याकूब 4:8 - थुलुङ राई

⁸ माम्‍चु़नीकु ङादोडा लक्‍नी, मेम्‍मा गुमी वो इनीमा ङादोडा रोमी मा गानीनुङ कोयोङा बुमी। माम्‍चु़नीकु सिजेम होम्‍साका मेदोपा छु़लचो़नी, इनी ल्‍वा सेपा बेनी। माम्‍चु़नी नुङ सु़म्‍दिसेर निफिथो़ङा न जु़ल्‍पा मु़चु़नी, इनीमा न-गो सेपा बेनी।

याकूब 4:8 Referans Kwoze

हिब्रू 10:22

ख्रीष्‍टकु सिसि रक्‍साका ख्‍लो़ट्‌मा इकीमा न-गो छेको-छेको दु़म्‍बेसाका, मा जो़पा कुका इकीमा मिरो़म सो़ल्‍मिडिम दु़म्‍साका, आच्‍छाङाकाम थो़रलु़सी नुङ आच्‍छाङाकाम न-गोनुङ माम्‍चु़नीकु फार्डा लक्‍सी।

१ यूहन्‍ना 3:3

मेम्‍मा आरे दु़म्‍मु लथाक्‍पा मु़चु़ खोत्‍लेका येशू ख्रीष्‍ट छु़ल मान्‍थिम बुमिमिम होङङा त्‍वापलाई छु़ल मान्‍थिम दु़म्‍बेन्‍मी।

हिब्रू 7:19

मोशाकु डु़म्‍लाका ने मु़चु़मिमलाई माम्‍चु़नीकु ङादोडा जो़पा बोमु मेचाप्‍सु़वा, लावो मेरामडाम हापा जो़पा ल्‍वा माम्‍चु़नीका ग्‍वानिनी र्‍वाम्‍डिम मेराम ल्‍वालामका गुइ माम्‍चु़नीकु फार्डा रोम्‍थिमु चाप्‍सी।

२ कोरिन्‍थी 7:1

द्‌वादीबुङ ङोप्‍सो़नी, याचे जेम्‍मा आरेप्‍माम ल्‍वामिम गुइनुङ बुमिमका मिरो़मडाम नुङ न-गोडाम मेसेपा ल्‍वामिमडाम गुइ इकी त्‍वापलाई सेपा दु़म्‍बेडी। मेम्‍मा माम्‍चु़नीकु ङिम जु़ल्‍साका छो़म सेपा दु़म्‍तो लक्‍सी।

१ पत्रुस 3:21

मेराम कुका कु-रु़दु़म रेम्‍बु़, उहेमका गानीलाई सेल्‍नी। ओरामका मिरो़मडाम घ्राम्‍लु़पा तु़ पार्मा होप्‍माम मेएँ, लावो ननुङमाका माम्‍चु़नीडा याचे जेम्‍मा ल्‍वा सो़। ओरामका येशू ख्रीष्‍टकु सिमुलाम बग्‍गेसीलामका गानीलाई सेल्‍नी।

मत्ती 12:33

“जो़पा मा ल्‍वा ल्‍वामु न बोनी माला धक्‍सालाई जो़पा बेनी। इनी धक्‍साङा मेजो़पा बु माला मेरामडा मेजो़पा मा सिडु़। मेरामडा सिडु़मिम मालामकाङा मे धक्‍सा छेडी।

१ तिमोथी 2:8

थो़रलु़पामिमकु घ्रो़म्‍दीडा वोस्‍चो़मिमका छोक्‍चो मेबेसाका नुङ रिबुसी मेकिसाका मा सेपा उनी ल्‍वा कोक्‍साका सो़म्‍दी बोमिनु़ र्‍वाक्‍पा आमा न बु।

१ पत्रुस 1:22

आच्‍छाङाकाम ल्‍वा होङङा बेसाका गानी इनी त्‍वापलाई छेको-छेको दु़म्‍बेट्‌निम बु। मेम्‍मिमका थो़र लु़पा इनीमा वा-ल्‍वाकलाई आच्‍छाङाका रिखाम बेनी, मा इनी त्‍वाप-त्‍वापडा न-गोलामकाङा छो़म रिखाम बेबेनी।

याकूब 1:8

हेङालोने नले न बेसाका मुर्सिक्‍पा मु़चु़ ने खोत्‍ले उमा जेसी-दोसीडा वाङ-वाङ दु़म।

थु़र्मा 15:9

गुमीका वाङसामामिम नुङ गुइलाई मेफ्‍वाक्‍सामिवा, लावो मेर्मिमका थो़र लु़म्‍डिमका गुमीका खोत्‍लेकु न-गो सेपा दु़म्‍बेट्‌मिडी।

मत्ती 15:2

“हेङा इनीमा सीसिपामिमका बेप-पापमिमका बेम्‍खेम्‍डिम होम्‍साका मेबोमिमिम? हेङालोने मेर्मिमका पोमु ङादो उनी ल्‍वा मेसो़ल्‍मिवा।”

मत्ती 27:24

हाम वो बोमु मेझापा, मेरामडाम ने मु़चु़मिम येमु-दुमुमा ङाल्‍मु खाप्‍मिमिम पिलातसका ल्‍वास्‍तु़। मेम्‍मा गुका कु रङडु़मा सेर्पा मु़चु़कु ङादोडा उ ल्‍वा सो़ल्‍साका र्‍वाक्‍ता, “ओराम मु़चु़ सेन्‍मुडा गो हाम वो ख्‍लो़त्तोम मिबु, इनी त्‍वापङा चन्‍सिट्‌नी।”

याकूब 3:17

लावो पाह्रीलामका योक्‍पा नेप्‍ची ने ङादोङा सेपा दु़म। मेकोतिमा मेराम न भ्रसिबेट्‌पा, याक्‍के दु़म्‍पा, खोत्‍लेनुङ दु़पा, छो़म न-थो़मनुङमा दु़म्‍साका जो़पा खारी बेपा, चोमिक्‍सी मेबेपा, मा हेल्‍लो लोवो वाङमिम मु़चु़कु दुथाम मिम्‍पा दु़म।