3

फिलिप नुङ बारथोलोमाइ, थोमा नुङ कर फक्‍पा मत्ती, अल्‍फयसकु तारापाचो़ याकूब, थेदियस,

यूहन्‍ना 6:7

फिलिपका गुमीनुङ र्‍वाक्‍ता, “खोत्‍लेका कि-कि ख्रेन्‍मु कोङङा लोवो न सङ मतोकु सिक्‍काका वो मे सो़बेम भ्रेमु मेझाम।”

यूहन्‍ना 1:35

उ दिकाम यूहन्‍ना नले सीसिपाचिपनुङ आथावो मेराम खोमडाङा येम्‍तासिड्‌डाम बाइडा।

मत्ती 4:12

कु-रु़दु़म ग्‍वाक्‍पा यूहन्‍नालाई झ्‍यालखानडा चम्‍डी र्‍वाक्‍पा ल्‍वा येशूका थो़म्‍डिमा गालीलथो़ ख्‍लोम्‍सिम्‍डी।

मत्ती 8:22

लावो येशूका मेरामलाई र्‍वाम्‍डी, “आमा चङचङ लाम्‍दिया, मेसिपा त्‍वारो़म मेल्‍वासाका सिपामिमका ङा सिपा रो़म क्‍लु़म्‍मिनु़।”

यूहन्‍ना 1:29

उ दिकाम उ त्‍वापथो़ येशू बिक्‍तोङा लेट्‌मिडिम यूहन्‍नाका ल्‍वास्‍तु़मा र्‍वाक्‍ता, “रेप्‍नी, सु़म्‍दिसेरडाम मु़चु़मिमकु छु़ल हेपा भेन्‍दाकु चो़ होप्‍माम माम्‍चु़नीकु चो़।

यूहन्‍ना 1:44

फिलिप वो अन्‍द्रियास नुङ पत्रुसकु देल बेथसेदाडामङा बाइडा।

यूहन्‍ना 2:11

हेल्‍लो वो मेल्‍वाम्‍मा ओराम उनी खारी खोत्‍लेडाम ङादो येशूका गालीलडाम काना देलडा रेम्‍बेम्‍डी। आरेसाका गुमीका उनी यु़म-झ्‍वाक्‍सी रेम्‍बेम्‍डी, मा उनीमा सीसिपामिमका गुमीडला थो़र लु़म्‍डी।

यूहन्‍ना 1:37

गुका आरे र्‍वाक्‍ताम ल्‍वा मे सीसिपाचिपका थो़च्‍चिमा येशूकु चङचङ लक्‍ची।