याकूब 5:6 - थुलुङ राई

⁶ इनीमा कोर्थो़लाम मेबक्‍पा जो़पा मु़चु़लाई गानी मुमा बेट्‌नीमा सेट्‌निम बु।

याकूब 5:6 Referans Kwoze

याकूब 4:2

गानी हाम-हुम ल्‍वापा न बोनी, लावो मेल्‍वानी। गानी रारी बोनी मा मु़चु़ सेनी, लावो मेराम मेल्‍वानी। गानी रिबुसी किनी मा क्‍वाल्‍बा बोनी, लावो गानी न बोनिमिम होप्‍माम ल्‍वा गानीनुङ मेदु़म, हेङालोने गानी माम्‍चु़नीनुङ मेबिनी।

थु़र्मा 8:32

मेरामका डात्तोङा लेड्‌डु़म माम्‍चु़नीकु सिजेम ओराम बाइडा, “गुमी फल्‍डा लक्‍मा भेन्‍दाकु चो़ होप्‍मामङा बाम्‍डी, उ बोलुङ खुरिलो लिबा बाट्‌पा भेन्‍दा होप्‍माङा गुमी को सि वो मेजेमिवा।

मत्ती 5:39

लावो गो गानीलाई र्‍वाङु, गानीलाई मेजो़पा बेपा मु़चु़डला छोक्‍चो मेहाट्‌नी। कोङनिमका इनी जो़पलाममिम फोसु़डा याल्‍नी माला कोङमीलाममिम फोसु़डा वो देन्‍साट्‌नी।

हिब्रू 10:38

लावो आमा मिक्‍सीलामडा जो़पा दु़म्‍पा मु़चु़ ने थो़र बु़डु़मका मेसि, मा चङथो़ स्‍वा माला ने गो मेरामडाम मेगेर्सिङु।”

थु़र्मा 22:14

“मेकोतिमा गुका र्‍वाक्‍ता, ‘इकीमा ङाउ-खुउमिमकु माम्‍चु़नीका गाना उनीमा न थेसिथेन्‍मु मा माम्‍चु़नीकु न-गोनुङमा येशूलाई ल्‍वामु मा गुमीका जेमिमिम थो़मु गानालाई थुट्‌नामिम बु।

याकूब 2:6

लावो गानी उ हाम वो मेबाट्‌पामिमलाई मेजो़पा बेन्‍निम बु। हाम खाप्‍चीचो़मिमका गानीलाई छेम-छेम मेडनिमि मा? मेर्मिमका गानीलाई रो़-रो़न्‍थु़त्तो अदालतडा मेलनिवा मा?

थु़र्मा 7:52

इनीमा ङाउ-खुउमिमका दु़खा मेग्‍वाक्‍मिवाम माम्‍चु़नीलाम-जेपा सु़ बुमी मा? माम्‍चु़नीकु नङका साट्‌मा मेराम उनी डु़ल्‍चो़ रोक्‍तोङा बोमी र्‍वाक्‍साका सेला थो़बेट्‌पा माम्‍चु़नीलाम-जेपामिमलाई वो मेर्मिमका सेट्‌मिडी। गानी ने माम्‍चु़नीकु डु़ल्‍चो़कु कोर्थो़लाम बक्‍निमा सेट्‌नी।

मत्ती 27:20

लावो ङाउ डु़म्‍लाचो़मिम नुङ ङाउमिमका बारब्‍बालाई डिन्‍सोमु, मा येशूलाई सेन्‍मु बासी र्‍वाक्‍नी बेसाका सेर्पा मु़चु़लाई लेम्‍मिडी।

मत्ती 21:38

“लावो बोम्‍था बेपा मु़चु़मिमका मे उमा तारापाचो़ बिक्‍तोङा बेपा ल्‍वाम्‍डिमा उनी त्‍वाप-त्‍वापडा आरे र्‍वाबेम्‍डी, ‘ये-द डार्पा मु़चु़ होनोङङा। रोक्‍नी, मेरामलाई सेडी, मा मेरामका डार्पा ये-द इकीमा ल्‍वाड्‌डा बिइ।’

१ पत्रुस 4:18

मेम्‍मा, “माम्‍चु़नीकु नहोङङा खारी बेपामिम ने मेझामहोमका सेल्‍सिमी माला माम्‍चु़नीकु लाम्‍दीडा मेलाम्दिपामिम नुङ छु़लचो़मिम ने हे दु़म्‍मी?”