यूहन्‍ना 1:21 - थुलुङ राई

²¹ मेर्मिमका गुलाई हिलाबेम्‍डी, “मेएँ माला सु़ गाना? गाना माम्‍चु़नीलाम-जेपा एलिया?” यूहन्‍नाका मेएँ र्‍वाक्‍ता। मेर्मिमका हिलाबेम्‍डी, “हाम गाना गुकु लथान्‍कुमिम माम्‍चु़नीलाम-जेपा मु़चु़?” गुका मेएँ र्‍वाक्‍ता।

यूहन्‍ना 1:21 Referans Kwoze

मत्ती 11:14

गो र्‍वाङुमिम ल्‍वा इनीमा नडा रमु न बोनी माला माम्‍चु़नीलाम-जेपामिमका रो र्‍वाम्‍डिम एलिया ने यूहन्‍नाङा सो़।

यूहन्‍ना 1:25

यूहन्‍नालाई हिलाबेम्‍डी, “गाना ख्रीष्‍ट वो मेएँ, एलिया वो मेएँ, माम्‍चु़नीलाम-जेपा मु़चु़ वो मेएँ माला हेङा मु़चु़मिमलाई कु-रु़दु़म ग्‍वानामिमिम?”

मत्ती 16:14

मेर्मिमका र्‍वाम्‍डी, “याङका कु-रु़दु़म ग्‍वाक्‍पा यूहन्‍ना र्‍वामी, याङका एलिया र्‍वामी, मा याङका यर्मिया डे, माम्‍चु़नीलाम-जेपामिमगोडाम कोले डे र्‍वामी।”

यूहन्‍ना 7:40

येशूकु सिजेम थो़पा कोङनिम मु़चु़का र्‍वाम्‍डी, “ओराम मु़चु़ ने आच्‍छाङा माम्‍चु़नीलाम-जेपाङा सो़।”

लूका 1:17

गुका त्‍वारो़मडा नुङ यु़मका एलिया होप्‍मामङा दु़म्‍साका ङाचो़डाम ङादो यो, मा उनीमा लाम्‍दी बनेबु़। गुका पाप नुङ चो़मिम दु़बेडु़मी, मा र्‍वाकिमिम मेथो़पामिमलाई माम्‍चु़नीका र्‍वामिमिम थो़पा मु़चु़कु नेप्‍चीथो़ ख्‍लोकु़मी। आरेसाका गुका ङाचो़कु मु़चु़मिमलाई उनीमा लागि ङा झो़म्‍सिबेट्‌जो़लु़मी।”

मत्ती 21:11

सेर्पा मु़चु़का र्‍वाम्‍डी, “गुमी गालीलडाम नासरत देललामका बिम्‍डिम माम्‍चु़नीलाम-जेपा येशू।”

यूहन्‍ना 1:22

मेर्मिमका गुलाई र्‍वाम्‍डी, “सु़ गाना? गुकुनुङ र्‍वाका, मा गुकुलाई थु़र्पामिमनुङ सो़कु। इमा दुथाम गाना हाम र्‍वाना?”

यूहन्‍ना 6:14

येशूका बेम्‍डिम यु़मखारी ल्‍वाम्‍डिमा मे मु़चु़मिमका र्‍वाम्‍डी, “सु़म्‍दिसेरडा रोक्‍पा माम्‍चु़नीलाम-जेपा मु़चु़ आच्‍छाङा गुमीङा रेछा।”