याकूब 5:16 - थुलुङ राई

¹⁶ मेम्‍मिमका गानी कोलेका कोलेनुङ इनी छु़ल न-गोलामका सो़बेनी। कोलेका कोलेनुङ त्‍वाका बेन्‍निम छु़लकु दुथाम सो़बेनिमा सो़म्‍दी बेनी, मेम्‍मा गानी सनी। माम्‍चु़नीकु न होम्‍साका दोपा मु़चु़कु सो़म्‍दीका छो़म डोक्‍पु खारी बु़।

याकूब 5:16 Referans Kwoze

मत्ती 21:22

गानी थो़रलु़नी माला सो़म्‍दीडा हाम बिनी, मेराम ल्‍वानी।”

यूहन्‍ना 9:31

माम्‍चु़नीका छु़लचो़मिमकु ल्‍वा मेथो़मी र्‍वाक्‍साका गुइ च। माम्‍चु़नीकु न होम्‍साका उनीमा लाम्‍दीडा लाम्‍दिपा मु़चु़कु ल्‍वा गुमीका थो़मी।

१ पत्रुस 2:24

गुमीका इकी छु़लमिम उनीमा मिरो़मडा क्रूसडला कुर्मिडी। उनीमा पारमिमका गानी सन्‍निम बु। मेम्‍साका छु़ल मेबिइनु़ मा माम्‍चु़नीकु न-गो होम्‍साका नु़इनु़।

१ यूहन्‍ना 3:22

मेम्‍मा गुइ हाम बिइ मेराम माम्‍चु़नीका ग्‍वाक्‍सामी हेङालोने गुमीका र्‍वामिमिम होङङा गुइ बि, मा गुमीलाई गेर्सी बेट्‌पा खारी बि।

थु़र्मा 19:18

थो़रलु़पामिम छो़म सेर्पा मेसिन्‍डा रोम्‍डी, मा मेर्मिमका बेम्‍डिम मेजो़पा खारीमिम खोत्‍ले उनी न-गोलामका मिम्‍सिम्‍डी, मा खोत्‍लेकु ङादोडा सो़म्‍डी।

१ थेसलोनिकी 5:17

हेल्‍लो लोवो सो़म्‍दी बेनिम बानी।

हिब्रू 12:13

खेल ब्‍लेट्‍पामिम समिनु़ मा मेतासाका लाम्‍दिमु चाम्‍मिनु़ र्‍वाक्‍साका गानी ङाचो़कु चङचङ लाम्‍दिमुडा जो़होमका लाम्‍दिनी।

१ थेसलोनिकी 5:25

वा-ल्‍वाकनी, सो़म्‍दी बेसाट्‌किनी।

मत्ती 3:6

मा मेर्मिमका बेम्‍डिम छु़लमिम सो़साका यर्दन ब्‍लोकुडा यूहन्‍नालामका कु-रु़दु़म रम्‍डी।

हिब्रू 13:18

आकीमा लागि सो़म्‍दी बेसाट्‌की। आकीमा मिम्‍सीडा गुकु जो़पा बुकु र्‍वाक्‍साका थो़रलु़त्तोकोम बु। हेङालोने हेल्‍लो लोवो गुकु जो़पा खारी बेपा न बोकु।

हिब्रू 11:7

थो़रकाङा नोआका उमा नेमडाममिमलाई होङकोर्माडाम सेल्‍मु कोले डोक्‍पु कुबी-बोक्‍सा बनेबु़डु़। मेरामडाम ङादो हेल्‍लो वो मेदु़म्‍थेङा बाट्‌पा ल्‍वाकु दुथाम गुलाई चङचङया बाबेट्‌पा माम्‍चु़नीका र्‍वाम्‍डिम होङङा गुका बु़डु़। थो़रकाङा गुका सु़म्‍दिसेरलाई मुमा बेड्‌डु़ मा थो़रकाङा गुलाई माम्‍चु़नीका जो़पा र्‍वाम्‍डी।

रोमी 5:19

कोले मु़चु़का माम्‍चु़नीका र्‍वाम्‍डिम ल्‍वा मेथो़सु़वामका हापा मु़चु़मिम छु़लचो़ दु़म्‍मिडी, मेम्‍साका ङा कोले मु़चु़का माम्‍चु़नीका र्‍वाम्‍डिम थो़स्‍तु़मका हापा मु़चु़मिम जो़पा न-गोकाम दु़म्‍मिडी।

रोमी 3:10

ओराम ल्‍वा माम्‍चु़नीकु सिजेमडा वो र्‍याक्‍मा बु, “माम्‍चु़नीकु ङादोडा सु़ वो जो़पा मेबुमी, कोले वो मेबुमी।

हिब्रू 11:4

थो़रकाङा हाबिलका माम्‍चु़नीलाई कयिनका ग्‍वाक्‍तु़मडाम जो़पा सासेसी ग्‍वाक्‍तु़। हाबिलकु ग्‍वा-ग्‍वाका माम्‍चु़नी गेर्सिद्‌वाम्‍डिलो थो़रकाङा हाबिल गुमीका द्‌वाम्‍डिम मु़चु़ र्‍वाम्‍डी। मेम्‍मा गु सिल्‍याड्‌डा लोवो थो़रकाङा गुका आथावो सीडु़मी।

थु़र्मा 10:38

माम्‍चु़नीका नासरतडाम येशूलाई उनीमा पेल नुङ यु़मका थुट्‌मिडी। गुमी जो़पा खारी बेत्तो नुङ मुनाङका हुपामिमलामका मुनाङ ख्‍लुक्‍तो लाम्‍दिम्‍डी, हेङालोने माम्‍चु़नी गुमीनुङ बाम्‍डी।

१ थेसलोनिकी 5:23

न-गो भ्रसिबेट्‌पा माम्‍चु़नीका खोत्‍लेडा गानीलाई सेपा दु़म्‍बेन्‍मिनु़। मेम्‍मा खोत्‍ले इनीमा मिरो़म, न-गो, साम ङाचो़ येशू ख्रीष्‍ट योमिलोसम्‍म हाम वो मेख्‍लो़ट्‌पा दु़म्‍बेन्‍मिनु़।

कलस्‍सी 1:9

मेम्‍मिमका इनीमा दुथाम थो़त्तोकोलो आथाम इनीमा लागि सो़म्‍दी बोकुमिमङा बुकु। गानी माम्‍चु़नीकु नलाई थेसिथेन्मुकाम लागि उनीमा पेललामका खोत्‍ले नेप्‍ची नुङ थेसिथेट्‌पा न लिट्‌पा बेसाका माम्‍चु़नीका ग्‍वानिमिनु़ र्‍वाक्‍साका गुमीनुङ सो़म्‍दी बोकुम बुकु।

लूका 9:6

मेम्‍मिमका सीसिपामिम खोत्‍ले लम्‍डिमा जो़पा-सेला थो़बेत्तो नुङ नो़पा मु़चु़मिमलाई सबेत्तो देल-देलडा खिर्सिम्‍डी।

मर्कूस 1:5

खोत्‍ले यहूदिया नेब्‍दी नुङ यरूशलेमडाम मु़चु़मिम यूहन्‍नाकाडा लम्‍डी। मेकोतिमा उनी छु़लमिम उनी गोलामका मिम्‍सित्तोङा यूहन्‍नालामका यर्दन ब्‍लोकुडा कु-रु़दु़म रम्‍डी।

थु़र्मा 8:24

मेकोतिमा सिमोनका पत्रुस, यूहन्‍नानुङ र्‍वाक्‍ता, “आमा लागि माम्‍चु़नीडा सो़म्‍दी बेङ्‌साङ्‌नी, गानी र्‍वाक्‍निम ल्‍वा उहेम वो गोडला मेरोनु़।”