याकूब 5:7 - थुलुङ राई

⁷ मेम्‍मिमका वा-ल्‍वाकनी, ङाचो़ येशू मेयोक्‍थु़मसम्‍म इम्‍सिक्‍साका बानी। रेप्‍नी, हेसाका मा-के सिन्‍बेट्‌पा खारीचो़का वो उमा येडाम हापा नु़पा मा-के ल्‍वामु लागि मा-के ख्‍लिमु ङादो नुङ मेराम मा-केकु बुङदो ङादो व योक्‍पा थारी उ पाउ मेसोसाका छो़म लथाडु़।

याकूब 5:7 Referans Kwoze

गलाती 6:9

जो़पा खारी बोमुडा हेल्‍लो वो मेघ्रु़म्‍सी। हेङालोने गुइ जो़पा खारी बिइहोम बुइ माला रोक्‍पा थारीका माम्‍चु़नीका जि ग्‍वाक्‍सामी।

कलस्‍सी 1:11

माम्चु़नीका गानी आनो मेनो मेदु़म्साका इम्सिक्‍साका बाट्‌पा दु़म्मु लागि उनीमा डोक्‍पु यु़मका गानीलाई सोनुङमा दु़म्‍बेनिमिनु़।

हिब्रू 6:15

अब्राहामका इम्‍सिसाका लथाड्‌डु़। मेम्‍मा माम्‍चु़नीका याचे जेम्‍डिम जि ल्‍वास्‍तु़।

रोमी 2:7

याक्‍के दु़म्‍साका जो़पा खारी बेपाम्‍बाट्‍पा, माम्‍चु़नीकु यु़म-झ्‍वाक्‍सी, जो़पा दु़म्‍सी नुङ हेल्‍लो वो मेसिपा त्‍वारो़म माल्‍मी। मेर्मिमलाई माम्‍चु़नीका हेल्‍लो वो मेसिपा त्‍वारो़म ग्‍वामी।

गलाती 5:5

लावो गुइ थो़रलाम माम्‍चु़नीकु ङादोडा जो़पा न-गोकाम दु़म्‍सिनु़ र्‍वाक्‍साका इकी न-गोडा लन्‍थामु चापा ने माम्‍चु़नी-पेलका दु़म्‍बेसामी।

१ थेसलोनिकी 2:19

इकी ङाचो़ येशू योमिलो उनी ङादोडा हाम-हुम ल्‍वापा आकी न लोवो, आकी न-भ्रसी लोवो, आकी पुरस्‍कार लोवो, गानीङा मेएँ मा?

मत्ती 24:44

मेम्‍मिमका गानी झो़म्‍सिट्‌निम बानी, हेङालोने गानी इनी नड्‌डा मेमिम्‍निमिम थारीका मिनीचो़ यो।

१ थेसलोनिकी 3:13

माम्‍चु़नीका गानीलाई छो़म थो़रनुङमा दु़म्‍बेनिमिनु़, मेम्‍साका इकी ङाचो़ येशू खोत्‍ले सेपा उनी मु़चु़मिमनुङ योमिलो माम्‍चु़नी पापकु ङादोडा गानी मेख्‍लो़ट्‌पा नुङ सेपा दु़म्‍नी।

मत्ती 24:27

हेङालोने पूर्वनो ब्‍ल्‍याक्‍ची ओप्‍डु़लो पश्‍चिमनोसम्‍म वो दो़मिम होम्‍साका मिनीचो़ योमिमनेम दु़म।

रोमी 15:4

ङादो र्‍याक्‍मा सिजेमडाम ल्‍वा इकीमा सीसिकाम लागि र्‍वाक्‍साका र्‍याक्‍मा बाइडा। मेराम सिजेमका गुइलाई इम्‍मु चापा दु़म्‍बेसाका माम्‍चु़नीका याचे जेम्‍डिम ल्‍वा रोथिनु़ र्‍वाक्‍पा न, नुङ सो हन्‍पा दु़म्‍बेसा।

२ पत्रुस 3:4

मेर्मिमका र्‍वामी, “येशू आथावो योङु र्‍वाक्‍साका याचे जेम्‍डिम हे दु़स्‍ता? सु़म्‍दिसेर प्रङ्‌स्‍तामा सु़म्‍दिमो आथाम इकी ङाउ-खुउ बाम्‍डिमकु ङादोम थारी आथाम खोत्‍ले ल्‍वा मेङा बुहोम बु।”

१ थेसलोनिकी 1:3

थो़रका बेबेट्‌निम इनीमा खारी, रिखामका बेबेट्‌निम ब्राम्‍दु़ल्‍वा नुङ इकीमा ङाचो़ येशू ख्रीष्‍टडाम हाम हुम ल्‍वापा नका बेबेट्‌निम इनीमा इम्‍सी माम्‍चु़नी पापनुङ सो़म्‍दी बोकुलो मिम्‍कुम बुकु।

१ कोरिन्थी 1:7

मेम्‍मिमका इकी ङाचो़ येशू ख्रीष्‍ट आथावो योमी र्‍वाक्‍साका गानी छो़म लन्‍थानिलो माम्‍चु़नीका ग्‍वाक्‍निमिम राप्‍लावाका मेलिट्‌पा मेबुनी।

लूका 21:27

मेराम थारीका मिनीचो़ यु़म नुङ यु़म-झ्‍वाक्‍सीडा खासेडला योक्‍तोङा बेपा मेर्मिमका ल्‍वामी।

लूका 18:8

गो गानीलाई र्‍वाङु, गुमीका दालाङा मेर्मिमकु निया बोमी। लावो मिनीचो़ सुबुडा योलो हाङको मु़चु़का गुडला थो़रलु़पा डारु़मी मा?”

लूका 8:15

लावो जो़पा क्‍वाडला झुक्‍पा भ्रल ने मेर्मिम ङा सो़, उहेमका सिजेम थो़मिमा नड्‍डा जु़ल्‍थामी, मा मेराम होम्‍साका दोमी। मेम्‍मा इम्‍साका लन्‍थामिमा हापा मा सिन्‍बेन्‍मी।

मत्ती 16:27

हेङालोने मिनीचो़ उ त्‍वाकु पापका ग्‍वामिमिम यु़म-झ्‍वाक्‍सीडा उ पाह्रीचो़मिमनुङ यो। मेराम थारीका गुका खोत्‍ले मु़चु़मिमलाई मेर्मिमका बेम्‍डिम खारी होम्‍साका पुरस्‍कार लोवो देन्‍दे लोवो ग्‍वाकु़मी।

मत्ती 16:28

आच्‍छाङा गो गानीलाई र्‍वाङु, आसिन्‍डा येम्‍तासिक्‍पामिमगोडाम कोङ-कोङका मिनीचो़लाई हपकु साखाम थो़ड्‌डा योक्‍तोङा बेपा मेल्‍वाथु़मसम्‍म उनी साम मेल।”

यूहन्‍ना 21:22

येशूका पत्रुसलाई र्‍वाम्‍डी, “गो मेख्‍लोसिक्‍थु़मसम्‍म गु सामनुङमा बुनु़म बुनु़ र्‍वाक्‍पा आमा न बु, गानालाई हाम दु़स्‍ता? आमा चङचङ लाम्‍दिया।”

यूहन्‍ना 21:23

मेम्‍मिमका मेराम सीसिपा मेसि र्‍वाक्‍पा ल्‍वा सीसिपामिमगोडा फोन्‍सिड्‌डा। लावो गु मेसि र्‍वाक्‍साका येशूका र्‍वाम्‍डिम मेबायावा। गुमीका ने आरे र्‍वाम्‍डिम बाइडा, “गो मेख्‍लोसिक्‍थु़मसम्‍म गु सामनुङमा बुनु़म बुनु़ र्‍वाक्‍पा आमा न बु गानालाई हाम दु़स्‍ता?”

याकूब 4:11

वा-ल्‍वाकनी, वाङमिमकु दुथाम कोर्थो़लाम मेजो़पा मेजेनी। उहेमका उमा ल्‍वाककु कोर्थो़लाम मेजो़पा जेसाका मुमा बेडु़, मेराम माम्‍चु़नीकाम डु़म्‍लाकु कोर्थो़लाम जेमिम दु़म, मा मेरामका डु़म्‍ला मुमा बेडु़। गानी डु़म्‍ला मुमा बेनी माला ने गानी डु़म्‍ला होम्‍साका दोपा मु़चु़ मेदु़म्‍नी, डु़म्‍लाकु निया बेपा रे दु़म्‍नी सो़।

याकूब 5:3

इनीमा सो़ना, मतोमिम घ्‍लो़स्‍तामा पारिमिम दु़स्‍ताम बु। मेरामङा गानी रारी बेन्‍निमकु दुथाम मेजो़पा सो़पा दु़म, मा मुका होम्‍साका इनीमा मिरो़म मेरामका पु़। हुक्‍पाथारीका गानी इनीमा खाप्‍ची फुट्‌निम बु।

याकूब 5:10

वा-ल्‍वाकनी, माम्‍चु़नीकु सिजेम थो़बेट्‌पा माम्‍चु़नीलाम-जेपा मु़चु़मिमलाई मिम्‍नी, मा मेर्मिमका दु़खा इम्‍साका बाम्‍डिम होम्‍साकाङा गानी वो बानी।