यूहन्‍ना 1:15 - थुलुङ राई

¹⁵ कु-रु़दु़म ग्‍वाक्‍पा यूहन्‍नाका उनीमा दुथाम सो़त्तो डोक्‍पु लो़लामका र्‍वाक्‍ता, “‘गोडाम चङडा रोक्‍तोङा बेपा मु़चु़ गोडाम डोक्‍पु बुमी, हेङालोने गुमी गोडाम ङादो आथामङा बाम्‍डी’ र्‍वाङडोम मेराम गुमीङा सो़।”

यूहन्‍ना 1:15 Referans Kwoze

मत्ती 3:11

“गो ने गानीलाई इनी छु़लमिमलाम माम्‍चु़नीडा ख्‍लोसिबेट्‌पा कु-रु़दु़म ग्‍वानिनी, लावो गोडाम चङडा रोक्‍पा मु़चु़ ने गोडाम वो डोक्‍पु यु़मनुङमा बुमी। गो ने उनीमा डु़ल्‍चो़ दु़म्‍साका उनीमा सो़लो़प कुर्मु वो मेघ्रेटपा बुङु। गुमीका गानीलाई माम्‍चु़नी-पेल नुङ मुकाम रु़दु़म ग्‍वानिमी।

कलस्‍सी 1:17

खोत्‍लेडाम ङादो गुमीङा बुमी, मा प्रङ्‌सिट्‌पा खोत्‍ले गुमीकाङा जेन्‍थाप्‍मिमिम बु।

यूहन्‍ना 17:5

पाआ, सु़म्‍दिमो ङादो गानीनुङ बाङ्‌डोलोम आमा यु़म-झ्‍वाक्‍सीका इनीमा ङादोडा यु़म झ्‍वाबेट्‌नी।

लूका 3:16

मेकोतिमा यूहन्‍नाका मेर्मिमलाई सि ख्‍लोक्‍साक्‍तो आरे बु़डु़मी, “गो गानीलाई कु-रु़दु़म ग्‍वानिनी। लावो गोडाम घ्‍ल्‍वापा कोले रोक्‍तोङा बोमी। उनीमा सो़लो़पकु साले फ्रोमु घ्रेट्‌पा वो गो ने मेबुङु। गुमीका गानीलाई माम्‍चु़नी-पेल नुङ मुकाम रु़दु़म ग्‍वानिमी।

यूहन्‍ना 8:58

येशूका मेर्मिमलाई र्‍वाम्‍डी, “आच्‍छाङा गो गानीलाई र्‍वाङु, अब्राहाम गमु ङादो आथामङा गो बुङु।”

रेम्‍बेट्‌मिडिम ल्‍वा 2:8

“स्‍मुर्ना मण्‍डलीडाम पाह्रीचो़लाई ओराम ल्‍वा र्‍याका: चो़म-द नुङ हुम-द, सिपामा बग्‍गेट्‌पा गुमीका आरे र्‍वामी।

हिब्रू 13:8

येशू ख्रीष्‍ट बास्‍ता, आनेप मा हेल्‍लो लोवो कोलेङा दु़म्‍मी।

यूहन्‍ना 1:27

गोडाम चङडा रोक्‍पा मु़चु़ गुमीङा सो़। उनीमा सो़लो़पकु साले फ्रोमु वो गो ने घ्रेटपा मेबुङु।”

मर्कूस 1:7

मेरामका आरे र्‍वाक्‍तोङा सीड्‌डु़मी, “गोडाम चङडा कोले यु़मनुङमा रोमी, मा गो ने कुम्‍सिमुमा उनी सो़लो़पकु साले फ्रोमु वो मेघ्रेन्‍ङी।

रेम्‍बेट्‌मिडिम ल्‍वा 1:11

मेराम लो़लामका आरे र्‍वाम्‍डी, “गाना इमा मिक्‍सीका हाम ल्‍वाना, मेराम कोले खाजेमडा र्‍याका मा ओर्मिम येतले मण्‍डलीमिमकाडा थु़रा: एफिसस, स्‍मुर्ना, पर्गामम, थिआटीरा, सार्डिस, फिलाडेल्‍फिया नुङ लाउडिकियाकाडा।”