यूहन्‍ना 1:17 - थुलुङ राई

¹⁷ हेङालोने माम्‍चु़नीका मोशालामका डु़म्‍ला ग्‍वाक्‍साड्‌डामी, लावो दिदाम नुङ आच्‍छाङाकाम ल्‍वा ने येशू ख्रीष्‍टलाम रेम्‍बेम्‍डी।

यूहन्‍ना 1:17 Referans Kwoze

रोमी 6:14

छु़लका गानीडला साखाम मेथो़डु़, हेङालोने गानी डु़म्‍लाकु साखामगोडा मेबुनी, गानी ने माम्‍चु़नीकु दिदामगोडा बुनी।

यूहन्‍ना 14:6

येशूका र्‍वाम्‍डी, “लाम्‍दी, आच्‍छाङा नुङ त्‍वारो़म गोङा सो़। गोडाम वाङमिम सु़लामका वो पापकाडा रोमु मेचाम्‍मी।

यूहन्‍ना 1:14

सिजेम मु़चु़ दु़म्‍मिडी, मा गुकुगोडा बाम्‍डी। गुकु उनीमा यु़म-झ्‍वाक्‍सी ल्‍वात्तोको। मेराम यु़म-झ्‍वाक्‍सी पापकामलाम योक्‍पा कोलेङा तारापाचो़काम होप्‍माम छो़म दिदामनुङमा नुङ आच्‍छाङाकाम बाइडा।

हिब्रू 9:22

आच्‍छाङा र्‍वामु माला डु़म्‍लाका र्‍वामिम होम्‍साका ने खोत्‍लेमथोक सिसिका सेपा दु़म्‍बेडु़, मा सिसि मान्‍थि ने छु़ल मेहेम्‍सी।

यूहन्‍ना 8:32

मेम्‍मा गानी माम्‍चु़नीकु दुथाममिम आच्‍छाङाकाम ल्‍वा थेसिथेनी, मा मे आच्‍छाङाकाम ल्‍वाका गानीलाई फ्‍वानी।”

यूहन्‍ना 7:19

हाम मोशाका गानीलाई डु़म्‍ला ग्‍वाक्‍निमी मेएँ मा? मावो गानी सु़वो मेराम डु़म्‍ला होम्‍साका मेदोनी। हेङा गानी गोलाई सेन्‍मु माल्‍ङिनी?”

थु़र्मा 28:23

मेकोतिमा मेर्मिमका पावलकु ल्‍वा थो़मु लागि कोलेम नेम घ्रो़म्‍सी र्‍वाबेम्‍डी। सेर्पा मु़चु़ पावल बाट्‌पाडा खोम्‍सिम्‍डी। पावल मेर्मिमनुङ नेमसोसोलो आथाम नेम गाम्‍डामसम्‍म ङा जेस्‍ता, मा गुका माम्‍चु़नीकु किब्‍दीकु दुथाम सीड्‌डु़मी, मा मेर्मिमलाई थो़र लु़बेन्‍मु नका येशूकु दुथाममिम ल्‍वा मोशाकु डु़म्‍ला नुङ माम्‍चु़नीलाम-जेपामिमकु खाजेमलाम सीड्‌डु़मी।

गलाती 3:17

गो र्‍वामु माल्‍तोम ल्‍वा ओरामङा सो़, ङादोङा माम्‍चु़नीका सो़रख्रेप्‍मिडिम ल्‍वा ब्‍लसङ सु धु़म थ चङडा रोक्‍पा डु़म्‍लाका क्रिम्‍मु मेचाप्‍सु़। मेएँ माला ने माम्‍चु़नीका याचे जेम्‍डिम हाम ना हामकाम दु़म्‍सावा।

थु़र्मा 7:38

इकीमा ङाउ-खुउ इस्राएलीमिम र्‍याङगो-र्‍याङगोडाम सीनै पोप्‍चङ फारगोयु़ कोदेप खोम्‍सिम्‍डिलो मोशा मेर्मिमनुङङा बाइडा। सीनै पोप्‍चङडा पाह्रीचो़ गुनुङङा जेस्‍थाल्‍ला मा मेराम त्‍वारो़म ग्‍वाक्‍पा माम्‍चु़नीकु सिजेम गुका ल्‍वास्‍तु़, मा इस्राएलीमिमलाई थो़बेड्‍डु़मी।

यूहन्‍ना 5:45

“पापकु ङादोडा गानीलाई गो मुमा बेनिनी र्‍वाक्‍पा मेमिम्‍नी। गानीलाई मुमा बेट्‌पा ने मोशा सो़, गुलामका ख्‍लो़ला सो़म्‍सिमु लन्‍थाट्‌निम बाइडा।

२ कोरिन्‍थी 1:20

माम्‍चु़नीका खोत्‍ले याचे जेम्‍डिम ल्‍वामिम “आच्‍छाङा” र्‍वाक्‍साका ख्रीष्‍टडा रोक्‍थिड्‍डा। मेम्‍मिमका ख्रीष्‍टलामका माम्‍चु़नीकु नङ डोक्‍पु दु़म्‍नु़ र्‍वाक्‍साका गुइ “आमेन” र्‍वाकी।

यूहन्‍ना 9:29

मोशानुङ माम्‍चु़नी जेम्‍डिम बाइडा, मेराम गुकु चकु, लावो मेराम मु़चु़ ने बान्‍तेलामका रोक्‍ताम मेराम वो मेचकु।”

यूहन्‍ना 18:37

पिलातसका र्‍वाक्‍ता, “मेएँ माला हाम गाना हपङा?” येशूका र्‍वाम्‍डी, “गो हप र्‍वाक्‍साका गानी जो़पाङा र्‍वानिम बुनी। ओरामकाम लागिङा गो गङ्‌डोम, मा आच्‍छाङाम ल्‍वा सो़मु लागि गो सु़म्‍दिसेरडा योङडोम। आच्‍छाङाकाम ल्‍वाथो़ सु़-सु़ बुमी, मेर्मिमका आमा ल्‍वा थो़मी।”