याकूब 5:17 - थुलुङ राई

¹⁷ एलिया वो गुइ होप्‍मामङा मु़चु़ बाइडा। व मेयोनु़ र्‍वाक्‍साका गुका छो़म सो़म्‍दी बु़डु़म बाइडा, मा सु थ रु मुनामसम्‍म इस्राएलडा व मेयोकावा।

याकूब 5:17 Referans Kwoze

लूका 4:25

गो र्‍वाङुमिम आच्‍छाङा सो़, एलिया बाइडाम थारीका सु थ रु मुनाम व मेयोकावा, मा खोत्‍ले नेब्‍दीडा मा-के हुक्‍ताम बाइडा। मेकोतिलो इस्राएलडा दु़खा ल्‍वापा अर्दोमे हापा ङा बाम्‍डी।

रेम्‍बेट्‌मिडिम ल्‍वा 11:6

ओर्चिप मु़चु़नुङ धामु ड्‌याक्‍पा यु़म बु, मेम्‍साका ओर्चिपका माम्‍चु़नीलाम जेचिमिम थारीसम्‍म व मेयो। मेम्‍मा ओर्चिपका न बोचिमिम थारीका कु सिसि दु़म्‍बेन्‍मु नुङ सुबुडा मु़चु़लाई सेट्‌पा खोत्‍ले खालकाम दु़खा रेट्‍पा यु़म ओर्चिपनुङ बु।

थु़र्मा 14:15

“वा-ल्‍वाकनी, गानी हेङा आरेप्‍माम खारी बोनिमिम? गुचुकु वो गानी होप्‍माम मु़चु़ ङा सो़। हाम ना हामकु ल्‍वामिमलामका आच्‍छाङाकाम माम्‍चु़नीडा ख्‍लोमु जो़पा-सेला गानीनुङ सो़प्‍डा गुचुकु रोक्‍चोकोम सो़। सुबु, धामु, दिरिदिन नुङ मेगोडा बाट्‌पामिम खोत्‍ले गुमीका ङा प्रङ्‌मिडी।

थु़र्मा 10:26

लावो पत्रुसका गुलाई फक्‍तो र्‍वाक्‍ता, “बक्‍नी, गो वो गानी होप्‍माम मु़चु़ ङा सो़।”

रोमी 11:2

माम्‍चु़नीका ङादो आथामङा छेट्‌मिडिम उनीमा त्‍वाकु मु़चु़मिमलाई ङेट्‌मिडिम मिबु। हाम एलियाकु दुथाम माम्‍चु़नीकु सिजेमडा र्‍याक्‍मा ल्‍वा चनिम मिबु? इस्राएलीमिमकु कोर्थो़लाम एलियाका आरेसाका र्‍वाक्‍ताम बु,