यूहन्‍ना 1:18 - थुलुङ राई

¹⁸ सु़का वो माम्‍चु़नीलाई हेल्‍लो वो ल्‍वास्‍तु़म मिबु। पापनुङ बाट्‌पा माम्‍चु़नी होप्‍मामङा तारापाचो़का माम्‍चु़नीलाई रेम्‍बेसाड्‌डामिम बु।

यूहन्‍ना 1:18 Referans Kwoze

कलस्‍सी 1:15

मिक्‍सीका ल्‍वामु मेझापा माम्‍चु़नी गुइ ख्रीष्‍टडा ल्‍वामु चाप्सी। माम्‍चु़नीका प्रङ्‌मिडिम खोत्‍लेडला ख्रीष्‍टकु साखाम बु।

यूहन्‍ना 6:46

माम्‍चु़नीलाम योक्‍पाडाम सु़का वो पापलाई ल्‍वास्‍तु़म मिबु, गुका कोङङा पापलाई ल्‍वास्‍तु़म बु।

मत्ती 11:27

“आमा पापका खोत्‍ले ल्‍वा आमा ल्‍वाड्‌डा ग्‍वाङ्‌डिमिम बु। पापका कोङङा तारापाचो़लाई छेमी। तारापाचो़का कोङङा पापलाई छेडु़, मा तारापाचो़का सु़-सु़नुङ पापलाई छेबेपा न बु़, मेर्मिमका वो पापलाई छेमी।

लूका 10:22

“आमा माम्‍चु़नीका खोत्‍ले गोलाई आमा ल्‍वाडा ग्‍वाङ्‌डिमिम बु। माम्‍चु़नीकु तारापाचो़ सु़ र्‍वाक्‍साका माम्‍चु़नीडाम वाङमिम सु़का वो मेछेङिमी। माम्‍चु़नी सु़ र्‍वाक्‍साका माम्‍चु़नीकु तारापाचो़डाम सु़का मेछेडु़। माम्‍चु़नीकु तारापाचो़का गुमीलाई उहेमकाडा रेम्‍बोमु लागि छेडु़ मेराम मु़चु़डाम वाङमिम सु़का वो गुमीलाई मेछेडु़।”

१ यूहन्‍ना 4:12

सु़का वो हेल्‍लो वो माम्‍चु़नी ल्‍वाम्‍डिम मिबु, लावो गुइ रिखाम बेबिइडी माला माम्‍चु़नी गुइगोडा बुमी, मा गुमीका गुइगोडा बोमु न बोमिमिम होङङा उनीमा रिखाम दु़म।

१ तिमोथी 6:16

माम्‍चु़नी कोङङा हाम्‍सी वो मेसिमी, सु़ वो फार्डा लमु मेझापा ओलडा बाट्‌पा गुमी, सु़का वो मेल्‍वामिवाम गुमी, ल्‍वामु मेचाम्‍मिमिम। खोत्‍लेका उनीमा नङ कोमिनु़, हेल्‍लो लोवो उनीमा यु़म दु़महोम बु। आमेन।

१ यूहन्‍ना 4:9

माम्‍चु़नीका गुइगोडा आरेसाका उनीमा रिखाम रेम्बेम्‍डी: येशूलाम गुइ नु़मु चाप्‍सिनु़ र्‍वाक्‍साका कोले कोङङा बाट्‌पा उनीमा तारापाचो़ गुमीका सु़म्‍दिसेरडा थु़र्मिडी।

१ यूहन्‍ना 5:20

माम्‍चु़नीकु तारापाचो़ योम्‍डिम बुमी, मा आच्‍छाङाकाम माम्‍चु़नीलाई गुइ छेडिनु़ र्‍वाक्‍साका गुमीका गुइलाई न ग्‍वाक्‍साड्‌डामिम बु र्‍वाक्‍पा गुइ चडिम बु। गुइ माम्‍चु़नीडा बुइ हेङालोने उनीमा तारापाचो़ येशू ख्रीष्‍टडा गुइ बुइमिम बु। गुमी कोङङा आच्‍छाङाकाम माम्‍चु़नी मा हेल्‍लो वो मेसिपा त्‍वारो़म गुमीङा।

१ यूहन्‍ना 4:20

कोङनिम मु़चु़का “माम्‍चु़नीलाई गो रिखाम बेउ” र्‍वा लावो थो़र लु़पा वा-ल्‍वाकलाई मेद्‌वाकु़मी माला मेराम मु़चु़ लिमाचो़। हेङालोने मिक्‍सीका ल्‍वासिमिम मु़चु़मिमलाई रिखाम मेबी माला मिक्‍सीका मेल्‍वासिमिम माम्‍चु़नीलाई हेसाका रिखाम बि मा?

यूहन्‍ना 17:26

गोलाई बेङ्‌डिनिम इनीमा रिखाम मेर्मिमकाडा दु़म्‍नु़, मा गो आ त्‍वाप मेर्मिमकाडा दु़म्‍ङुनु़ र्‍वाक्‍साका गो गानीलाई थो़रलु़पामिमकाडा छेबेट्‌निनिम बु मा छेबेनिनिमिम बुङु।”

यूहन्‍ना 17:6

“सु़म्‍दिसेरलामका गानी गोलाई ग्‍वाङ्‌डिनिम मु़चु़मिमकाडा गो गानीलाई छेबेट्‌निनिम बु। मेर्मिम मु़चु़ इनीमाङा बाम्‍डी, मा मेर्मिम गोलाई ग्‍वाङ्‌डिनी। मेर्मिमका इनीमा सिजेम होम्‍साका दोम्‍डिम बु।

यूहन्‍ना 14:9

येशूका र्‍वाम्‍डी, “फिलिप, आकोम थारीसम्‍म गानीनुङ बाङ्‌डो मा वो गाना गोलाई मेछेङिमिम? उहेमका गोलाई ल्‍वाङ्‌डिम बु, मेरामका पापलाई ल्‍वास्‍तु़म बु। हेसाका गाना ‘गुकुलाई पाप रेम्‍बेट्‌किनी’ र्‍वामु चाम्‍ना?

यूहन्‍ना 1:14

सिजेम मु़चु़ दु़म्‍मिडी, मा गुकुगोडा बाम्‍डी। गुकु उनीमा यु़म-झ्‍वाक्‍सी ल्‍वात्तोको। मेराम यु़म-झ्‍वाक्‍सी पापकामलाम योक्‍पा कोलेङा तारापाचो़काम होप्‍माम छो़म दिदामनुङमा नुङ आच्‍छाङाकाम बाइडा।

यूहन्‍ना 12:41

यशैयाका येशूकु यु़म-झ्‍वाक्‍सी ल्‍वास्‍तु़मका उनीमा दुथाम ओराम सो़यु़डु़म बाइडा।

१ तिमोथी 1:17

हेल्‍लो लोवो साखाम थो़पाम बाट्‌पा हप, हाम्‍सी वो मेसिपा, मा मिक्‍सीका ल्‍वामु मेझापा कोले कोङङा माम्‍चु़नीकाम हेल्‍लो लोवो उनीमा नङ कोसिनु़, मा उनीमा यु़म-झ्वानु़! आमेन।

यूहन्‍ना 13:23

येशूका रिखाम बेम्‍डिम कोले सीसिपा ने येशूकु होनोलाम गन्‍तासिट्‌पा बाइडा।

यूहन्‍ना 3:11

आच्‍छाङा गो गानालाई र्‍वाङु, गुकु हाम थेन्‍कु मेराम जेकु, मा गुकु हाम ल्‍वाकु मेरामकु दुथाम सो़कु। लावो गुकु सो़कुमिम ल्‍वाडा गानी थो़रमेलु़नी।

२ कोरिन्‍थी 4:4

मेर्मिमकु दुथाम र्‍वाकी माला, माम्चु़नीकु ङाली बुमिम ख्रीष्‍टकु यु़म-झ्‍वासिक्‍पा जो़पा-सेलाकु ओल मेर्मिमका मेल्‍वामिनु़ र्‍वाक्‍साका ओराम सु़म्‍दिसेरडाम नो़पका थो़रमेलु़पा मु़चु़मिमकु न ब्‍लो़प्साड्‍डु़मिम बु।