यूहन्‍ना 1:27 - थुलुङ राई

²⁷ गोडाम चङडा रोक्‍पा मु़चु़ गुमीङा सो़। उनीमा सो़लो़पकु साले फ्रोमु वो गो ने घ्रेटपा मेबुङु।”

यूहन्‍ना 1:27 Referans Kwoze

यूहन्‍ना 1:30

‘गोडाम चङडा कोले मु़चु़ रोमी, गोडाम गुमी डोक्‍पु बुमी, हेङालोने गोडाम गुमी ङादो आथामङा बाम्‍डी’ र्‍वाङडोम गुमीङा सो़।

लूका 3:16

मेकोतिमा यूहन्‍नाका मेर्मिमलाई सि ख्‍लोक्‍साक्‍तो आरे बु़डु़मी, “गो गानीलाई कु-रु़दु़म ग्‍वानिनी। लावो गोडाम घ्‍ल्‍वापा कोले रोक्‍तोङा बोमी। उनीमा सो़लो़पकु साले फ्रोमु घ्रेट्‌पा वो गो ने मेबुङु। गुमीका गानीलाई माम्‍चु़नी-पेल नुङ मुकाम रु़दु़म ग्‍वानिमी।

मर्कूस 1:7

मेरामका आरे र्‍वाक्‍तोङा सीड्‌डु़मी, “गोडाम चङडा कोले यु़मनुङमा रोमी, मा गो ने कुम्‍सिमुमा उनी सो़लो़पकु साले फ्रोमु वो मेघ्रेन्‍ङी।

मत्ती 3:11

“गो ने गानीलाई इनी छु़लमिमलाम माम्‍चु़नीडा ख्‍लोसिबेट्‌पा कु-रु़दु़म ग्‍वानिनी, लावो गोडाम चङडा रोक्‍पा मु़चु़ ने गोडाम वो डोक्‍पु यु़मनुङमा बुमी। गो ने उनीमा डु़ल्‍चो़ दु़म्‍साका उनीमा सो़लो़प कुर्मु वो मेघ्रेटपा बुङु। गुमीका गानीलाई माम्‍चु़नी-पेल नुङ मुकाम रु़दु़म ग्‍वानिमी।

यूहन्‍ना 1:15

कु-रु़दु़म ग्‍वाक्‍पा यूहन्‍नाका उनीमा दुथाम सो़त्तो डोक्‍पु लो़लामका र्‍वाक्‍ता, “‘गोडाम चङडा रोक्‍तोङा बेपा मु़चु़ गोडाम डोक्‍पु बुमी, हेङालोने गुमी गोडाम ङादो आथामङा बाम्‍डी’ र्‍वाङडोम मेराम गुमीङा सो़।”

थु़र्मा 19:4

पावलका र्‍वाक्‍ता, “यूहन्‍नाका ग्‍वाक्‍तु़मिम कु-रु़दु़म ने छु़लमिम न-गोलाम मिम्‍सिक्‍साका माम्‍चु़नीडा ख्‍लोक्‍पा रु़दु़म बाइडा। यूहन्‍नाका मु़चु़मिमलाई उ त्‍वापडाम चङडा रोक्‍पाडा थो़र लु़नी बु़डु़मिम येशूडा सो़।”

यूहन्‍ना 10:41

मेसिन्‍डा हापा मु़चु़मिम उनीमाडा रोम्‍डिमा र्‍वाम्‍डी, “यूहन्‍नाका ने हेल्‍लो वो मेल्‍वाम्‍मा छेखोपमिम रेम्‍मेबु़वा, लावो ओराम येशूकु दुथाम गुका सो़यु़डु़म खोत्‍ले ल्‍वा आच्‍छाङा रेछा।”

थु़र्मा 13:25

यूहन्‍नाका उ खारी बोमु दु़म्‍मु खाप्‍स्‍तु़लो आरे र्‍वाक्‍ताम बाइडा, ‘गानी गोलाई सु़ र्‍वाक्‍पा मिम्‍नी? गो ने गानी लन्‍थानिमिम मु़चु़ मेएँ, लावो आमा चङडा कोले रोमी, मा उनीमा ने खेलयु़म सो़लो़प प्‍लु़मु वो मेघ्रेन्‍ङी।’