याकूब 5:19 - थुलुङ राई

¹⁹ आमा वा-ल्‍वाकनी, गानीगोडाम कोङनिम मु़चु़ माम्‍चु़नीकु आच्‍छाङाकाम सिजेम डिसाका कोर्थो़ ललो मेरामलाई कोङनिमका माम्‍चु़नीडा ख्‍लोकु़ माला,

याकूब 5:19 Referans Kwoze

गलाती 6:1

वा-ल्‍वाकनी, गानीगोडाम कोङनिम मु़चु़ माम्‍चु़नीकु लाम्‍दीडा मेलाम्‍दियावाम डार्नी माला गानी माम्‍चु़नी-पेललाम नु़पा दु़म्‍पामिमका याक्‍के दु़म्‍साका मेरामलाई उनीमा लाम्‍दीथो़ ख्‍लोक्‍नी। इनी त्‍वाप चङचङया बानी वो, मेएँ माला ने गानी वो इनी न छाम्‍ला सो़सिसाका मेजो़पा खारी बोनी।

मत्ती 18:15

“थो़रलु़पा इमा वा-ल्‍वाकका इमा कोर्थो़लाम छु़ल बु़डु़ माला लक्‍सामा गाची कोङङा बुचिलो गुका ख्‍लो़ड्‌डु़म ल्‍वा गुनुङ सो़या। गाना र्‍वाक्‍नाम ल्‍वा मेरामका थो़स्‍तु़ माला मेरामलाई थो़रलु़पा वा-ल्‍वाक दु़म्‍बेन्‍मु चाम्‍ना।

याकूब 5:20

ओराम चनी: उहेमका कोले छु़लचो़लाई मेजो़पा लाम्‍दीलामका ख्‍लोकु़मा रेडु़, मेरामका मे छु़लचो़लाई सिमुलामका सेलु़, मा गुका मेरामकु हापा छु़लमिम माम्‍चु़नीलाम हेम्‍बेसाडु़।

लूका 22:32

लावो गाना गोडला थो़रलु़मुम बुमु मेडिडा र्‍वाक्‍साका गो इमा लागि सो़म्‍दी बेउतोम बु। गाना आमाडा रोकामा गानानुङ लाम्‍दिपा सीसिपामिमका गोडला थो़रलु़मु लागि उनी सो हन्‍बेसाडामी।”

२ पत्रुस 3:17

मेम्‍मिमका द्‌वादीबुङ ङोप्‍सो़नी, ङादोङा ओराम ल्‍वा चक्‍निम लोवो चङचङया बानी। मेम्‍साका गानी डु़म्‍ला होम्‍साका मेदोपा मु़चु़मिमकु उनी ख्‍लो़सीका ताङताहेरथो़ मेलनिमा इनी येम्‍सिखोपलाम मेवाम्‍नी।

१ तिमोथी 6:10

हेङालोने खउलुङ द्‌वामसिमुङा खोत्‍ले मेजो़पा ल्‍वामिमकु सक्‍फार सो़। खउलुङकु रारी बेसाका कोङ-कोङ मु़चु़मिम थो़र लु़मु डिसाका मेजो़पा लाम्‍दीथो़ लम्‍डिम बु, मा दु़खा ल्‍वामिमका मेर्मिमकु थो़मबोक छो़म ख्‍वाक्‍थाडु़मिम बु।

१ तिमोथी 6:21

आरेप्‍माम लिमा ल्‍वाडा थो़र लु़साका याङका उनी थो़र वो दाम्‍सोम्‍डिम बु। माम्‍चु़नीकु दिदाम गानानुङ दु़म्‍नु़।

यहूदा 1:11

मेर्मिम ने हाउरेमा! हेङालोने मेर्मिमका कयिनकु लाम्‍दी ख्‍लम्‍डी, खउलुङकाम लागि बालामका बु़डु़म होङङा मेर्मिमका मेजो़पा खारी बेम्‍डी। कोरहकु रिबुसी किसि होङङा मेर्मिम पुयु़लुमी।

याकूब 3:14

इनीमा न-गोडा नाचु़र नुङ त्‍वाप नु़पा ल्‍वा कोङङा बु माला गानी नेप्‍चीनुङमा र्‍वाक्‍साका डोक्‍पु मेलिन्‍सिट्‌नी। आच्‍छाङाकाम ल्‍वा थक्‍साका लिमा थेट्‌पा गानी दु़म्‍नी।

२ तिमोथी 2:18

ओर्चिप आच्‍छाङाकाम ल्‍वालामका कोर्थो़ लक्‍चिम बु। सिमुलामका बग्‍गेट्‌पा थारी ङादोङा दु़म्‍मु दु़म्‍स्‍तु़ मा आथा ने मेदु़म र्‍वाक्‍साका ओर्चिपका हाङको मु़चु़मिमकु थो़र पुयु़लुक्‍साट्‌चिमिम बु।

हिब्रू 5:2

मेचक्‍साका मेजो़पा खारी बेपा नुङ लाम्‍दी ख्‍लो़ट्‌पामिमनुङ गु याक्‍के दु़म्‍साका दो बु। हेङालोने उ त्‍वाप वो छु़ल बोमु चापा मु़चु़ सो़।

याकूब 1:16

द्‌वादीबुङ वा-ल्‍वाकनी, इनीमा नड्‍डा मेजो़पा मिम्‍साका मेख्‍लो़ट्‌नी।

याकूब 1:19

आमा द्‌वादीबुङ वा-ल्‍वाकनी, ओराम ल्‍वा थेट्‌नी: खोत्‍ले मु़चु़ दाला थो़पा, वाखा जेपा, मा छोक्‍चो इम्‍सिक्‍पा दु़म्‍मु बासी।