16 छो़म उनी दिदामडला दिदाम गुइ ल्वास्तिम बु।
हेङालोने माम्चु़नीका उनी त्वापडा बाट्पा खोत्ले ल्वा ख्रीष्टडा जु़ल्मु मुलु़ बोमु द्वाम्डी।
येशू ख्रीष्टडा बिइडिम थो़रलामका गुमीका गुइलाई माम्चु़नीकु दिदामगोडा रेसाड्डामिम बु। ओम्लो गुइ मेराम दिदामगोडा बुइ। गुइ माम्चु़नीकु यु़म-झ्वाक्सीगोडा दु़म्पा न बेत्तो गेर्सी द्वाकी।
खोत्ले थेसी-चक्सी नुङ नेप्चीका मिम्मु मेचापा ख्रीष्टकु रिखाम गानी थेसिथेट्नी, मा इनीमा खोत्ले बासी-दोसीडा माम्चु़नीका द्वाक्पा मु़चु़ दु़म्निनु़ र्वाक्साका सो़म्दी बेउ।
मा मण्डली ने ख्रीष्टकु रो़म, गुमीडा बाट्पा खोत्ले ल्वा थो़र लु़पामिमनुङ बु, मा गुमीका खोत्लेम थोक खोत्लेथो़ उनी त्वाकाङा थो़मी।
कोले मु़चु़का बु़डु़म छु़लका खोत्ले मु़चु़मिमडला सिमुलाम रेड्डु़म होम्साका ङा माम्चु़नी छो़म न-थो़मनुङमा दु़म्साका मु़चु़मिमलाई जो़पा न-गोकाम दु़म्बेट्मिडी। मेर्मिमका येशू ख्रीष्टलाम त्वारो़म ल्वामी।
उहेमलाई माम्चु़नीका थु़र्मिडी गुमीका माम्चु़नीकु सिजेम जेमी। हेङालोने माम्चु़नीका थो़म्मुङा मेझापा पेल गुमीलाई ग्वामी।
ङादो आथाममिम उनी मुलु़ होम्साका माम्चु़नी पापका गानीलाई उनी त्वाकु मु़चु़ दु़म्मु छेट्निमी। येशू ख्रीष्टकु सिसिका कोसाका सेपा दु़म्साका गुमीका र्वामिमिम गानी थो़नी र्वाक्साका गुमीका गानीलाई उनी पेलका उनीमा बनेबेन्नी। माम्चु़नीका गानीलाई दिदाम नुङ न-भ्रसी छो़म हापा ग्वानिमिनु़।
हेङालोने उहेमका माम्चु़नीकु किब्दीकु दुथाम थेसिथेन्मु न बु़, माम्चु़नीका गुलाई थेसिथेन्बेन्मी, मा उमा नेप्ची बर्बेन्सामी। लावो उहेमका थेसिथेन्मु न मेबु़, मेरामका कि-कि थेसिथेडु़मिम वो थेसिङा मेथेट्पा माम्चु़नीका दु़म्बेन्मी।
ख्रीष्टङा माम्चु़नीकु न नुङ नेप्ची थेसिथेन्बेट्पा बुमी। मे न नुङ नेप्ची ने थक्मा खाप्ची होप्माम बु।
आच्छाङा माम्चु़नीकु पेल गानीगोडा बुमी माला गानी त्वाकु मिरो़मगोडाम साखामडा मेएँ माम्चु़नी-पेलकु साखामगोडा दु़म्नी। कोङनिमनुङ ख्रीष्टकु पेल मिबु माला गु ख्रीष्टकाम दु़म्मु ङा मेचाप्सु़।
हेङालोने मेकोतिलोङा गो गानीलाई नेप्ची ग्वानिनी। इनी कोर्थो़लाम बक्पा मु़चु़मिमका मेराम ल्वाकाम सि ख्लोमु मेचाम्मी मा इनी कोर्थो़लाम जेमु मेचाम्मी।
लावो यूहन्नाका आरे र्वाक्साका गुमीलाई कु-रु़दु़म मेग्वामु माल्लु़, “गानी डे गोलाई कु-रु़दु़म ग्वामु बासिक्पा ने, गानी हेङा कु-रु़दु़म रप्डा आमाडा रोनिम?”
“गो ने गानीलाई इनी छु़लमिमलाम माम्चु़नीडा ख्लोसिबेट्पा कु-रु़दु़म ग्वानिनी, लावो गोडाम चङडा रोक्पा मु़चु़ ने गोडाम वो डोक्पु यु़मनुङमा बुमी। गो ने उनीमा डु़ल्चो़ दु़म्साका उनीमा सो़लो़प कुर्मु वो मेघ्रेटपा बुङु। गुमीका गानीलाई माम्चु़नी-पेल नुङ मुकाम रु़दु़म ग्वानिमी।
ख्रीष्टकु पेल मेर्मिमडला बाइडा मा ख्रीष्टका हेसाका दु़खा ल्वामी मेम्मा यु़म-झ्वाक्सी ल्वामी र्वाक्पा मेर्मिमलाई सो़त्तोङा लेट्मिडी। मेर्मिमका ओराम ल्वा हाम्सी दु़म मा हेसाका दु़म र्वाक्साका माल्मु चो़म्मिडी।
डु़म्ला रोक्ताम चङडा छु़ल बर्डा। छु़ल बर्तो लस्ता लोवो मेरामडाम हापा माम्चु़नीकु दिदाम बर्तो लस्ता।
