यूहन्‍ना 1:42 - थुलुङ राई

⁴² मेकोतिमा अन्‍द्रियासका सिमोनलाई येशू क्रो़म्‍बेड्‌डा रेड्‌डु़। येशूका सिमोनलाई किकिर्या रेप्‍मिडिमा र्‍वाम्‍डी, “यूहन्‍नाकु तारापाचो़, इमा नङ सिमोन, लावो इमा नङ केफास (केफास र्‍वाक्‍मा पत्रुस) दु़म।”

यूहन्‍ना 1:42 Referans Kwoze

१ कोरिन्थी 15:5

मा गुमी केफासकाडा, मा को-न (१२) थु़र्मामिमकाडा रेम्‍बेम्‍सिम्‍डी।

१ कोरिन्थी 3:22

पावल लोवो अपोल्‍लोस लोवो केफास, मा सु़म्‍दिसेर लोवो त्‍वारो़म लोवो सिमु लोवो ओम्‍लो थारी लोवो दिफुम थारी लोवो खोत्‍ले इनीमाङा सो़।

१ कोरिन्थी 1:12

गो र्‍वामु मालुमिम ल्‍वा ओरामङा: गानीगोडाम कोङनिमका, “गो पावलकाम”, याङका “गो ओपोल्‍लोसकाम”, याङका “गो केफासकाम”, मा याङका “गो ख्रीष्‍टकाम” र्‍वानी ए।

गलाती 2:9

मण्‍डलीडाम डोक्‍पु ङाउमिम र्‍वाक्‍मा याकूब, पत्रुस नुङ यूहन्‍नाका वो माम्‍चु़नीका गोलाई थु़र्मा दु़म्‍पा दिदाम ग्‍वाङ्‌डिमिम बु र्‍वाक्‍पा चम्‍डिमा बारनाबास नुङ गोलाई हुनाखाना बेसाका उनीमा घ्रो़म्‍दीडा रच्‍चिकिमी। गुचुकु वाङसामामिमकाडा लक्‍पा मा मेर्मिम ने यहूदीमिमकाडा लक्‍पा मुलु़ बेम्‍डी।

१ कोरिन्थी 9:5

हाम वाङमिम थु़र्मामिम नुङ ङाचो़ येशूकु ल्‍वाकमिम नुङ केफासका होङङा येशूडा थो़रलु़पा त्‍वाकु नाइमे त्‍वापनुङ लाम्‍दिबेन्‍मु गुकु मेल्‍वाकु मा?

मत्ती 10:2

मे को-न (१२) थु़र्मामिम ओर्मिमङा सो़: पत्रुस र्‍वाक्‍मा सिमोन ङादो, मेरामकु तारापा ल्‍वाक अन्‍द्रियास, जब्‍दियाकु तारापाचो़ याकूब नुङ याकूबकु ल्‍वाक यूहन्‍ना,

लूका 5:8

ओराम ल्‍वास्‍तु़मा सिमोन पत्रुसका येशूकु खेल चु़म्‍डु़मा र्‍वाक्‍ता, “ए ङाचो़, गो ने छु़लचो़ सो़। मेम्‍मिमका आमा फार्डा मेबानी।”

यूहन्‍ना 21:2

सिमोन पत्रुस, दिदुमस र्‍वाक्‍मा थोमा, गालीलडाम काना देलडा बाट्‌पा नथानेल, जब्‍दियाकु नले तारापाचो़चिप, मा नले सीसिपाचिप कोदेप बाम्‍डी।

मर्कूस 3:16

गुमीका थुट्‌मिडिम को-न थु़र्मामिम ओर्मिमङा: सिमोन, मेरामकु नङ गुमीका पत्रुस जु़ल्‍मिडी,

यूहन्‍ना 13:18

“गो गानी खोत्‍लेकु दुथाम र्‍वाङुमिम मेएँ। गो छेत्तोम कोले मु़चु़कु दुथाम गो चक्‍पु। लावो माम्‍चु़नीकु सिजेमका आरे र्‍वामिम होङङा दु़म: ‘गोनुङङा सो़बेम पेपा मु़चु़ङा आमा कोर्थो़लाम बक्‍ता।’

लूका 6:14

सिमोन, येशूका मेरामकु नङ पत्रुस बाबेट्‌मिडी, सिमोनकु ल्‍वाक अन्‍द्रियास, याकूब, यूहन्‍ना, फिलिप नुङ बारथोलोमाइ,

गलाती 1:18

सु थ चङडा गो पत्रुसलाई क्रो़म्‍डा यरूशलेम लङ्‌डो मा गुनुङ को-ङोलेम बाङ्‌डो।

गलाती 2:11

पत्रुस एन्‍टिओखियाडा रोक्‍ताम थारीका गुका ख्‍लो़ड्‌डु़म ल्‍वाकु दुथाम उमा ङादोडाङा सो़उतो, हेङालोने गुका कोङनिम ल्‍वा ख्‍लो़ड्‌डु़म बाइडा।

यूहन्‍ना 4:16

येशूका मेराम मेसेमलाई र्‍वाम्‍डी, “लक्‍सामा इमा वोचु़लाई येडामा रेडा।”