याकूब 5:15 - थुलुङ राई

¹⁵ माम्‍चु़नीडा थो़रलु़साका बिइमिम सो़म्‍दीका नो़पामिम समी, मा माम्‍चु़नीका ङादोम होप्‍मामङा मेर्मिमलाई दु़म्‍बेन्‍मी। मेरामका छु़ल बु़डु़म बु लोवो गुमीका उमा छु़ल हेम्‍सामी।

याकूब 5:15 Referans Kwoze

याकूब 5:13

हाम गानीगोडा कोङनिमका दु़खा ल्‍वात्तोङा बु़? मेरामका माम्‍चु़नीडा सो़म्‍दी बु़नु़। हाम कोङनिम गेर्सिक्‍पा बु? मेरामका माम्‍चु़नीकु नङ कोक्‍साका काम्‍सो बु़नु़।

याकूब 5:16

मेम्‍मिमका गानी कोलेका कोलेनुङ इनी छु़ल न-गोलामका सो़बेनी। कोलेका कोलेनुङ त्‍वाका बेन्‍निम छु़लकु दुथाम सो़बेनिमा सो़म्‍दी बेनी, मेम्‍मा गानी सनी। माम्‍चु़नीकु न होम्‍साका दोपा मु़चु़कु सो़म्‍दीका छो़म डोक्‍पु खारी बु़।

याकूब 1:6

मेरामका उमा नडा हाम वो मेमुर्साका, लावो थो़रलु़साका बियु़नु़, हेङालोने नडा मुर्सिक्‍पा ने जुका भाल-आथो़ घ्रोक्‍पा दिरिदिनकु बाबारिम होप्‍माम सो़।

मत्ती 17:20

गुमीका मेर्मिमलाई र्‍वाम्‍डी, “इनी थो़र याक्‍के बुमिमका। आच्‍छाङा गो गानीलाई र्‍वाङु, रायाकु मा हेप्‍माम याक्‍के वो थो़र गानीनुङ बु माला ओराम पोप्‍चङलाई ‘ओलामका हेम्‍ल्‍यासिडा’ र्‍वानी माला मेराम हेम्‍ल्‍यासी। गानी बोमु मेचाम्‍निमिम हाम वो मिबु।

यूहन्‍ना 5:14

चङडा येशूका मेरामलाई सो़रनेमगोडा डार्मिडिमा र्‍वाम्‍डी, “रेप्‍डा, गाना सन्‍नाम बु। आथाडा आनो गाना छु़ल मेबे, मा गानाडला मेजो़पा मेरोनु़।”

यूहन्‍ना 6:39

गोलाई थु़र्पा माम्‍चु़नीकु न आरेप्‍माम बु, गुमीका गोलाई ग्‍वाङ्‌डिमिम मु़चु़मिमगोडाम कोलेलाई वो मेदाम्‍पुनु़, लावो हुक्‍पा थारीनेम नु़बेट्‌पुमिनु़।

१ कोरिन्थी 1:21

सु़म्‍दिसेरडाम मु़चु़मिमका उनी त्‍वाकु नेप्‍चीका माम्‍चु़नीलाई छेमु मेचाप्‍मिवा। मेम्‍मिमका माम्‍चु़नीकु नेप्‍ची होम्‍साका गुकु थो़बेत्तोकोम जो़पा-सेला नेप्‍ची मान्‍थिम होप्‍मामलामका थो़र लु़पामिमलाई सेल्‍मु माम्‍चु़नीका जो़पा लु़म्‍डी।

२ कोरिन्‍थी 4:14

गुकु चकु, इकीमा ङाचो़ येशूलाई सिमुलाम फक्‍पा माम्‍चु़नीकाङा गुइलाई वो येशूनुङ फक्‍सामी। मेम्‍मा गानी नुङ गुकुलाई उनी त्‍वाकाडा लक्‍सामी।

याकूब 5:20

ओराम चनी: उहेमका कोले छु़लचो़लाई मेजो़पा लाम्‍दीलामका ख्‍लोकु़मा रेडु़, मेरामका मे छु़लचो़लाई सिमुलामका सेलु़, मा गुका मेरामकु हापा छु़लमिम माम्‍चु़नीलाम हेम्‍बेसाडु़।