यूहन्‍ना 1:19 - थुलुङ राई

¹⁹ यरूशलेमडाम डोक्‍पु यहूदीमिमका कु-रु़दु़म ग्‍वाक्‍पा यूहन्‍नालाई “सु़ गाना?” र्‍वाक्‍साका हिलाबेप्‍डा डु़म्‍लाचो़मिम नुङ लेवीमिमलाई थु़र्मिडी। मेम्‍लो यूहन्‍नाका ओराम सो़यु़डु़म बाइडा।

यूहन्‍ना 1:19 Referans Kwoze

यूहन्‍ना 10:24

यहूदीमिम उनी होनो-आथो़लाम खोम्‍सिम्‍डिमा हिलाबेम्‍डी, “हाम्‍सिसम्‍म गुकुलाई इनीमा दुथाम सो़मुडाम थनिमिम? गानी ख्रीष्‍टङा माला गुकुनुङ जो़होमका सो़नी।”

थु़र्मा 19:4

पावलका र्‍वाक्‍ता, “यूहन्‍नाका ग्‍वाक्‍तु़मिम कु-रु़दु़म ने छु़लमिम न-गोलाम मिम्‍सिक्‍साका माम्‍चु़नीडा ख्‍लोक्‍पा रु़दु़म बाइडा। यूहन्‍नाका मु़चु़मिमलाई उ त्‍वापडाम चङडा रोक्‍पाडा थो़र लु़नी बु़डु़मिम येशूडा सो़।”

थु़र्मा 13:25

यूहन्‍नाका उ खारी बोमु दु़म्‍मु खाप्‍स्‍तु़लो आरे र्‍वाक्‍ताम बाइडा, ‘गानी गोलाई सु़ र्‍वाक्‍पा मिम्‍नी? गो ने गानी लन्‍थानिमिम मु़चु़ मेएँ, लावो आमा चङडा कोले रोमी, मा उनीमा ने खेलयु़म सो़लो़प प्‍लु़मु वो मेघ्रेन्‍ङी।’

यूहन्‍ना 2:18

यहूदीमिमकु डोक्‍पुमिमका ओराम ल्‍वा गुमीनुङ बिम्‍डी, “गाना हाम बोनामिम? ओराम खारी बोमु माम्‍चु़नीका साखाम ग्‍वानामिम बु माला हेल्‍लो वो मेल्‍वाम्‍मा छेखोपका मेराम आच्‍छाङा र्‍वाक्‍पा रेम्‍बेट्‌की।”

यूहन्‍ना 5:10

मेम्‍मिमका यहूदी ङाउमिम कोर्थो़लाम बम्‍डी। मेर्मिमका सपा मे मु़चु़लाई र्‍वाम्‍डी, “ङेम्‍सिमुनेम गाना खारी बेसीमेनु़। मे प्‍लान कुर्मु डु़म्‍लाका मेग्‍वाना।”

यूहन्‍ना 6:52

मेकोतिमा यहूदीमिम उनी त्‍वाप-त्‍वापडा फमु चो़म्‍मिडी, “ओराम मु़चु़का गुइलाई हेसाका उ मिरो़म पोमु ग्‍वामु चाप्‍सा?”

यूहन्‍ना 6:41

यहूदीमिमका उनी कोर्थो़लाम सु़म्‍बुर्मा किन्‍मु चो़म्‍मिडी, हेङालोने गुमीका आरे र्‍वाम्‍डिम बाइडा, “पाह्रीलामका योक्‍पा सो़बेम गोङा सो़।”

यूहन्‍ना 1:7

खोत्‍लेका मेराम ल्‍वा थो़साका थो़रलु़मिनु़ र्‍वाक्‍साका ओलकु दुथाम मु़चु़मिमनुङ सो़प्‍डा गु रोक्‍ता।

यूहन्‍ना 2:20

मेकोतिमा यहूदीमिमकु डोक्‍पुमिमका र्‍वाम्‍डी, “ब्‍ल-रु (४६) थका ओराम सो़रनेम बनेबोम्‍सोमु दु़स्‍ता, मा हाम गाना सुलेमका आथावो बनेबोम्‍सोमु चाम्‍ना?”

यूहन्‍ना 5:15

गुलाई सबेट्‌पा ने येशू रेछा र्‍वाक्‍पा ल्‍वा लस्‍तामा यहूदी ङाउमिमनुङ सो़यु़डु़।

यूहन्‍ना 5:16

येशूका ङेम्‍सिमुनेम ओराम खारी बेम्‍डिमका यहूदी ङाउमिमका गुमीलाई दु़खा ग्‍वामु चो़म्‍मिडी।

यूहन्‍ना 5:18

मेम्‍मिमका यहूदी ङाउमिमका येशूलाई सेन्‍मु छो़म माल्‍मिडी। हेङालोने गुमीका ङेम्‍सिमुनेम बेसिमेनु़पा खारी बेम्‍डिम कोङङा मेएँ, लावो त्‍वापङा माम्‍चु़नीनुङ कोहोप्‍माम बेसिसाका माम्‍चु़नीलाई उनी त्‍वाकु पाप वो र्‍वाम्‍डिम बाइडा।

यूहन्‍ना 7:1

ओराम चङडा, येशू गालील क्षेत्रबाडे खोत्‍लेथो़ खिर्सिम्‍डी। गुमीका यहूदिया क्षेत्रडाम वाङथो़ङा बाट्‌पा न बेम्‍डी। हेङालोने मेसिन्‍डा यहूदीमिमका गुमीलाई सेन्‍मु माल्‍तोङा लेट्‌मिडी।

यूहन्‍ना 7:11

मे चाडडा यहूदीमिमका गुमीलाई माल्‍तो “मेराम मु़चु़ बान्‍ते बु?” र्‍वाक्‍तो हिलाबेबेम्‍डी।

यूहन्‍ना 7:15

यहूदीमिमका ङाङाया दु़म्‍मिडिमा आरे र्‍वाम्‍डी, “हाम वो मेसीसिसाका हेसाका ओराम आकोम छो़म थेट्‌पा दु़स्‍ता?”

यूहन्‍ना 8:22

यहूदीमिमका र्‍वाबेम्‍डी, “ओरामका हाम उ त्‍वापङा सेन्‍सिमिम? गो बान्‍ते लङु, मेसिन्‍डा गानी रोमु मेचाम्‍नी र्‍वाक्‍साका मेम र्‍वाक्‍ताम मेएँ?”

यूहन्‍ना 8:48

यहूदीमिमका येशूलाई र्‍वाम्‍डी, “गाना सामरी मु़चु़, मा गानालाई मुनाङका हुप्‍नाम बु र्‍वाक्‍तोकोम हाम मेजो़पा र्‍वाक्‍तोको?”

यूहन्‍ना 8:52

यहूदीमिमका गुमीलाई र्‍वाम्‍डी, “गानालाई मुनाङका हुप्‍नामङा बु र्‍वाक्‍साका गुकु चक्‍तोको। अब्राहाम सिडा, मा माम्‍चु़नीलाम-जेपामिम वो सिम्‍डी, लावो गाना र्‍वाना, कोङनिम मु़चु़ आमा सिजेम होम्‍साका दोस्‍ता माला मेराम हेल्‍लो वो मेसि।

यूहन्‍ना 8:57

यहूदीमिमका येशूलाई र्‍वाम्‍डी, “गाना ङो धु़म (५०) थङा लिट्‌नाम मिबु हेसाका गाना अब्राहामलाई ल्‍वाउतोम बु र्‍वाना?”

यूहन्‍ना 10:31

यहूदीमिमका येशूलाई आथावो लुङका ओमु लुङ डो़म्‍डी।

यूहन्‍ना 11:19

मार्था नुङ मरियमकु रिपाप सिडामका हापा यहूदीमिम उचीमा न बसाड्‌डा रोम्‍डिम बाइडा।

१ यूहन्‍ना 1:5

ओराम सिजेम येशू ख्रीष्‍टलामका गुकु थो़त्तोको मा गानीनुङ सो़कुमिम। माम्‍चु़नी ओल बुमी मा गुमीडा तुकुम्‍चिम बुमुङा मिबु।