यूहन्‍ना 1:10 - थुलुङ राई

¹⁰ गुमी सु़म्‍दिसेरडा बाम्‍डी, मा माम्‍चु़नीका गुमीलामकाङा सु़म्‍दिसेर प्रङ्‌मिडी, लावो सु़म्‍दिसेरका गुमीलाई मेछेडु़वा।

यूहन्‍ना 1:10 Referans Kwoze

यूहन्‍ना 17:25

“जो़पा खारी बेपा पाप, सु़म्‍दिसेरडाम मु़चु़मिमका गानीलाई मेछेनी, लावो गो गानीलाई छेनिनी। मेम्‍मा गानी गोलाई थु़र्ङिडिनिम र्‍वाक्‍पा मेर्मिमका चमी।

१ यूहन्‍ना 3:1

रेप्‍नी, पाह्रीलाम इकीमा पापका गुइलाई हाङको छो़म रिखाम बेसामी, गुइलाई माम्‍चु़नीकु चो़मिम र्‍वामी, मा आच्‍छाङा गुइ उनीमा चो़च्‍चो़मिमङा सो़। सु़म्‍दिसेरडाम मु़चु़मिमका माम्‍चु़नी मेछेमिवा, मेम्‍मिमका गुइलाई मेछेसामी।

१ कोरिन्थी 2:8

ओराम सु़म्‍दिसेरडाम साखामचो़मिम सु़का वो ओराम ल्‍वा थेसिमेथेट्‌मिवा। मेर्मिमका थेसिथेट्‌मिवाम माला यु़म-झ्‍वासिक्‍पा ङाचो़लाई क्रूसडा मेचेट्‌मिवा।

१ कोरिन्थी 1:21

सु़म्‍दिसेरडाम मु़चु़मिमका उनी त्‍वाकु नेप्‍चीका माम्‍चु़नीलाई छेमु मेचाप्‍मिवा। मेम्‍मिमका माम्‍चु़नीकु नेप्‍ची होम्‍साका गुकु थो़बेत्तोकोम जो़पा-सेला नेप्‍ची मान्‍थिम होप्‍मामलामका थो़र लु़पामिमलाई सेल्‍मु माम्‍चु़नीका जो़पा लु़म्‍डी।

मत्ती 11:27

“आमा पापका खोत्‍ले ल्‍वा आमा ल्‍वाड्‌डा ग्‍वाङ्‌डिमिम बु। पापका कोङङा तारापाचो़लाई छेमी। तारापाचो़का कोङङा पापलाई छेडु़, मा तारापाचो़का सु़-सु़नुङ पापलाई छेबेपा न बु़, मेर्मिमका वो पापलाई छेमी।

हिब्रू 11:3

माम्‍चु़नीका जेम्‍डिमका खोत्‍ले सु़म्‍दिसेर प्रङ्‌सिड्‌डा, मेम्‍साका मिक्‍सीका ल्‍वासिक्‍पा हाम बु मेराम मिक्‍सीका मेल्‍वासीमिमलामका प्रङ्‌सिड्‌डाम बु र्‍वाक्‍साका गुइ थो़रलामकाङा थेसिथेडी।

यूहन्‍ना 1:18

सु़का वो माम्‍चु़नीलाई हेल्‍लो वो ल्‍वास्‍तु़म मिबु। पापनुङ बाट्‌पा माम्‍चु़नी होप्‍मामङा तारापाचो़का माम्‍चु़नीलाई रेम्‍बेसाड्‌डामिम बु।

यूहन्‍ना 1:5

मेराम ओल तुकुम्‍चिमडला झ्‍वा, मा तुकुम्‍चिमका मेरामलाई घ्‍ल्‍वामु मेचाप्‍सु़।

थु़र्मा 14:17

लावो माम्‍चु़नीका उनी न-थो़म मेर्मिमडला रेम्‍बेसाका गुमी बाम्‍डी र्‍वाक्‍पा ल्‍वा रेम्‍बेम्‍डी। गुमीका धामुलामका व थु़र्मिडिमा खोत्‍ले मा-के थारी-थारीका सिन्‍बेट्‌मिडी, मा हापा छो़म पोमु-डुमु ग्‍वाक्‍साका मु़चु़मिमकु न-गो गेर्सिबेट्‌मिडिम बु।”

यूहन्‍ना 5:17

येशूका मेर्मिमलाई आरे र्‍वाम्‍डी, “आमा पापका ओम्‍लोसम्‍म खारी बोमिम बुमी, मा गो वो खारी बेत्तोङा लेट्‌पु।”

यूहन्‍ना 1:3

माम्‍चु़नीका गुमीलामका खोत्‍ले प्रङ्‌मिडी, मा गुमी मान्‍थि कोले वो मेप्रङ्‌सिप्‍मिवा।

यूहन्‍ना 1:11

गुमी उनी त्‍वाकु मु़चु़मिमकाडा योम्‍डी, लावो उनी मु़चु़मिमका गुमीलाई हुनाखाना मेबेमिवा।

१ कोरिन्थी 8:6

लोवो इकीमा लागि ने कोलेङा माम्‍चु़नी पाप बुमी। गुमीका खोत्‍ले प्रङ्‌मिडी, उनीमा लागि गुइ बुइमिम। इकीमा लागि कोलेङा ङाचो़, येशू ख्रीष्‍ट सो़, गुमीलामकाङा माम्‍चु़नीका खोत्‍ले प्रङ्‌मिडी, मा गुमीलामकाङा गुइ बुइमिम।

कलस्‍सी 1:16

हेङालोने पाह्रीला मा सुबुडा बाट्‌पामिम, मिक्‍सीका ल्‍वासिमिम, मेल्‍वासिमिम, साखाम थो़पा गन्‍खोपमिम दु़म्‍नु़का यु़ममिम, साखामचो़मिम दु़म्‍नु़का डोक्‍पुमिम, खोत्‍लेलाई माम्‍चु़नीका ख्रीष्‍टलामका प्रङ्‌मिडी। माम्‍चु़नीका खोत्‍ले ख्रीष्‍टलामका मा ख्रीष्‍टकाम लागि प्रङ्‌मिडी।