याकूब 5:5 - थुलुङ राई

⁵ सुबुडा गानी खाप्‍चीका लिट्‌पा बान्‍नी, मा इनीमा नका पु़डु़म ल्‍वामिमका गानी गेर्सिट्‌निम बु। गानी फल्‍मु लागि सो़ नु़बेन्‍सिट्‌निम हादीबारा होप्‍माम दु़म्‍निम बु।

याकूब 5:5 Referans Kwoze

१ तिमोथी 5:6

लावो उमा नसीहोम बोम्‍बाल्‍मु लागि बु माला गु नु़सीङा सिडाम कोतिमङा दु़म।

लूका 16:25

“लावो अब्राहामका र्‍वाक्‍ता, ‘ए योयो, गाना मिम्‍डा, गाना सुबुडा बान्‍नालो जो़पा-जो़पा फन्‍सिट्‌ना, पेन्‍ना-डुन्‍ना, मा एलेङगी बेन्‍ना। लाजरसका ने छो़म दु़खा ल्‍वास्‍तु़म बाइडा। मेम्‍मिमका ओम्‍लो गुलाई आसिन्‍डा दु़खा मिबु, मा गाना ने दु़खा इम्‍तोङा लेना।

लूका 16:19

“कोले खाप्‍चीचो़ बाइडा। मेरामका हापा थिकाम बैजनी रङकाम हुम-ये नुङ ये-सेम फस्‍थाल्‍ला, मा पेत्तो-डुत्तो एलेङगी बेत्तो हेल्‍लो लोवो बाइथाल्‍ला।

रेम्‍बेट्‌मिडिम ल्‍वा 18:7

मेराम शहरका हाङको डोक्‍पु लिसिड्‌डा मा एलेङगी बु़डु़ मेकोतिङा दु़खा ग्‍वाक्‍नी, मेभ्रसी बेट्‌नी। मेरामका उमा नडा आरे र्‍वाक्‍साका डोक्‍पु लिसी, ‘गो हपमे होङङा गन्‍तासिङु, गो अर्दोमे मेएँ, मा गो हेल्‍लो वो मेख्राम्‍ङु-मेदुङु।’

यहूदा 1:12

ङाचो़कु रिखाम मिम्‍साका पोनिमिम इनी सामाघ्रो़म्‍सीकु ग्रुला मेर्मिम मु़चु़नुङ पोनिलो मेर्मिम ने कुबी-बोक्‍सा फ्रु़प्‍सेसी बोमु चापा इनीमा लागि ङिमलु़पा दिपलुङ होप्‍माम सो़। मेर्मिम ने त्‍वापथो़ कोङङा नसोक्‍पा क्रो़म मान्‍थिम रेपा-क्रिपा होप्‍माम सो़। मेर्मिम बाय ड-ड हुट्‌पा व मेयोक्‍पा खासे होप्‍माम सो़। मेर्मिम नखेप सिपा छेस्ता-काक्‍ता बिलिम धक्‍सा होप्‍माम सो़, मेर्मिम धक्‍साका मा सिन्‍मेबेन्‍मी, मा उ सक्‍फारयु़मङा बुल्‍मा दु़म।

२ पत्रुस 2:13

मेर्मिमका मेजो़पा बेम्‍डिमका मेजो़पा बेला सो़म्‍सिमी। मेर्मिमका नेम्‍फुङा मेजो़पा खारी बेसाका गेर्सिमु द्‌वामी। मेर्मिम ने घ्राम्‍लु़पा नुङ मेजो़पामिम सो़, गानीनुङ ग्रुला पेप्‍डा गन्‍मिलो छो़म पोमी-डुमिमा गेर्सिप्‍मी।

२ तिमोथी 3:4

ङादो जेम्‍मा होम्‍साका मेबेपा, मेमिम्‍साकाङा खारी बेपा, डोक्‍पु लिसिक्‍पा, माम्‍चु़नीलाई रिखाम मेबेसाका त्‍वाकु नसीहोम बेपा,

रोमी 13:13

मेम्‍मिमका ओलडा बोमु घ्रेट्‍पा बेसाका खारी बिइ, एलेङगी बेपा, डु़सेवा, मेजो़पा न-गोका दोपा, नाम्‍सु़रु़, क्‍वाल्‍बा, नाचु़र बेसी मेनु़।