यूहन्‍ना 1:12 - थुलुङ राई

¹² लावो गुमीलाई हुनाखाना बेपा, मा गुमीडला थो़र लु़पामिम खोत्‍लेलाई गुमीका माम्‍चु़नीकु चो़मिम दु़म्‍पा साखाम ग्‍वाम्‍डिमी।

यूहन्‍ना 1:12 Referans Kwoze

गलाती 3:26

थो़रलामका गानी खोत्‍ले येशू ख्रीष्‍टडा माम्‍चु़नीकु चो़-चु़सु़ दु़म्‍निम बु,

रोमी 8:14

मा माम्‍चु़नी-पेलका रेम्‍बोमिमिम लाम्‍दीडा लाम्‍दिपा मु़चु़मिम ङा माम्‍चु़नीकु चो़-चु़सु़मिम सो़।

१ यूहन्‍ना 3:1

रेप्‍नी, पाह्रीलाम इकीमा पापका गुइलाई हाङको छो़म रिखाम बेसामी, गुइलाई माम्‍चु़नीकु चो़मिम र्‍वामी, मा आच्‍छाङा गुइ उनीमा चो़च्‍चो़मिमङा सो़। सु़म्‍दिसेरडाम मु़चु़मिमका माम्‍चु़नी मेछेमिवा, मेम्‍मिमका गुइलाई मेछेसामी।

गलाती 4:6

गानी माम्‍चु़नीकु जाउमो तारापाचो़ दु़म्‍निमका गुमीका उनी त्‍वाकु तारापाचो़कु पेल इकीमा नगोडा थु़र्मिडी, मेराम पेलका माम्‍चु़नीलाई “ए अब्‍बा, ए पाप” र्‍वाक्‍साका र्‍वामी।

यूहन्‍ना 3:18

उहेम मु़चु़का गुमीडला थो़र बु़, मेराम मु़चु़ मुमा बेन्‍ला मेसो़सी। लावो उहेम मु़चु़का थो़र मेबु़, मेराम मु़चु़ ने ङादोङा मुमा बेन्‍ला सो़सिड्‌डाम बु, हेङालोने मेरामका माम्‍चु़नीकु कोलेङा तारापाचो़कु नङडा थो़र मेबु़वाम बु।

कलस्‍सी 2:6

मेम्‍मिमका ख्रीष्‍ट येशूलाई ङाचो़ र्‍वाक्‍साका रन्‍निम होङङा गुमीडा दोनिम बानी।

मत्ती 10:40

“उहेमका गानीलाई रनी, मेरामका गोलाई रङी। मेम्‍मा उहेमका गोलाई रङी, मेरामका गोलाई थु़र्पा पापलाई रङु़।

यूहन्‍ना 20:31

येशूङा माम्‍चु़नीकु तारापाचो़ ख्रीष्‍ट, मा थो़र बेसाका उनीमा नङडा गानी त्‍वारो़म ल्‍वामु चाम्‍निनु़ र्‍वाक्‍साका ओर्मिम ल्‍वा र्‍यास्‍ताम।

२ पत्रुस 1:4

मेलामका छो़म डोक्‍पु नुङ हापा थिकाम उनी याचेजेसीमिम गुइलाई ग्‍वाक्‍साड्‌डामिम बु। मेम्‍मा मेरामलामका गानी माम्‍चु़नी हेप्‍माम बुमी मेप्‍मामङा दु़म्‍नी मा मेजो़पा नका बेबेद्‌वाक्‍पा सु़म्‍दिसेरडाम मेजो़पा बेसीलामका प्लु़सिमु चाम्‍नी।

मत्ती 12:21

खोत्‍ले सामा मु़चु़का उमा नङडा सेल्‍सिमु लम्‍थाप्‍मी।”

१ यूहन्‍ना 3:23

गुमीका गुइलाई बेबेसाड्‌डामिम ल्‍वा ओरामङा सो़: उनीमा तारापाचो़ येशू ख्रीष्‍टडा गुइ थो़र लु़मु बासी, मा गुमीका बेबेसाड्‌डामिम होङङा कोलेका कोलेलाई रिखाम बोमु बासी।

थु़र्मा 3:16

उनी नङडा बु़डु़म थो़रका नुङ उनी नङका ङा गानी ल्‍वान्‍निम नुङ चनिम ओराम मु़चु़लाई सो ग्‍वाक्‍तु़म बु। येशूडा बु़डु़म थो़रका ओराम मु़चु़लाई गानी खोत्‍लेकु ङादोडा जो़होमका सबेड्‌डु़म बु।

यूहन्‍ना 11:52

नेब्‍दीकाम लागि कोङङा मेएँ, खोत्‍लेथो़ फोन्‍सिक्‍साका बाट्‌पा माम्‍चु़नीकु चो़मिमलाई कोदेप बोमु लागि र्‍वाक्‍मा बाइडा।

यूहन्‍ना 1:7

खोत्‍लेका मेराम ल्‍वा थो़साका थो़रलु़मिनु़ र्‍वाक्‍साका ओलकु दुथाम मु़चु़मिमनुङ सो़प्‍डा गु रोक्‍ता।

मत्ती 18:5

उहेमका आमा लागि आरेप्‍माम चो़च्‍चो़लाई हुनाखाना बु़, मेरामका गोलाई हुनाखाना बोङि।

यूहन्‍ना 2:23

सेल्‍सिक्‍पानेमकु चाडकाम थारीका गुमी यरूशलेमडा बाम्‍डी। मेकोतिलो गुमीका बेम्‍डिम हेल्‍लो वो मेल्‍वाम्‍मा खारीमिम ल्‍वाम्‍डिमका हापा मु़चु़मिमका गुमीडला थो़र लु़म्‍डी।

यूहन्‍ना 1:11

गुमी उनी त्‍वाकु मु़चु़मिमकाडा योम्‍डी, लावो उनी मु़चु़मिमका गुमीलाई हुनाखाना मेबेमिवा।

रोमी 8:16

मेराम ने गुइ माम्‍चु़नीकु चो़-चु़सु़ र्‍वाक्‍साका माम्‍चु़नी-पेलका इकीमा पेलनुङ सो़म्‍डिम सो़।

रोमी 8:19

सु़म्‍दिसेरडा प्रङ्‌सिट्‍पा खोत्‍लेम थोकका माम्‍चु़नीकु तारापाचो़मिम रेम्‍बेसिक्‍पा थारी नगोडा छो़म लन्‍थामी।

१ यूहन्‍ना 3:2

द्‌वादीबुङ ङोप्‍सो़नी, ओम्‍लो गुइ माम्‍चु़नीकु चो़च्‍चो़मिम बुइ, मा दिफु गुइ हाम दु़म्‍सी मेराम मेच। लावो गुइ ओराम च, ख्रीष्‍ट आथावो योमिलो गुइ गुमी होप्‍मामङा दु़म्‍सी हेङालोने गुमी हेप्‍माम बुमी मेप्‍मामङा गुमीलाई ल्‍वासी।

१ यूहन्‍ना 3:10

ओलामकाङा माम्‍चु़नीकु चो़मिम सु़ मा शैतानकु चो़मिम सु़ र्‍वाक्‍पा छेडी: उहेम मु़चु़का हाम जो़पा बु मेराम मेबु़, मेराम मु़चु़ माम्‍चु़नीकु चो़ मेएँ, मा उमा वा-ल्‍वाकलाई रिखाम मेबेपा मु़चु़ वो माम्‍चु़नीकु चो़ मेएँ।